ငါတို့လည်း Nuclear လိုချင်တာပေါ့

Tweet

Gordon Brown angry at Daw Aung San Suu Kyi's sentence

" Military Junta are determined at act with a total disregard for accepted standards of the rule of law "

- Gordon Brown MP

Tweet

ကမ္ဘာတစ်ဝှမ်းမှ ၈၈၈၈ ၂၁ပြည့် အမှတ်တရ အခမ်းအနားများ

၈၈၈၈ ၂၁နှစ်ပြည့် အမှတ်တရ အခမ်းအနား
London, UK

၈၈၈၈ ၂၁နှစ်ပြည့် အမှတ်တရ အခမ်းအနား
Korea

၈၈၈၈ ၂၁နှစ်ပြည့် အမှတ်တရ အခမ်းအနား
Washington DC

၈၈၈၈ ၂၁နှစ်ပြည့် အမှတ်တရ အခမ်းအနား
New York

၈၈၈၈ ၂၁နှစ်ပြည့် အမှတ်တရ အခမ်းအနား
French

၈၈၈၈ ၂၁နှစ်ပြည့် အမှတ်တရ အခမ်းအနား
Japan

Tweet

Arakanese History and Religion Seminar တက်ဖြစ်ခဲ့

မနေ့က Arakanese Seminar ကို ရောက်ဖြစ်ခဲ့ပါတယ်။ ရက်အတော်ကြာ ရွှေ့ဆိုင်းမယ်လို့သတင်းကြားထားပြီးမှ မနေ့က နေ့လည်ပိုင်းရောက်မှ အခက်အခဲတွေ၊ အဖျက်အဆီးတွေကြားမှ seminar ကို ကြိုးစားပြီးလုပ်ဖြစ်ကြောင်း သူငယ်ချင်းဖုန်းဆက်ပြောတဲ့အတွက် အချိန်အနည်းငယ် နောက်ကျပြီး ရောက်ရှိခဲ့ပါတယ်။ ကျွန်တော်ရောက်ရှိချိန်မှာတော့ ဂျပန်မှ ဒေါက်တာအေးချမ်း (Burmese Historian) ဟောပြောနေတဲ့အချိန်ဖြစ်ပါတယ်။ ထို့နောက်မှာတော့ နယ်သာလန်မှ Dr. Stephan Van Galen (Arakanese Expert) မှ ဆက်လက်ပြောကြားပြီး နောက်ဆုံးပိတ်အနေဖြင့် ဂျာမနီမှ ဦးခင်မောင်စော (Burmese Expert) မှ ပြောကြားခဲ့ပါတယ်။

ပညာရှင်များ ဟောပြောပြီးတဲ့နောက်ပိုင်းမှာ တက်ရောက်လာသူများနှင့် အမေးအဖြေများ ပြုလုပ်ခဲ့ကြပါတယ်။ သမိုင်းပညာရှင်များမှ ရခိုင်သမိုင်းကြောင်း စုံစုံလင်လင်ကို သမိုင်းအထောက်အထားများနှင့်တကွ ဟောပြောသည်များကို နားထောင်ခွင့်ရခဲ့သည့်အတွက် တက်ရောက်ရကျိုးနပ်သော seminar တစ်ခုဖြစ်ခဲ့ပါတယ်။

Tweet

Arakanese History and Religion Seminar

Seminar ကို နေရာအခက်အခဲကြောင့် ရက်အနည်းငယ် ရွှေ့ဆိုင်းလိုက်ရပါသည်။ ရက်အတိအကျကို ပြန်လည်ဖော်ပြပေးပါမည်။

