29 Jul 2007

ဘုန်းဘုန်းဦးဥတ္တရ ရွှေရတု မွေးနေ့မင်္ဂလာ

အင်္ဂလန်နိုင်ငံ လန်ဒန်မြို့ ကောလင်းဒေးမြို့နယ် သာသနာ့ရံသီ ၀ိဟာရကျောင်း ဆရာတော် ဦးဥတ္တရ၏ သက်တော် (၅၀) ပြည့်မွေးနေ့ မင်္ဂလာနှင့် ၀ါဆိုသင်္ကန်း ကပ်လှူပွဲကို ဒီနေ့ စည်ကားသိုက်မြိုက်စွာ ကျင်းပခဲ့ပါတယ်။ လန်ဒန်မြို့ပေါ်ရှိ မြန်မာဘုန်းကြီးကျောင်းများမှ ဘုန်းတော်ကြီးများလည်း ကြွရောက်ချီးမြင့်ခဲ့ကြပါတယ်။ မြန်မာပရိတ်သတ်များအတွက် မြန်မာတို့အကြိုက် ရှမ်းခေါက်ဆွဲနှင့် အကြော်စုံများဖြင့် တစ်နေကုန် ကျွေးမွေးခဲ့ပါတယ်။ မွေးနေ့ပွဲမတိုင်ခင်ကတည်းက ရောက်နှင့်နေတဲ့ ကျွန်တော့်အတွက်တော့ ၂၈ ရက်နေ့ ညနေကတည်းက လုပ်အားပေးခဲ့တယ်။ ၂၈ရက်နေ့ ဘလော့သတင်းများအရ မန္တလေးမှာ ၀ါဆိုခြင်းခတ်ပွဲတွေကို တွေ့လိုက်ရတယ်။ ဒါနဲ့ ကျွန်တော်တို့လည်း လူစုပြီး ခြင်းခတ်ခဲ့ကြသေးတယ် :) ဓာတ်ပုံတွေကိုတော့ ဆရာတေးက တောက်လျှောက်ကိုတင်ထားတယ်။ သူ့ဘလော့မှာလည်း သွားရောက်ကြည့်ရှူ့နိုင်ပါတယ်။ ကျွန်တော်ကတော့ မွေးနေ့ပွဲမှာ ၀ါဆိုသင်္ကန်းတစ်စုံကပ်လှူခဲ့တယ်။ နောက်ပြီး ဧည့်သည်ပရိတ်သတ်များစားဖို့ အကြော် ကြော်ပြီးလုပ်အားပေး ကုသိုလ်ယူခဲ့တယ်။ အကြော်ကတော့ ကောင်းတယ်လို့ပြောကြတယ်။ ကျွန်တော်က ကြော်ပဲ ကြော်တာ။ အကြော်မှုန့်စပ်တာ ဖျော်တာက တစ်ယောက် :D ဘာပဲ ဖြစ်ဖြစ် ကြော်တာပဲပေါ့။ ကြော်တာမှ မနက်လင်းကတည်းက ညနေထိဗျာ။ မြန်မာနိုင်ငံက အကြော်သည်တွေရဲ့ဘ၀တွေကို ကိုယ်ချင်းတောင်စာမိတယ်။ ဆီအိုး ပူပူဘေးမှာ အသက်မွေးဝမ်းကျောင်းအတွက် ရုန်းကန်ရတာလည်း မလွယ်ပါလား။ အကြော်တွေကတော့ စုံနေတာပဲ။ ဘူးသီးကြော်၊ ကြက်သွန်ကြော်၊ ကုလားဗယာကြော် နှင့် တိုဟူးကြော်တို့ ပါတယ်။ နောက်ပြီး တစ်ချို့က ဘုရားစင်က ငှက်ပျောသီးကို စွန့်လာပြီး ငှက်ပျောသီး ကြော်စားတဲ့သူတွေလည်း ရှိတယ် :D ကဲ ... သရေကျရအောင် အကြော်ပုံတွေ ကြည့်လိုက်ကြပါဦး :D

တိုဟူးကြော် ... ကောင်းမှကောင်း ... ကျွတ်ရွနေတာပဲ

ကုလားဗယာကြော် ... ကုလားကြော်တာတော့ မဟုတ်ဘူးနော်

ဘူးသီးကြော် .. အစစ်နော် ... ဂေါ်ရခါးသီး နဲ့ အင်ထုတားတာမဟုတ်ဘူးနော်

ဓာတ်ပုံတွေ ကျန်သေးတယ် ... နောက်နေ့မှ ဆက်ပါဦးမည်။ ကျန်းမာပျော်ရွှင်ပါစေ smile

28 Jul 2007

Free Wav Recorder

All2WAV - သီချင်းတွေ အသံတွေကို Play လုပ်ရန် ဒါမှမဟုတ် Recording လုပ်ရန် အသုံးပြုနိုင်တဲ့ Free Ware လေးတစ်ခုပါ။ Microphone, Internet streaming video, games (သို့) media files တို့မှအသံများကို recording ကောင်းမွန်စွာ လုပ်ပေးနိုင်ပါတယ်။ record လုပ်လို့ရလာတဲ့ format ကတော့ wav format ဖြစ်ပြီး sound quality (from 8000 Hz 8-bit Mono to 48000 Hz 16-bit Stereo) ကိုလည်း သတ်မှတ်ပေးနိုင်ပါတယ်။ screenshot တွေကို ဒီမှာ ကြည့်နိုင်ပါတယ်။

Minimum requirements:
1) Windows 95/98/ME/NT 4.0/2000/XP/2003.
2) About 3 Meg of disk space.
3) Sound card.

27 Jul 2007

၃၈ ဖြာ မင်္ဂလာ (သို့) မင်္ဂလာတရားသည် ကြီးပွားခြင်း၏ အကြောင်းဖြစ်၏

ဆရာတေး က ကျွန်တော့်ကို ၃၈ ဖြာ မင်္ဂလာနဲ့ ပက်သက်ပြီး Tag လုပ်ထားတာကြောင့် ဒီပို့စ်ကို ရေးဖြစ်သွားပါတယ်။ အမှန်အတိုင်း ပြောရရင်တော့ တရားနဲ့ ပက်သက်တဲ့ အလုပ်တွေ ဘာသာရေးအလုပ်တွေကို အခုနောက်ပိုင်းမှာ တဖြည်းဖြည်းနဲ့ ပိုပြီး သက်ဝင်ယုံကြည်လာတယ်။ အရင်တုန်းကဆိုရင် မနက်မိုးလင်းတိုင်း သီချင်းဖွင့်တတ်တဲ့ ကျွန်တော်၊ အခုဆိုရင် မနက်အိပ်ယာထတိုင်း ပရိတ်ကြီး ၁၁ သုတ်ကို အမြဲဖွင့်ပြီး တရားနာတယ်။ ကျွန်တော်တို့တွေ လူ့ပြည်က ထွက်ခွာသွားရင် ရာထူးတွေ စည်းစိမ်တွေ ဥစ္စာပစ္စည်းတွေက ယူသွားလို့ မရဘူး။ တရားနဲ့ကုသိုလ်တွေကပဲ နောင်ဘ၀အထိ ပါသွားမှာ မဟုတ်လား။ နောက်ပြီး အင်္ဂါနေ့နှင့် တနင်္ဂနွေနေ့တိုင်းမှာလည်း ဘုန်းကြီးကျောင်းမှာ ပရိတ်တွေ ပဌာန်းတွေ ရွတ်ကြတယ်။ နောက်ပိုင်း လုပ်ရင်း လုပ်ရင်း စိတ်ထဲမှာ ပိုပြီး ကြည်လင်လာပြီး အေးချမ်းမှုကို ခံစားရတယ်။ တရားတော်တွေကို ဆုံးမပြသပေးတဲ့ လန်ဒန် သာသနာ့ရံသီကျောင်းက ဆရာတော် ဦးဥတ္တရ၊ ဦးသီ၊ ဦးကေ တို့ရဲ့ တရားဂုဏ်ကျေးဇူးတွေကလည်း အင်မတန်ကြီးမားပါတယ်။

အခု ၃၈ ဖြာမင်္ဂလာနဲ့ ပက်သက်ပြီး ဆရာတေးရဲ့ ဘလော့မှာ တော်တော်များများပါပြီးပါပြီ။ သူ ဖော်ပြထားတာတွေ ရေးသားထားတာတွေကလည်း တော်တော်လေးပြည့်စုံလှပါတယ်။ ကျွန်တော့်အနေနဲ့ကတော့ မင်္ဂလာတရားတော်တွေထဲကမှ ကျွန်တော့်အတွက် (သို့) ကျွန်တော်တို့လူ့ပတ်ဝန်းကျင်အတွက် အရေးကြီးဆုံးလို့ထင်ရတဲ့ တရားတော်တွေကို ပြန်လည်ဖော်ပြချင်ပါတယ်။
သင်ကြားရေး မင်္ဂလာ ၄ ပါး