အထက်ပါ Video ကို လေ့လာကြည့်စေချင်ပါတယ်။ ဒီကိစ္စဟာ ရခိုင်တိုင်းရင်းသားတွေရဲ့ ကိစ္စတစ်ခုတည်းလို့ ပြောလို့မရပါဘူး။ မြန်မာပြည်ပေါ်မှာ မှီကင်းနေထိုင်ကြတဲ့ တိုင်းရင်းသား မျိုးနွယ်စုတွေရဲ့အရေးကိစ္စဆိုရင်လည်း မှားမယ်မထင်ပါဘူး။ ထို့ကြောင့် သမိုင်းပညာရှင် ဒေါက်တာအေးချမ်း (Japan) နှင့်တကွ သမိုင်းပညာရှင်များမှ ပိုမိုရှင်းလင်းတိကျသည့် အထောက်အထားများနှင့် ရှင်းလင်းပြောကြားမည့် ကြုံတောင့်ကြုံခဲ ယခုဆွေးနွေးပွဲသို့ တက်ရောက်ကြပါရန် UK ရှိ တိုင်းရင်းသားညီအစ်ကိုမောင်နှများအား နွေးထွေးစွာဖိတ်ခေါ်လိုက်ရပါတယ်။

Main Speakers

Dr. Michael W. Charney (Expert in South East Asia History)
Dr. Stephan Van Galen (Arakanese Expert, Netherlands)
Dr. Aye Chan (Burmese Historian, Japan)
Mr. Khin Mg Saw (Burmese expert, Germany)

Date: 09/08/09 Sunday

Time: 10:00 am – 16:00 pm

Venue: The School of Oriental & African Studies (SOAS) University of London, Brunei Gallery Building, Russell Square Campus, Thornhaugh Street, Russell Square

London WC1H 0XG

MAP: click here for direction

Contact person:

Mr.Khine Maung (07522 934486)
Mr.Myat Soe Khine (07939 222932)
Mr.Luu Maung (07882 403163)
Mr.Khine Monn Zan (07852 578366)
Email: arakanese_uk@live.co.uk

Refreshment will be provided.

Tweet

Statue - St Thomas' Hospital

St Thomas' Hospital ရဲ့ အပြင်ဘက်မှာရှိတဲ့ ရုပ်ထုဖြစ်ပြီး 2000 ခုနှစ်တွင် Rick Kirby မှ Stainless Steel ဖြင့် ဖန်တီးပြုလုပ်ထားတာဖြစ်ပါတယ်။ လွန်ခဲ့တဲ့ အဂါင်္နေ့ (4 Aug) က ဆေးရုံကို လူနာသွားမေးရင်း ရိုက်ခဲ့တာဖြစ်ပါတယ်။

ဆေးရုံကပြန်လာပြီးနောက်မှာ အသိတရားတွေ၊ ဆင်ခြင်ဖွယ်ရာတွေလည်း သင်ခန်းစာအဖြစ်ရလာခဲ့တယ်။

လူဆိုတာ ပတ်ဝန်းကျင်နဲ့ လိုက်လျောညီထွေနေထိုင်နိုင်မှ ပုံမှန်ရှင်သန်နိုင်မယ်။ တစ်ယောက်တည်းနေပြီး အထီးကျန်လွန်းရင်လည်း မကောင်းဘူး။ တစ်လတစ်ခါပဲဖြစ်ဖြစ် နှစ်လတစ်ခါပဲဖြစ်ဖြစ် မိတ်ဆွေအပေါင်းအသင်းတွေနဲ့ တွေ့ဆုံပြီး စားကြသောက်ကြရင်း စကားတွေပြောသင့်တယ်။ အိပ်ချိန်မှန် စားချိန်မှန်အောင်လည်း ကြိုးစားနေထိုင်သင့်တယ်။ မဟုတ်ရင်တော့ ... ဂေါက်သွားတတ်တယ်။ မိသားစုနဲ့ခွဲခွာပြီး အဝေးတစ်နေရာမှာနေရတဲ့အခါ အထီးကျန်စွာနေထိုင်မှုကို လုံးဝ လုံးဝ ရှောင်ကျဉ်သင့်ပါတယ်။