တတ်ကောင်းတတ်ရာ ဟူသမျှကို ၊ ကြားမြင်သုတ ရှိပါစေ။
အိုးအိမ်တည်ထောင် ၀မ်းစာရေးနဲ့ ၊ အသက်မွေးဖို့ အတတ်သင်လေ။
လူနှင့်ဆိုင်ရာ ကျင့်ဝတ်များကို ၊ ကောင်းစွာသင်ကြားနားလည်စေ။
မှန်ကန်ယဉ်ကျေး ချိုသာအေး၊ ဆိုရေးတတ်ပါစေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။
ကျွန်တော်တို့အနေနဲ့ ယခုမျက်မှောက်ခေတ်ကြီးမှာ အသိပညာ အတတ်ပညာတွေကို အဆက်မပြတ်သင်ကြားလေ့လာနေဖို့လိုအပ်ပါတယ်။ ပညာတတ်ရုံနဲ့လည်း မပြီးသေးဘဲ လူနဲ့ ပက်သက်တဲ့လူ့ကျင့်ဝတ်များကိုလည်း နားလည်နေရမှာဖြစ်ပါတယ်။ ပညာဘယ်လောက်တတ်တတ် လူ့ကျင့်ဝတ်နားမလည်ရင်တော့ လူမဟုတ်တော့ဘူးလို့ပဲ ယူဆပါတယ်။ "မှန်ကန်ယဉ်ကျေး ချိုသာအေး" - စကားပြောဆိုရာမှာလည်း သူတစ်ပါး နားဝင်ချိုအောင် ချိုသာယဉ်ကျေးတဲ့ စကားများကိုသာ ပြောဆိုသင့်ပါတယ်။ နောက်ပြီး ဆရာတော်တစ်ပါး အမိန့်ရှိသွားသလို "ကိုယ်မကြိုက်တာကို သူများကိုလည်း သွားမပေးပါနဲ့ ... အဲဒါဆိုရင် မင်း စိတ်ချမ်းသာပြီ" တဲ့။ တကယ်ရိုးရှင်းလှတဲ့ အယူအဆလေးပါ။ ကိုယ့်ကို စတာနောက်တာ မကြိုက်ရင် သူများကိုလည်း သွားမစ ပါနဲ့။ ကိုယ့်ကို လာဆဲတာမကြိုက်ရင်၊ သူများကိုလည်း သွားပြီး မဆဲပါနဲ့ လို့ ဆိုလိုပါတယ်။ အဲဒါကြောင့် ကိုယ်မကြို့က်တဲ့ အရာတွေကို သူများကို လိုက်မပေးပါနဲ့ ... အဲဒါဆိုရင် သင် စိတ်ချမ်းသာနိုင်မှာ မလွဲဧကန်ပါပဲ။
ပြုစုရေး မင်္ဂလာ ၃ ပါး

မြင်းမိုရ်ရွှေတောင် မိဘကြွေးကို၊ ကောင်းစွာဆင်ပေး ၀တ်ကျေကျေ။
ကြွေးသစ်ချကာ သားနှင့်မယား ၊ မြှောက်စားချီးမြှင့် ၀တ်ကုန်စေ။
အလုပ်တာဝန် မလစ်ဟင်းနဲ့ ၊ အပြစ်ကင်းအောင် လုပ်ပါလေ။
စည်းစိမ်ကိုပေး ပြုစုရေး ၊ မြော်တွေးသုံးချက်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။
မြတ်စွာဘုရားကိုယ်တော်တိုင်တောင်မှ သူ့မိခင်ရဲ့ ကျေးဇူးတော်ကို တရားဟောပြီးဆပ်တာ နို့တစ်လုံးဖိုးပဲ ကျေခဲ့ပါတယ်။ ကျွန်တော်တို့ သာမန်လူသား ပုထုဇဉ်တွေဆိုရင်တော့ ပိုပြီး ဝေးကွာလွန်းလှပါတယ်။ လူမချမ်းသာရင်နေပါစေ စိတ်ချမ်းသာဖို့ အရေးကြီးတယ် ဆိုတဲ့အတိုင်း ... မိဘကို ဒီအချိန်မှာ တစ်ခြားအရာတွေနဲ့ ကျေးဇူးမဆပ်နိုင်သေးရင်တောင်မှ ကိုယ့်မိဘကို စိတ်ချမ်းသာအောင် နေပြတာလည်း မိဘကို ကျေးဇူးဆပ်ခြင်း တစ်မျိုးပါပဲ။ မိဘတွေရဲ့ ကျေးဇူးကို စာဖွဲ့ပြီးရေးမယ်ဆိုရင် ရေးလို့ဆုံးနိုင်မှာ မဟုတ်ပါဘူး။ ဒါကြောင့် မိဘနှစ်ပါးကို မသေခင်မှာ ပြုစုကျွေးမွေးစောင့်ရှောက်ဖို့ဟာ အရေးကြီးဆုံး မင်္ဂလာတရားတော်လို့ ကျွန်တော်ယူဆပါတယ်။ နောက်ပြီး ကြွေးဟောင်းဆပ်ပြီး ကြွေးသစ်ချကာ ကောင်းစွာလုပ်ကိုင် ရှာဖွေကျွေးမွေးရပါဦးမယ်။ မိဘတစ်လှည့် ဖြစ်သွားသူကလည်း မိဘ ၀တ္တရားနှင့်အညီ လုပ်ကိုင်ရှာဖွေကျွေးမွေးသလို မိမိကိုယ်တိုင် သားသမီးအဖြစ်တလှည့် မိဘကို လုပ်ကိုင်ကျွေးမွေးရာမှာလည်း သားသမီးဝတ္တရားနဲ့ အညီ ကျွေးမွေးပြုစုစောင့်ရှောက်သင့်ပါတယ်။ အဲလို ရှာဖွေကျွေးမွေးရာမှာလည်း သမာအာဇီဝကျကျ အလုပ်မျိုးကို လုပ်ကိုင်မှသာ မင်္ဂလာတရားတော်နဲ့ ညီမှာဖြစ်ပါတယ်။

အထက်ပါ မင်္ဂလာတရားတော် (၇) ပါးကို ဆရာတော် ဦးပညာသာမိ စာအုပ်ပါ ဒဂုံဦးထွန်းမြင့်၏ ကဗျာလေးများနှင့် ကျွန်တော်သိထားသမျှ ဗဟုသုတ အတွေးအမြင်များကို ဖြည့်စွက်ရေးသားထားခြင်း ဖြစ်ပါတယ်။ ဒီပို့စ်လေးဖြစ်လာဖို့ တိုက်တွန်းပေးတဲ့ ဆရာတေးကို ကျေးဇူးအထူးတင်ပါတယ်။ မိတ်ဆွေများအားလုံး သုံးဆယ့်ရှစ်ပါးသော မင်္ဂလာတရားတို့ကို လိုက်နာပြုကျင့် နေထိုင်နိုင်ကြပါစေ။

ဆက်လက်ရေးသားစေလိုတဲ့ သူများကတော့

ကိုမောင်လှ
ကိုဆန်းဦး
ကိုစစ်ကိုင်း
ကိုစတီဗင်
ကိုတိုး
ကိုဖြိုး
မချောအိမာန်
ဆြာဘ
စိုးစိုးကြည်
ကြည်ပြာ
မမေဓာဝီ
မမယ်လိုဒီမောင်
ကိုဖြိုး
အန်တီညလေး

ရေးနိုင်မယ် ထင်တဲ့သူတွေကိုပဲ Tag လုပ်လိုက်ပါတယ်။ ရေးစေချင်တာကတော့ မိုးတွေရွာရင် တုန်းက ပို့စ်လိုပဲ အားလုံးကို ရေးစေချင်တာပါ။ ဒါပေမဲ့ .... "ဒီကောင် သူများကို ဒုက္ခလိုက်ပေးတယ်" ထင်နေမှာစိုးလို့ပါ :)

26 Jul 2007

Online FLV Converter

Vixy.net (online video conversion service)- YouTube movie တွေ ဒါမှမဟုတ် FLV file တွေကို ကြိုက်နှစ်သက်ရာ အောက်ပါ format တွေကို ပြောင်းလဲပေးနိုင်တဲ့ service တစ်ခုပါ။
  • AVI for Windows (DivX + MP3)
  • MOV for Mac (MPEG4 + MP3)
  • MP4 for iPod/PSP (MPEG4 + AAC)
  • 3GP for Mobile
  • Mp3 (Audio only)
Updated: 31.July.07

http://vConvert.net မှာလည်း အသုံးပြုနိုင်ပါတယ်။

credit to: prince

24 Jul 2007

ခွေးဟောင်တိုင်း ကျောက်ဆောင်မပြိုပါဘူး

အခုတစ်လော မြန်မာဘလော့ဂါ အထူးသဖြင့် မန္တလေးဘလော်ဂါတို့၏ cbox များ၌ "မန္တလေးဘလော်ဂါတွေကို ကျိုင်းထောက်တပ်တဲ့ ကိုယ်တော်တွေ စောင့်ကြည့်နေကြပြီ၊ သတိထားကြပါ" ဟုဆိုပြီး လူတစ်ယောက် ၀င်ဝင်အော်သွားတာ တွေ့နေရပါတယ်။ IP address ကိုကြည့်လိုက်တော့ UK ကဖြစ်နေတယ်။ ယုံတောင် မယုံချင်ဘူး။ သူက UK မှာရှိတာ ဘယ်နှယ့်ကြောင့် မန္တလေးက အကြောင်းတွေကို သိနေရတာလည်း ? စဉ်းစားစရာ။ နောက်ပြီး တစ်ခုရှိတာက ... ip address ဆိုတာက အခုနောက်ပိုင်း နည်းပညာတွေတိုးတက်လာတာနဲ့ အမျှ ip တွေကို ပလီပြီး ပြောင်းထားလို့ရပါတယ်။ ဥပမာ ... Hide IP လို software တွေကိုသုံးပြီး ၀င်မယ်ဆိုရင်တော့ အဲဒီလူရဲ့ original ip ကိုသိဖို့မလွယ်ပါဘူး။ အဲဒါကြောင့် ဘယ်ဟာမှ ပုံသေတော့ တွက်ထားလို့ မရနိုင်ပါဘူး။ ထားပါလေ။ အဓိက ပြောချင်တာကတော့ ဘလော့ဆိုတာ ကိုယ်ပိုင်လွတ်လပ်ခွင့်ရှိတဲ့နေရာ၊ ကျိုင်းထောက်တပ် ကိုယ်တော်တွေ စောင့်ကြည့်နေတိုင်းသာ ဘလော့မရေးရဘူးဆိုရင်တော့ ငုတ်တုတ်မေ့ရုံပဲ ရှိတော့မပေါ့။

ဘလော့ဆိုတာ ကိုယ့်ရဲ့ စိတ်ဖြေရာ၊ နည်းပညာဖြန့်ဖြူးရာ၊ ပညာဆည်းပူရာ စသည်ဖြင့် လိုသလို အသုံးပြုနိုင်တဲ့ အင်တာနက်ပေါ်က နေရာလေးပါ။ သတိပေးတာတွေ ခြိမ်းခြောက်တာတွေကိုတော့ ဘယ်သူမှ လက်ခံနိုင်မှာ မဟုတ်ပါဘူး။ ကျွန်တော်ကတော့ အဲဒီလိုလုပ်ရပ်တွေကို လုံးဝ လုံးဝ ကန့်ကွက်ပါတယ်။ နောက်ပြီး အဲဒီ message တွေကို မြင်ပြီး ကြောက်လန့်နေစရာလည်း မလိုပါဘူး။ နောက်ထွက်လာမည့် ဘလော့လုပ်ဖို့ ပြင်ဆင်နေသော ညီအစ်ကို မောင်နှမများလည်း ဆက်လက်ရေးသားကြပါ။ ခွေးဟောင်တိုင်းလည်း ကျောက်ဆောင်မပြိုပါဘူး။ ကိုယ့်ခံစားချက် ကိုယ့်ယုံကြည်ချက်နဲ့ကိုယ်ပဲ ဆက်လုပ်ရေးသားကြပါလို့ ခင်မင်လေးစားစွာ တိုက်တွန်းချင်ပါတယ်။

နောက်တစ်ခုကတော့ ... ဘလော့တွေရဲ့ cbox မှာ တစ်ခြားဘလော့ဂါတွေရဲ့ နာမည်တွေကို သုံးပြီး မြန်မာဘလော့ဂါအချင်းချင်း စိတ်ဝမ်းကွဲအောင် ဂုံးတိုက်ပြီး ဆဲတာတွေကိုလည်း တွေ့နေရပါတယ်။ အင်မတန်မှ အောက်တန်းစားဆန်ပြီး ယုတ်မာတဲ့စိတ်ဓာတ်ဖြစ်ပါတယ်။ လုံးဝ လုံးဝ ကန့်ကွက် ရှူံ့ချပါတယ်။ အမြင့်ရောက်လာတာနဲ့ အမျှ မနာလိုဖြစ်ကြပြီး အောက်နေ ဒုတ်နဲ့ ထိုးချချင်ကြတယ်။ မြန်မာလိုတွေဆဲလို့ တော်သေးတာပေါ့။ အင်္ဂလိပ်လိုတွေများဆဲပြီး တစ်ခြားဘလော့ဂါတွေကများ တွေ့သွားရင် မြန်မာဘလော့ဂါတွေအတွက်တင်မကပဲ မြန်မာလူမျိုးတွေအတွက်ပါ အင်မတန် ရှက်စရာကောင်းလှပါတယ်။ အဲဒီဆဲတဲ့လူတွေကိုလည်း ဒီနေရာကနေပဲ တစ်ခါတည်းပြောလိုက်ပါရစေ။ အဖေမြန်မာ အမေမြန်မာဆိုရင်တော့ ယဉ်ကျေးပါ။ မေတ္တာတရား မုဒိတာတရားထားပြီး ဆက်ဆံကြပါလို့ တောင်းဆိုပါတယ်။ အကျိုးအမြတ်မရှိ သူများကိုလည်း ထိခိုက်တဲ့အလုပ်တွေကို ဆက်မလုပ်ဖို့ မေတ္တာရပ်ခံပါရစေ။

အိန္ဒိယက ဘလော်ဂါတွေကို ကျွန်တော်အရမ်းအားကျတယ်။ တကယ်ကိုပဲ စည်းလုံးကြတယ်။ သူတို့ရဲ့ community ဟာဆိုရင်လည်း တစ်နေ့တစ်ခြား ကြီးထွားလာနေတာ တွေ့ရပါတယ်။ အချင်းချင်း ရိုင်းပင်းတယ်၊ ကူညီတယ်၊ တလေးတစား ဆက်ဆံကြတယ်။ ကျွန်တော်တို့ အခုတွေ့နေရတာက အဲဒီလူတွေနဲ့ တစ်ခြားစီဖြစ်နေတယ်။ ပွဲဆူအောင်လုပ်တယ်၊ ဆဲတယ်၊ သပုတ်လေလွင့် လျှောက်ပြောတယ်။ စဉ်းစားကြည့်လေ ရှက်စရာကောင်းလေပါပဲ။ ကျွန်တော်တို့ မြန်မာလူမျိုးရဲ့ ချစ်စရာကောင်းတဲ့ ဓလေ့၊ ယဉ်ကျေးမှု တစ်ခုထဲမှာ လူအချင်းချင်း မုဒိတာပွားပြီး ရိုင်းပင်ကူညီကြတာလည်း တစ်ခုအပါအ၀င်ဖြစ်ပါတယ်။ "လူဆိုတာ အရှက်နဲ့လူလုပ်တာ မဟုတ်ဘူး .. အသက်နဲ့လူလုပ်တာ" လို့ပြောမယ်ဆိုရင်လည်း အဲဒီ "အသက်" တည်တံ့ဖို့အတွက် "အရှက်တရား "လည်း လိုအပ်ပါတယ်။ အရည်မရ မဖတ်မရ သူများတကာကို လိုက်လံဆဲဆိုပြီး ရှူံ့ချနေမည့်အစား မုဒိတာပွားပြီး ဘာမှမပြောပဲနေလိုက်တာမှ ကုသိုလ်ရနိုင်ပါသေးတယ်။ အခုတော့ ကိုယ့်အကုသိုလ် ကိုယ့်ဘာသာ မီးထွန်းပြီး ရှာနေသလိုဖြစ်နေတယ်။

အကျဉ်းပြန်ချုပ်လိုက်မယ်ဆိုရင် မြန်မာဘလော့ဂါ community ကြီး တစ်နေ့တစ်ခြား ကြီးထွားလာတာနဲ့ အမျှ မနာလိုမှုတွေ၊ တိုက်ခိုက်မှုတွေ၊ သပုတ်လေလွင့် ပြောဆိုမှုတွေကို ကျွန်တော်တို့ ရင်ဆိုင်လာရပါမယ်။ အဲဒီအတွက် နောက်မဆုတ် အလျော့မပေးကြဘဲ ကြံ့ကြံ့ခံပြီး ရှေ့ကိုဆက်လက်ချီတက်ကြဖို့ တိုက်တွန်းပါတယ်။ အဲဒီလို မြန်မာဘလော့ဂါတွေအချင်းချင်း ရိုင်းပင်းကူညီပြီး၊ တလေးတစား သူဖြူတယ်၊ ကိုယ်မဲတယ်၊ မခွဲခြားဘဲ စည်းစည်းလုံးလုံးလုပ်ဆောင်မှသာ ကျွန်တော်တို့ မျှော်လင့်တောင့်တတဲ့ ရွှေမြန်မာတို့ရဲ့ မြန်မာဘလော့ဂါ community ကြီးတစ်ခု ပီပီပြင်ပြင်ပေါ်ပေါက်လာမှာပါ။ အဲဒါကြောင့် "ခွေးဟောင်တိုင်းလည်း ကျောက်ဆောင်မပြိုပါဘူး" ဆိုတဲ့မူကို နှလုံးသွင်းပြီး ရှေ့ကိုဆက်လိုက်ချီတက်ကြပါစို့လို့ မြန်မာဘလော့ဂါ ညီအစ်ကို မောင်နှမများကို ခင်မင်လေးစားစွာ တိုက်တွန်းနှိုးဆော်လိုက်ရပါတယ်ခင်ဗျာ။

ကျန်းမာပျော်ရွှင်ပါစေ smile

Happy Birthday Ju Ju

သူငယ်ချင်း Ju Ju ... ဒီနေ့မှာ ကျရောက်တဲ့ မင်းရဲ့မွေးနေ့မင်္ဂလာရက်မြတ်မှသည် နောင်နှစ်ပေါင်းများစွာတိုင် စိတ်၏ချမ်းသာခြင်း ကိုယ်၏ ကျန်းမာခြင်းတို့နှင့် ပြည့်စုံပြီး ဘ၀ရဲ့ အောင်မြင်မှုပန်းတိုင်ကို မလွဲသေ ဧကန်မုတ်ချရောက်အောင် ကြိုးစားအားထုတ်နိုင်တဲ့ လူတော်လူကောင်းတစ်ယောက် ဖြစ်ပါစေလို့ ဆုတောင်းလိုက်ပါတယ်။ [ ဘဲ ချောချောလေးလည်း ရပါစေ :P ... မုန့်ကတော့ ပြီးမှစားတော့မယ် :D ]

22 Jul 2007

Mandalay and Bloggers

ဒီနေ့ မန္တလေးမှာ Everything is Bloggable ဆိုတဲ့ seminar နဲ့အတူ ဘလော်ဂါတွေ ဆုံဆည်းတဲ့ပွဲလေးတစ်ခု လုပ်ခဲ့ကြပါတယ်။ မန္တလေး အခြေစိုက် ဘလော့ဂါတော်တော်များများ တက်ရောက်ကြတာတွေ့ရပါတယ်။ တကယ်ကို ပညာရတဲ့ ပွဲလေးတစ်ခု ဖြစ်ခဲ့သလို ပျော်ရွှင်စရာကောင်းတဲ့ ပွဲလေးတစ်ခု ဖြစ်ခဲ့တယ်လို့လည်း သိရပါတယ်။ အဲဒီပွဲက ဓာတ်ပုံတွေကို ကြည့်တော့ ကျွန်တော့်ဆရာ နှစ်ယောက်ဖြစ်တဲ့ ဆရာတုံဆရာစစ်ကိုင်းတို့နှင့်အတူ အွန်လိုင်းမှ ခင်မင်ခဲ့ရတဲ့ သူငယ်ချင်းများကိုလည်း တွေ့လိုက်ရပါတယ်။ မန္တလေးဘလော့ဂါတွေက တကယ့်မင်းသား မင်းသမီးတွေဆိုတာ ဓာတ်ပုံတွေ့မှပဲ သိတော့တယ် :) ကျွန်တော်မန္တလေးမှာ ရှိရင်တော့ အဲဒီပွဲလေးကို တက်မိမှာ မလွဲမသေပါပဲ။ ဟိုတစ်လောက ရန်ကုန်မှာ ဘလော့ဂါ မီတင်တွေလုပ်တုန်းကလည်း စိတ်ထဲမှာ သွားချင်စိတ်တွေဖြစ်နေမိတယ်။ အွန်လိုင်းမှာ ခင်မင်ခဲ့ရတဲ့သူတွေကို အပြင်မှာတွေ့ပြီး ရင်းရင်း နှီးနှီး စကားပြောချင်စိတ်လည်း ဖြစ်ပေါ်မိပါတယ်။ အဲဒီလို လုပ်ခြင်းအားဖြင့် Blogger တွေ Forumer တွေကြားမှာ ရင်းနှီးမှုတွေ ပိုမို ရရှိသွားလိမ့်မယ်လို့လည်း ယုံကြည်ပါတယ်။ ကျွန်တော်တို့ ယူကေမှာတော့ အားလုံးပေါင်းလိုက်လို့ ဆယ်ဂဏန်းလောက်ပဲ ရှိပါတယ်။ ကျွန်တော်တကယ်အပြင်မှာ တွေ့ဖူးတာကတော့ သုံးလေးယောက်လောက်ပဲရှိတယ်။ အားလုံးတွေ့ဆုံဖို့ကတော့ သိပ်တော့မလွယ်ပါဘူး။ ဒါပေမဲ့ တစ်နေ့နေ့မှာတော့ အပြင်မှာ တွေ့မိလိမ့်မယ်လို့ ယုံကြည်ပါတယ်။

အခုဆိုရင် မြန်မာဘလော်ဂါ portal တစ်ခု စတင်လုပ်ဆောင်နေကြပါပြီ။ မြန်မာဘလော့ဂါတွေ စည်းစည်းရုံးရုံးနဲ့ မြန်မာလိုရေးသားတဲ့ နည်းပညာဘလော့တွေ၊ personal ဘလော့တွေ၊ contributor တွေပါဝင်ပြီး အဖွဲ့လိုက်ရေးကြတဲ့ ဘလော့တွေ၊ စီးပွားရေး ကြော်ငြာများအကြောင်းရေးသာတဲ့ ဘလော့တွေ ပေါ်ပေါက်လာအောင် ၀ိုင်းဝန်းလုပ်ဆောင် နိုင်ပါတော့မယ်။ တကယ်ကို ၀မ်းသာကြည်နူးစရာပါ။ အဲ တစ်ခုတော့ရှိတယ်ဗျ ... အဲဒီလို အောင်အောင်မြင်မြင်ဖြစ်လာတော့မယ့် မြန်မာဘလော့ဂါလောကကို မနာလို မရှူ့စိတ်ဖြစ်ပြီး လိုက်လံဆဲတာတွေ တိုက်ခိုက်တာတွေ စိတ်ဝမ်းကွဲအောင်လုပ်နေတာတွေကိုတော့ ကျွန်တော်တို့အားလုံး ကြံ့ကြံ့ခံ ရင်ဆိုင်နိုင်ဖို့လိုပါတယ်။ ဒါမှလည်း ကမ္ဘာအရပ်ရပ်က ပြန့်ကျဲနေတဲ့ မြန်မာဘလော့ဂါတွေကို စုစည်းပြီး ပျော်ရွှင်ဖွယ်ရာကောင်းတဲ့ မြန်မာဘလော့ဂါ အသိုင်းအ၀ိုင်းလေးတစ်ခု ပေါ်ပေါက်လာမှာပါ။ အခုဆို ရန်ကုန်မှာလည်း World Blogger Day အတွက် အမှတ်တရ စာအုပ်ထုတ်ဖို့ ပြင်ဆင်နေတာ တော်တော်ပြီးစီးနေပြီလို့ သိရပါတယ်။ အဲဒီစာအုပ် ထွက်လာပြီးတဲ့ နောက်ပိုင်မှာဆိုရင်တော့ မြန်မာဘလော့ဂါတွေအကြောင်း၊ မြန်မာဘလော့တွေအကြောင်းကို လူတွေ ပိုမိုသိရှိသွားလိမ့်မယ်လို့လည်း ယုံကြည်ပါတယ်။

ရွှေမြန်မာတွေ ရေးသားတဲ့ မြန်မာဘလော့ဂါလောကကြီး စည်းစည်းလုံးလုံး ညီညီညွတ်ညွတ်နဲ့ ပျော်ရွှင်ဖွယ်ကောင်းသော မြန်မာဘလော့ပတ်ဝန်းကျင်လေးတစ်ခု တည်ဆောင်နိုင်ပါစေလို့ ဆန္ဒပြုလိုက်ပါတယ်။ ဘလော့တည်ဆောက်ခြင်းနဲ့ ပက်သက်ပြီး သိချင်တာလေးတွေရှိခဲ့ရင်လည်း အီးမေးလ်ပိုပြီး မေးမြန်းနိုင်ပါတယ်။ ကျွန်တော် တတ်သလောက် အတတ်နိုင်ဆုံး ရှာဖွေဖြေဆိုပေးပါ့မယ်။ မရခဲ့ရင်လည်း အဲဒီမေးခွန်းကို ပို့စ်တစ်ခု အနေနဲ့ဘလော့မှာတင်ပြီး လာရောက်လည်ပတ်တဲ့ visitors တွေမှတစ်ဆင့် ဖိတ်ခေါ်ဆွေးနွေးပေးပါ့မယ်။

ကျန်းမာပျော်ရွှင်ပါစေ :)

20 Jul 2007

Anyway - မည်သို့ပင်ဖြစ်စေ

ဆရာဖေမြင့်ရေးသားသည့် "စာဖတ်သမား၏ မှတ်စုများ" စာအုပ်မှ ကျွန်တော်နှစ်သက်သည့် ဘ၀လမ်းညွှန် ဒဿာနတစ်ခုကို (English/Myanmar) နှစ်ဘာသာလုံးဖြင့် မျှဝေချင်ပါတယ်။ ဖတ်ရှူ့ရုံတင်မကပဲ စဉ်းစားဆင်ခြင်ကြည့်စေချင်ပါတယ်လို့ ဆရာဖေမြင့်က တိုက်တွန်းရေးသားထားပါတယ်။

Anyway ("The Paradoxical Commandments" was written by Dr. Kent M. Keith in 1968.)
People are unreasonable, illogical and self-centered.
Love them anyway.

If you do good, people will accuse you of selfish ulterior motives,
Do good anyway.

If you are successful, you will win false friends and true enemies.
Succeed anyway.

Honesty and frankness make you vulnerable.
Be honest and frank anyway.

The good you do today will be forgotten tomorrow.
Do good anyway.

The biggest people with the biggest ideas can be shot down by the people with the smallest minds.
Think big anyway.

People favor underdogs but follow only top dogs.
Fight for some underdogs anyway.

What you spend years building may be destroyed overnight.
Build anyway.

Give the world the best you have and you'll get kicked in the teeth.
Give the world best you've got anyway.

People really need help but may attack you if you do help them.
Help people anyway.

မည်သို့ပင်ဖြစ်စေ
လူတွေသည် အကြောင်းအကျိုးမသိ၊ ကျိုးကြောင်းဆင်ခြင်ခြင်းလည်းမရှိ၊ အတ္တစိတ်လည်း များလှ၏။
မည်သို့ပင်ဖြစ်စေ မေတ္တာထားလိုက်ပါ။

လူတွေသည် ကောင်းသောအမှု သင်မည်မျှ ပြုသော်လည်း မရိုးမသား ကိုယ်ကျိုးစီးပွားအတွက်ပါဟု စွပ်စွဲကြလိမ့်ဦးမည်။
မည်သို့ပင်ဖြစ်စေ၊ ကောင်းသောအမှုကို ပြုမြဲပြုပါ။

သင်အောင်မြင်ပြီဆိုလျှင်၊ သင့်၌ မိတ်ဆွေအတုအယောင်များ၊ ရန်သူစစ်စစ်များပါ ရရှိလာပါလိမ့်မည်။
မည်သို့ပင်ဖြစ်စေ၊ အောင်မြင်ရန်သာ အားထုတ်ပါ။

ရိုးဖြောင့်ခြင်း၊ ပွင့်လင်းခြင်းကင်းစွာ စကားဆိုခြင်းတို့ကြောင့် သင့်မှာ ထိခိုက်စရာတွေ ကြုံချင်ကြုံရလိမ့်မည်။
မည်သို့ပင်ဖြစ်စေ၊ ရိုးသားပွင့်လင်းစွာသာ ပြောဆို ဆက်ဆံပါ။

သင် ယနေ့ပြု ကောင်းသောအမှုကို မနက်ဖြန် သူတို့ မေ့လျော့ကောင်း မေ့လျော့ကြလိမ့်မည်။
မည်သို့ပင်ဖြစ်စေ၊ ကောင်းသော အမှုကို ပြုမြဲပြုပါ။

အကြီးကျယ်ဆုံး စိတ်ကူးဥာဏ်ရှိသည့် အမြင့်မားဆုံး ပုဂ္ဂိုလ်သည်လည်း အနုံချာဆုံး စိတ်ထားရှိသည့် အသေးမွှားဆုံး ပုဂ္ဂိုလ်၏ ဝေဖန်ကဲ့ရဲ့အပုပ်ချခြင်း ခံချင်ခံရနိုင်သည်။
မည်သို့ပင်ဖြစ်စေ၊ ကြီးကြီးကျယ်ကျယ် မြင့်မြင့်မားမား စဉ်းစားကြံစည်ပါ။

လူတွေသည် နိမ့်ပါးသူ အောက်လူများကို စေတနာပိုတတ်သည် ဆိုသော်လည်း (လက်တွေ့၌) အပေါ်စီးရသူ ထိပ်ဆုံးလူများ နောက်သို့သာ လိုက်ပါတတ်ကြသည်။
မည်သို့ပင်ဖြစ်စေ၊ အချို့သော နိမ့်ပါးသူ အောက်လူတို့အတွက် ရပ်တည်ပေး တိုက်ပွဲဝင်ပေးပါ။

နှစ်ပေါင်းများစွာ သင်ဆောက်တည်ခဲ့သောအရာသည် နေ့ချင်းညချင်း ဖြိုလှဲဖျက်ဆီးခြင်း ခံချင်ခံရလိမ့်မည်။
မည်သို့ပင်ဖြစ်စေ၊ တည်ဆောက်စရာရှိတာကို ဆက်၍သာ တည်ဆောက်ပါ။

ကမ္ဘာလောကအတွက် ကောင်းဆုံးကို သင် ပေးသော်လည်း၊ သင့်အား ခါးသည်းနာကျည်းဖွယ်တုံ့ပြန်ကောင်း တုံ့ပြန်လိမ့်မည်။
မည်သို့ပင်ဖြစ်စေ၊ သင့်မှာရှိသည့် အကောင်းဆုံးကိုသာ ပေးမြဲပေးပါ။

သင် တကယ်အကူလိုသော သူများကို ကူညီလျှင် တစ်ချို့လူတွေက သင့်ကို မနာလို တိုက်ခိုက်ကြလိမ့်မည်။
သို့သော် ကူညီမြဲ ကူညီပေးပါ။
Updated (22.July) : ဒဿနလေးတွေရဲ့ မူရင်းကို ပြောပြပေးခဲ့တဲ့ Ko Alvin ကို အထူး ကျေးဇူးတင်ပါတယ်။

Dictionary Extensions for Firefox

Internet ကနေ ကျွန်တော်တို့ နေ့စဉ်နှင့်အမျှ အချက်အလက်တွေကို ရှာဖွေ ဖတ်ရှူ့ မှတ်စုလုပ်နေကြရပါတယ်။ "သတင်းစာတစ်ရက် မဖတ်ရင် တစ်ရက်ခေတ်နောက်ကျတယ်" ဆိုသလိုပဲ အင်တာနက် တစ်ရက်မကြည့်ရင်လည်း အဲဒီထက်ပိုပြီး ခေတ်နောက်ကျသွားမယ်တောင် ထင်ပါတယ်။ အချက်အလက်တွေရှာဖွေတဲ့အခါမှာ ကျွန်တော်တို့ အဓိကကြုံတွေ့နေရတာက English စာ အခက်အခဲပါ။ အဓိကကတော့ ကိုယ်မသိတဲ့ စာလုံးပေါင်း အဓိပ္ပယ်တွေကို နားလည်ဖို့လိုပါတယ်။ အဲဒီလို အခက်အခဲတွေကို အဆင်ပြေဖို့အတွက် Dictionary တွေကို အသုံးချရပါတယ်။ Dictionary သုံးတဲ့အခါမှာ စာအုပ်နဲ့ကြည့်တာ ရှိသလို အင်တာနက်သုံးရင်းနဲ့ Online Dictionary site တွေမှာ သွားရောက်ရှာဖွေတာလည်း ရှိပါတယ်။ အခုပြောမယ့် firefox extension တွေကို သုံးမယ်ဆိုရင် စာလုံးပေါင်းတွေကို အဲလိုမျိုး တကူးတကသွားပြီး ရှာဖွေစရာ မလိုပါဘူး။ click လုပ်ရုံနဲ့ ကိုယ်သိချင်တဲ့ result ကို ဖော်ပြပေးမှာဖြစ်ပါတယ်။

1. Dict - ဒီ extension ကို install လုပ်ပြီး ရှာဖွေရတာလွယ်ကူပါတယ်။ ကိုယ်သိချင်တဲ့စာလုံးကို highlight လုပ်၊ နောက် .. right click လုပ်ပြီး ကြည့်ရုံပါပဲ။ ဥပမာ .. "blog" ဆိုတဲ့စာလုံးကို hightlight လုပ်ပြီး right click လုပ်ကြည့်မယ်ဆိုရင် Define "blog" ဆိုပြီးပေါ်နေတာ တွေ့ရမှာပါ။ အဖြေ (result) ကိုတော့ pop-up window တစ်ခုအနေနဲ့ ပြပေးမှာဖြစ်ပါတယ်။

2. Dictionary Search - အပေါ်မှာ ဖော်ပြခဲ့တဲ့ dict extension နဲ့အတူတူပါပဲ။ result ကိုတော့ new tab တစ်ခုအနေနဲ့ ဖော်ပြပေးပြီး The Free Dctionary ကို အခြေခံထားပါတယ်။

3. FastDict - ကျွန်တော်ကတော့ ဒီ extension ကိုအကြိုက်ဆုံးပါပဲ။ install လုပ်ပြီးချင်း သုံးလို့မရသေးပဲ သူ့ရဲ့ option ကိုသွားပြီး setting လုပ်ပေးရပါသေးတယ်။ setting လုပ်ဖို့အတွက်ကတော့ Tools > Add on ကိုသွားပြီး FastDict ရဲ့ Option မှာ ထည့်ပေးရမှာပါ။ setting ပေးရတာ သုံးမျိုးပဲရှိပါတယ်။ စာလုံးတစ်လုံးရဲ့ အဓိပ္ပယ်ကို သိချင်ရင် အဲဒီစာလုံးကို control+click (or) shift+click (or) alter+click နဲ့ကြည့်မှာလား ဒါမှမဟုတ် သုံးမျိုးလုံးကို အသုံးပြုပြီး ရွေးမှာလားဆိုပြီး setting သတ်မှတ်နိုင်ပါတယ်။

Option ထဲမှာပါတဲ့ setting တွေပါ။ ကျွန်တော့်ဆီမှာ control+click လုပ်ရင် စာလုံးရဲ့ အဓိပ္ပာယ်ကို ဖော်ပြဖို့ လုပ်ထားပြီး Dictionary ကိုတော့ Cambridge Dictionary ကို ရွေးထားပါတယ်။ Dictionary တွေအပြင် wiki, google search စတာတွေမှာလည်း ရှာဖွေဘို့အတွက် setting ပေးထားနိုင်ပါတယ်။

source : dailyblogtips

19 Jul 2007

၆၀ နှစ်မြောက် အာဇာနည်နေ့

ဒီနေ့ဟာ မြန်မာပြည်မှာဆိုရင် အစိုးရ ရုံးပိတ်ရက် တစ်ရက်ဖြစ်သလို ပြန်စဉ်းစားကြည့်မယ်ဆိုရင် ၀မ်းနည်းအောက်မေ့ဖွယ်ကောင်းတဲ့ နေ့တစ်နေ့ ဖြစ်ပါတယ်။ မနှစ်က ဒီလိုအချိန် မန္တလေးမှာတော့ အာဇာနည်နေ့ကိုဂုဏ်ပြုတဲ့ အလွမ်းမိုးတွေ ရွာနေပါတယ်။ ဒီနေ့ဟာ မှတ်မှတ်ရရ မန္တလေးနဲ့ဝေးကွာခဲ့တာ တစ်နှစ်နဲ့တစ်လ ပြည့်တဲ့နေ့ပါ။ ဒီလိုနေ့မျိုးမှာ အာဇာနည်ခေါင်းဆောင်ကြီးတွေကို သတိရ ၀မ်းနည်းကြေကွဲသလို ကိုယ်နဲ့ဝေးကွာနေတဲ့ ကိုယ့်မြေကိုယ့်ရေကိုလည်း သတိရမိပါတယ်။ ငယ်ငယ်တုန်းကတော့ အာဇာနည်နေ့ဆိုတာ ကျောင်းပိတ်လို့ပျော်နေခဲ့တယ်။ အသက်နည်းနည်းကြီးလာတော့ လေးပြုတာတွေ အာဇာနည်ကြီးတွေကျဆုံးခဲ့တာတွေကို သိလာတယ်။ နောက်ပိုင်းကျတော့ ဘယ်လို ရက်ရက်စက်စက် လုပ်ကြံခံခဲ့ရတယ်ဆိုတာတွေကိုပါ ကျယ်ကျယ်ပြန့်ပြန့်သိလာတော့ စိတ်ထဲမှာ လုပ်ကြံခဲ့တဲ့သူတွေကို စက်ဆုပ်ရွံရှာမိသလို ဖြစ်မိတယ်။ ဒါလည်း လူတိုင်းနီးပါးတော့ ဖြစ်ကြမှာပါ။ အဲဒီအကြောင်းတွေကို ကျွန်တော်ဒီနေ့တွေးတောနေရင်း စိတ်ထဲမှာ ခံစားမိနေတာလေးတွေကို သူငယ်ချင်းတွေကို အသိပေးချင်တယ်ဗျာ။

ကျေးဇူးကန်းခြင်း - "တစ်လုပ်စားဖူး သူ့ကျေးဇူး"ဟု ဆိုပါလျှင် ကိုယ့်တိုင်းပြည်ကို သူ့ကျွန်ဘ၀က လွတ်မြောက်အောင် စွမ်းဆောင်ပေးခဲ့သော သခင်အောင်ဆန်းနှင့်တကွ အာဇာနည်ကြီးများရဲ့ ကျေးဇူးသည်ကား အဘယ်မှာ ဆပ်လို့ကုန်ပါမည်နည်း။ နိုင်ငံတိုင်း နိုင်ငံတိုင်းမှာ သူ့တို့ရဲ့အာဇာနည်ကြီးတွေကို ဂုဏ်ပြုတဲ့အနေနဲ့ သုံးစွဲတဲ့ ငွေကြေးတွေမှာ ပုံတွေကို ထည့်သွင်း ဂုဏ်ပြုခဲ့ကြတယ်။ ကျွန်တော်တို့နိုင်ငံမှာ အရင်ကတော့ ရှိပါသေးတယ် အခုနောက်ပိုင်းထုတ်တဲ့ ငွေကြေးတွေမှာ ပါမလာတော့ဘူး။ စဉ်းစားလို့ကိုမရဘူး။ ဘာ မဟုတ်တဲ့ တိရိစ္ဆာန်တစ်ကောင်ရဲ့ ပုံကိုတော့ ထည့်ထားတယ်။ သခင်အောင်ဆန်းတို့ရဲ့ အသက် သွေးချွေးတွေ ရင်းနှီးပြီး ရခဲ့တဲ့ လွတ်လပ်ရေးကို ခံစားနေကြပြီး သူ့တို့ရဲ့ကျေးဇူးတွေကို ကန်းနေကြတာလား .... ။

မနာလိုဖြစ်ကြခြင်း - လူတွေတစ်ဦးနဲ့တစ်ဦး မနာလိုစိတ်တွေထားပြီး ပြဿနာအများဆုံးဖြစ်ကြတယ်။ လူတွေဟာ သူများကောင်းစားတာ တိုးတက်တာတွေကို တွေ့ရင် မုဒိတာပွားပြီး ကြည်နူးရမည့်အစား မနာလိုစိတ် လုပ်ကြံချင်စိတ်တွေများနေကြတယ်။ ကိုယ်မလုပ်နိုင်တဲ့ အလုပ်တစ်ခုကို တစ်ခြားသူလုပ်ပြီဆိုရင် စိတ်ထဲမှာ အလိုလိုနေရင်း မနာလို မရှူ့စိတ်တွေ ပေါ်ပေါ်လာတတ်ကြတယ်။ အသိနဲ့သတိ မရှိကြဘူး။

အာဏာရူး (စည်းစိမ်ရူး) - လောကမှာ လူတွေကို အမက်မောဆုံးဘယ်ဟာလဲလို့ မေးလိုက်ရင်။ ငွေ (ပိုက်ဆံ) လို့ပဲ ဖြေကြလိမ့်မယ်။ တစ်ချို့တွေကြတော့ အာဏာလို့ ဖြေကြလိမ့်မယ်ထင်တယ်။ နှစ်ခုလုံးရမယ်ဆိုရင်တော့ ကိုယ့်ဆွေမျိုးသားချင်းတွေမက ကမ္ဘာကပါ ဘယ်လိုပြောပြော တားမရတော့ဘဲ အာဏာအတွက် ဆက်လိုက်မိုက်မဲကုန်ကြတဲ့ အာဏာဘီလူးတွေဖြစ်ကုန်ကြပြီး အသက်ကြီးတဲ့အထိ မစွန့်လွတ်နိုင်ကြသေးဘဲ ဖြစ်နေကြတယ်။ သူတို့တွေဘ၀ကူးသွားရင် အာဏာကိုစွဲလမ်းကိုးကွယ်လွန်းလို့ အာဏာစောင့်ဘီလူး ဆိုပြီးတော့များ ပေါ်လာမလား မသိဘူး။

အာဇာနည် (သို့) အမြဲတမ်းရှင်သန်နေတဲ့ အမည် - အာဇာနည်တွေဆိုတာ လူသေပေမဲ့ နာမည် မသေကြပါဘူး။ တစ်ချို့တွေကတော့ လူမသေသေးဘူး နာမည်အရင်သေကုန်ကြပြီ။ မေတ္တာတွေလည်း ၀ိုင်းပို့ခံနေကြရပြီ။ ကိုယ့်ရှေ့မှာ ဖြစ်ပျက်ခဲ့တဲ့ သမိုင်းသာဓကတွေကိုကြည့်ပြီး သံဝေဂ မရနိုင်ကြသေးဘူး။ သိသိကြီးနဲ့ မိုက်မဲနေကြဆဲပဲ။ အမှန်ကို အမှားလုပ်၊ အမှားကို မှန်လုပ် ဟုတ်တာပြော ဒုက္ခရောက်တဲ့ ခေတ်ကြီးမှာ ... အင်း ... ။

ခံစားချက်တွေ ကျန်သေးတယ်ဗျာ။ ဒါပေမဲ့ အကုသိုလ်များလွန်းလို့ ဒီမှာတင်ပဲ ရပ်နားပါရစေ။ ကိုဖြိုး နှင့် မမယ်လိုဒီမောင်ကို ကျေးဇူးတင်ပါတယ်။

16 Jul 2007

Operal - Speed Dial


Speed Dial ဆိုတာကတော့ Opera Browser မှာ ကိုယ်ကြိုက်တဲ့ website တွေကို quick access လုပ်ပေးနိုင်တဲ့ service တစ်ခုပါပဲ။ Tab အသစ်တစ်ခုကို ဖွင့်တိုင်း ဖွင့်တိုင်း အဲဒီ speed dial page လေး ပေါ်လာမှာပါ။ အဲဒီ page မှာ လေးဒေါင့် Thumbnail ကွက်လေး ကိုးခု (3x3) ရှိပါတယ်။ အဲဒီအကွက်တွေထဲမှာ ကိုယ်ကြိုက်တဲ့ website address တွေကို drag and drop လုပ်ပြီး ဆွဲထည့်ထားလို့ရသလို မကြိုက်ရင်လည်း ပြန်လည် ရှင်းလင်းရေးလုပ်နိုင်ပါတယ်။ အဲဒီ အကွက်လေး ကိုးခုကို Control key + 1 ကနေ Control key + 9 အထိ ထိန်းထားပါတယ်။ ပထမဆုံးအကွက်ကို ဖွင့်ဖို့အတွက် ctrl +1 ကို သုံးရပါတယ်။ နောက် အစဉ်အလိုက်အတိုင်းပေါ့။ ဒုတိယအကွက်ဆိုရင် ctrl + 2 ကိုသုံးပြီး ဖွင့်နိုင်ပါတယ်။ တကယ်တော့ Bookmark ပုံစံမျိုးပါပဲ။ ဒါပေမဲ့ browser ဖွင့်တိုင်း ကိုယ်ကြိုက်တဲ့ page ကိုးခုကတော့ အမြဲပေါ်အောင် လုပ်ထားပေးနိုင်ပါတယ်။ speed dial နဲ့ပက်သက်တဲ့ presentation ကိုကြည့်လိုက်ရင် ပိုပြီး နားလည်သွားပါလိမ့်မယ်။ ကျန်းမာပျော်ရွှင်ပါစေ smile

14 Jul 2007

USB Dancing Robot

ကွန်ပျူတာထဲမှာ သီချင်းတစ်ပုဒ်ကိုဖွင့်ပြီး သီချင်းအလိုက်အတိုင်း Dacne လေးတွေကို ကြည့်ချင်တယ်ဆိုရင်တော့ USB Dancing Robot လေးက ကူညီပါလိမ့်မယ်။ ရောင်းဈေးကတော့ 25$ပါ။ အထူးသဖြင့် Dance တို့ Techno တို့လို Music တွေနဲ့ ပိုမိုလိုက်ဖက်မယ်ထင်ပါတယ်။ မြန်မာသီချင်းကြီးတစ်ပုဒ်ဖွင့်ပြီး Robot ဘယ်လို က မလဲဆိုတာကတော့ စဉ်းစားစရာပါ exclaim Robot နဲ့ပက်သက်တဲ့ Description တွေကိုတော့ USBGeek မှာ ဖတ်ရှူ့နိုင်ပါတယ်။ အဲဒီsiteလေးဟာ USB နဲ့ပက်သက်တဲ့ product တွေ Technology တွေကိုပဲ ဦးစားပေးရေးသားထားတဲ့ site တစ်ခုဖြစ်ပြီး products တွေကို Online ကနေလည်းဝယ်ယူနိုင်ပါတယ်။

12 Jul 2007

How to access Gmail When it is blocked

ပုံမှန် Login လုပ်နေကျ Address (http://mail.google.com) အစား https://mail.google.com ကို ပြောင်းသုံးကြည့်ပါ။ အဲဒါမှ မရသေးရင်တော့ အောက်ပါ လိပ်စာများကို အသုံးပြုကြည့်ပါ။
အထက်ပါ လိပ်စာများနဲ့ အဆင်မပြေရင်တော့ Gmail lite install လုပ်ထားတဲ့ webpage တွေကို အသုံးပြုပါ။ e.g http://psd.boxing.free.fr/gmail/

နောက်ဆုံးနည်းလမ်းအနေနဲ့ email program (eg. MS Outlook) တွေကို Configure လုပ်ပြီး သုံးပါ။ ဘယ်လို Configure လုပ်ရမလဲဆိုတာကိုတော့ Gmail Help Center မှာ Video Tutorial များနှင့်တကွ ၀င်ရောက်လေ့လာနိုင်ပါတယ်။ Outlook 2003 အသုံးပြုသူတွေအတွက် ဘယ်လို Configure လုပ်ရမလဲဆိုတာကို ဒီနေရာမှာ ကြည့်ရှူ့နိုင်ပါတယ်။

ကျန်ခဲ့တဲ့ နည်းလမ်းလေးတွေလည်း ရှိဦးမှာပါ။ ဒါတွေကတော့ ကျွန်တော်သိသလောက်ပါပဲ။ အဲဒီ အထက်ပါနည်းလမ်းတွေနဲ့မှ မရလဲ Gmail ဆိုတာကြီးကို မေ့လိုက်ပါတော့။

11 Jul 2007

OctroTalk (or) A Window Mobile Version of GTalk

Window Mobile Smart Phone နှင့် Window Pocket PC တို့မှတဆင့် ကိုယ့်ရဲ့သူငယ်ချင်းတွေရှိတဲ့ Gtalk, Yahoo Messenger, MSN/Windows Live, AIM တို့ကို လှမ်းပြီး ဆက်သွယ် (chat and talk) ချင်တယ်ဆိုရင် အသုံးပြုနိုင်တဲ့ application တစ်ခုပါ။ တစ်ကြိမ်ထဲမှာ သူငယ်ချင်းတွေ မိတ်ဆွေတွေနဲ့ multiple conversation လုပ်နိုင်တဲ့အပြင် p2p (peer-to-peer) file transfer နှင့် folder sharing တွေကိုလည်း လုပ်ဆောင်ပေးနိုင်ပါသေးတယ်။ နောက်ထပ် ကျန်တဲ့ features တွေကတော့
  • Complete VOIP product. Access to PSTN.
  • Supports Low Bandwidth Codec (even works with EDGE/GPRS/CDMA).
  • Streamlined UI. Optimized for one-handed operation. Today Screen on Pocket PC. Home Screen support for Smartphone.
  • Low CPU usage. Only VOIP product that works on Treo 700w (300 MHz processor).
  • Message Archiving in your GMail Account.
  • Access your computer remotely. Install OctroTalk for Windows on your desktop, and share a folder with OctroTalk on your Mobile.
  • Support for GroupChat/Conferencing. OctroTalk lets you create/join Jabber conference rooms.
Beta Version အဆင့်ပဲ ရှိသေးပြီး Free download ပေးထားပါတယ်။ နောက်တစ်ခုက Octro ကိုအသုံးပြုမည်ဆိုလျှင် Windows Mobile 5+ အနည်းဆုံး ရှိရပါမယ်။ ကိုယ့်အသိတွေထဲမှာ Window Mobile/Pocket PC အသုံးပြုတဲ့သူ ရှိရင်လည်း လက်တို့လိုက်ပါဦး :)

8 Jul 2007

ရတနာပုံကျောင်းသား နှင့် ကွန်ပျူတာကျောင်းသူ

Multiply.com မှာ Account ဖွင့်ထားတာတော့ကြာပါပြီ။ သိပ်ပြီး မ၀င်ဖြစ်ဘူး။ ဒီနေ့ဝင်ကြည့်တော့မှ invite တစ်ခုကိုတွေ့တယ်။ ကြည့်လိုက်တော့ Myanmar Muzic Group တဲ့။ Accept လုပ်ပြီး ကြည့်လိုက်တာ .. အားပါး .. နည်းတဲ့ Album တွေမဟုတ်ဘူး။ Page ပေါင်း 35 ခု (သီချင်းပေါင်း 3000) လောက်ရှိတယ်။ မြန်မာသီချင်းတွေ သီးသန့်ပါပဲ။ တစ်ချို့ Music Site တွေမှာ မရှိတဲ့ သီချင်းတွေလည်း အဲဒီ site မှာ ရှိပါတယ်။

site ရဲ့ လိပ်စာက http://mmuzicgroup.multiply.com/ ပါ။

ကျွန်တော်လည်း အားရင် သီချင်းတွေပဲနားထောင်တတ်တော့ သီချင်းတွေကို Page တစ်ခုပြီးတစ်ခု လိုက်ရှာတယ်။ အဲဒီမှာ Mandalay Hip Hop Album ဆိုတဲ့ Album ကိုသွားတွေ့တယ်။ ဘယ်သူတွေ ဆိုထားသလဲဆိုတာရယ် သီချင်းနာမည်တွေရယ် မပါဘူး။ Album တွေထဲက တစ်ပုဒ်ပြီး တစ်ပုဒ်နားထောင်လိုက်တာ Track No.13 ကို တော်တော်လေးကြိုက်သွားတယ်။ အထူးသဖြင့် မန္တလေး ရတနာပုံ တက္ကသိုလ်က ကျောင်းသားတွေ ပိုကြိုက်ကြမယ်ထင်ပါတယ်။ ကွန်ပျူတာ တက္ကသိုလ်မှာ ချစ်သူ ရည်းစားရှိနေသူ ဆိုရင်တော့ ပိုပြီး ကြိုက်သွားပါလိမ့်မယ်။ ဘာ့ကြောင့်လဲဆိုတာ သိချင်ရင်တော့ သီချင်းလေးကို နားဆင်ကြည့်လိုက်ပါ smile





1st July and 7th July



London - HammerSmith Station မှာ ကပ်ထားတဲ့ ကြော်ငြာတွေပါ။ ပထမပုံကတော့ 1st July ကစပြီး Public Area တွေမှာ ဆေးလိပ်သောက်ခွင့် မရှိတော့ဘူးဆိုတာ သတိပေးထားတာပါ။ ဒဏ်လည်းရိုက်မယ်လို့ ကြော်ငြာထားပါတယ်။ လမ်းတွေမှာတော့ သောက်ခွင့်ရှိပါသေးတယ်။ Club တွေ Station တွေမှာတော့ သောက်ခွင့် မရှိတော့ပါဘူး။ တစ်ဘက်ကပြန်ကြည့်ရင်တော့ ဆေးလိပ်ကြိုက်သူများ နည်းနည်းတော့ ဒုက္ခရောက်တာပေါ့။

ဒုတိယပုံကတော့ ဒီနေ့ရိုက်လာတာပါ။ 7th July မတိုင်ခင်က ကပ်ထားတာလား ပြီးမှ ကပ်တာလားဆိုတာ မမှတ်မိပေမဲ့ 7th July နဲ့တော့ ဆက်စပ်နေပါတယ်။ အခုတလော ဒီနှစ် 7th July ကတော့ London ဗုံးဖောက်ခွဲမှု 2 နှစ်ပြည့်တာပါ။ Security တွေကိုလည်း တိုးပြီးတော့ ချထားတာတွေ့ရပါတယ်။ အထူးသဖြင့် Central London (Zone 1) လို နေရာမျိုးတွေမှာပေါ့ (ဖောက်လို့ ကောင်းတာကိုး)။ ဗုံးကိုကိုများ အဓိက Target ထားတဲ့ ရထားလိုင်းက Central Line ပါ။ ကျွန်တော်လည်း အလုပ်သွား ကျောင်းသွားရင် Central လိုင်းပဲ စီးနေရတာဆိုတော့ ... အင်း ... မျက်ခုံးတော့ ခပ်လှုပ်လှုပ်ပဲ။

7 Jul 2007

လူ့အရည်အချင်း

ဓမ္မဘေရီ အရှင်ဝီရိယ (တောင်စွန်း) ရေးသားတော်မူသော "အောင်ပွဲဆင်မယ့် ခြေလှမ်းများ နှင့် မထေရ်မြတ်တို့ စကားဝိုင်း (၅)" စာအုပ်မှ ကြိုက်နှစ်သက်မိသော ဒဿနတစ်ချို့ကို မျှဝေလိုက်ပါတယ်။
"သေချင်တဲ့ကျား တောပြောင်း" ဆိုတာ ရှိသလို
"တစ်ရွာမပြောင်း သူကောင်းမဖြစ်" ဆိုတာလည်း ရှိတယ်။

"သွားပါများ ခရီးရောက်" ဆိုတာ ရှိသလို
"ခရီးသာတွင် ရွာစဉ်မမှတ်မိ" ဆိုတာလည်း ရှိတယ်။

အရေးကြီးဆုံး လူ့အရည်အချင်း ဆိုတာ
သူကောင်းဖြစ်အောင် ခရီးရောက်အောင်
ဆင်ခြင် လုပ်ဆောင်နိုင်စွမ်းပဲ။

6 Jul 2007

တ၀က်ပြည့်နေသလား ... လျော့နေသလား

ဆရာတော်ဦးဇောတိက (မဟာမြိုင်တောရ) ရေးသားတဲ့ "စိတ်နှလုံး ရွှင်လန်းစေဖို့" စာအုပ်မှ ကြိုက်နှစ်သက်မိတဲ့ စာသားလေးတွေ အတွေးအခေါ်လေးတွေကို ပြန်ပြီး မျှဝေလိုပါတယ်။
ရေခွက်ထဲမှာ ရေတ၀က်ထည့်ထားတာ မြင်တဲ့အခါ တစ်ယောက်က "ရေခွက်ထဲမှာ ရေတ၀က် လျော့နေတယ်" လို့မြင်တယ်။ နောက်တစ်ယောက်က "ရေခွက်ထဲမှာ ရေတ၀က် ပြည့်နေတယ်"လို့ မြင်တယ်။ ဘယ်သူ့အမြင် မှန်သလဲ၊ နှစ်ယောက်လုံး မှန်ပါတယ်။

ဒါပေမယ့် "ရေခွက်ထဲမှာ ရေတ၀က်ပြည့်နေတယ်"လို့ မြင်တဲ့သူက အကောင်းမြင်တတ်လို့ စိတ်ချမ်းသာတယ်။ "ရေခွက်ထဲမှာ ရေတ၀က် လျော့နေတယ်"လို့ မြင်တဲ့သူက အဆိုးကိုမြင်လို့ စိတ်မချမ်းသာဘူး။

ရသလောက်ကိုလက်ခံပြီး နောက်ထပ်ရဖို့ ဆက်ကြိုးစားသင့်တယ်။ အခုရသလောက်ကို စိတ်မချမ်းသာတဲ့သူဟာ နောက်ထပ်ရလာလဲ တကယ်စိတ်ချမ်းသာနိုင်မှာ မဟုတ်ဘူး။

"လောဘရဲ့ သဘာဝဟာ ဘယ်လောက်ရရ နဲသေးတယ် ထင်တာပဲ။" ခွက်အပြည့် ရလာရင်လဲ ခွက်ကြီးကြီးထဲပြောင်းပြီး လောင်းထည့်လိုက်ရင် တ၀က်ရှိမှာပဲ။ ထည့်တဲ့ခွက်က ပိုကြီးလာလေ ပြည့်ဖို့မလွယ်လေပဲ။

ရသလောက်နဲ့ စိတ်ချမ်းသာအောင် နှလုံးသွင်းပြီးတော့ နောက်ထပ် ရနိုင်သလောက် စိတ်ချမ်းချမ်းသာသာနဲ့ ကြိုးစားနိုင်မှ နောက်ထပ်ရလာတဲ့အခါ စိတ်ချမ်းသာမယ်။ ရသလောက်ဆိုတာ ပြင်ပရုပ်ဝတ္တုတင် မကဘူး။ စိတ်ပိုင်းကိုပါ ပြောလိုတယ်။

ပညာတတ်ချင်တဲ့သူဟာ အခု ရသလောက်ကိုသင်ထား၊ လေ့လာထားလိုက်၊ နောက်တဖြည်းဖြည်း ကိုယ်တတ်ထားတာအပေါ် အခြေခံပြီးတော့ ထပ်ဆင့်သွားလို့ရတယ်။ အလုပ်လုပ်ချင်တဲ့သူဟာ အခု လုပ်လို့ရတာ၊ လုပ်လို့ဖြစ်တာကို လုပ်နေ။ အတွေ့အကြုံရလာတဲ့အခါ ဒီထက် အဆင့်မြင့်တာကို တဖြည်းဖြည်းတိုးပြီး လုပ်သွားပေါ့။ ဘာမှ မလုပ်ပဲနေရင် ဘာမှဖြစ်မလာနိုင်ဘူး။

"ရသလောက်ကို ယူထား၊ ဖြစ်သလောက်ကို လုပ်ထား၊ ပြီးမှ တိုးတက်မှုရှိအောင် ဆက်ပြီး ကြိုးစားပါ"

1 Jul 2007

ဝမ်းနည်းကြေကွဲခြင်း

သူငယ်ချင်း နိုင်နွေးအောင်၊ ကိုနောင်တို့၏ ချစ်လှစွာသောမိခင်
(ဒေါက်တာ ဒေါ်သန်းမေစီ) သည်
စနေနေ့ (၃၀ရက်) တွင် ဘ၀တစ်ပါးသို့ ကူးပြောင်းသွားကြောင်း သိရသည့်အတွက်
မိသားစုနှင့်အတူ ထပ်တူထပ်မျှ ၀မ်းနည်းကြေကွဲရပါတယ်။