Tweet

21st Anniversary of The 8888 Uprising - UK

Date
7 August 2009 (Friday)

Time
12:00-14:00

Place
In front of the Burma Junta’s Embassy
19A Charles Street, Mayfair, London, W1J 5DX

MAP
click here for direction

ရှစ်လေးလုံး မြန်မာ့ဒီမိုကရေစီအရေးတော်ပုံ ၂၁ နှစ်မြောက်အထိမ်းအမှတ် ဆန္ဒပြပွဲကို အထက်ပါ အစီအစဉ်အတိုင်း ကျင်းပမည်ဖြစ်ပါသောကြောင့် မြန်မာ့ဒီမိုကရေဒီအရေး ထောက်ခံသူများအားလုံးကို ပါဝင်ဆင်နွဲနိုင်ရန် လေးစားစွာ ဖိတ်ခေါ်အပ်ပါသည်။

Tweet

ရုပ်ရှင် သရုပ်ဆောင် မင်းမော်ကွန်း ဘာကြောင့်များ သာသနာတော်ကို စော်ကားလိုက်တာလဲ

Facebook မှာ တွေ့ခဲ့တဲ့ ဆောင်းပါးတစ်ခုကို ပြန်လည်မျှဝေလိုက်ပါတယ်။ အပျော်သဘောနဲ့ဖြစ်စေ၊ ဖက်ရှင်သဘောမျိုးနဲ့ပဲဖြစ်စေ သာသနာတော်ကို ဒီလိုပြုမူတာဟာ မကောင်းပါဘူး မင်းမော်ကွန်း။

မြတ်စွာဘုရားသာသနာတော်ကို ယနေ့ထိတိုင် တည်တန့်နေသည်မှာ ၀ိနည်းကျင့်ဝတ်များကြောင့်ဖြစ်ပါတယ်၊ ဘုရားရှင်က ရှေ့ရေးကိုမျှော်တွေးပြီး စည်းကမ်းရှိရှိနဲ့ ရဟန်းတော်တွေကို ဘယ်လိုနေရမယ်၊ဘယ်ကိုဆွမ်းဘုဉ်းပေးရမယ်၊ ဒကာ ဒကာမတွေနှင့် ဆက်ဆံရင် ဘယ်လိုမျိုး ဆက်ဆံရမယ်၊ သင်္ကန်းဝတ်ရာမှာ မြို့တွင်း ရွာတွင်းသွားရင် သင်္ကန်းရုံသွားရမယ်၊ နောက်ဆုံး အိမ်သာတက်တာကစ ဘယ်လိုတက်ရမယ်ဆိုတာမျိုးအထိ ၀ိနည်းစည်းကမ်းချက်တွေ ဘုရားရှင်က ချမှတ်ခဲ့ပါတယ်၊ ကိုရင်ငယ်တွေ လိုက်နာရမည့် စည်းကမ်းနှင့် ရဟန်းတော်များ လိုက်နာရမည့် ၀ိနည်းဆိုပြီး အသေချာကို အထူးပညတ်ချက် ဥပဒေများ ထားခဲ့ပါတယ်၊၊

အဲဒီ ၀ိနည်းတရားတော်နှင့် အညီ လိုက်နာကျင့်သုံးပြီး သီလကောင်းအောင် နေရသလို၊ စာသင်ခြင်း ( ပရိယတ္တိ)နှင့် တရားဘာဝနာ ပွားများခြင်းဆိုတဲ့ (ပဋိပတ္တိ) အကျင့်ကောင်းတွေကိုလည်း အားထုတ်ရတယ်၊ သမာဓိနှင့် ပညာ အရာမှာ တိုးတက်လာအောင် ရဟန်းတရားကို အားထုတ်ပြီးမှ ရဟန်းဝတ်ရကျိုး၊ ခေတ္တ ဒုလ္လဘ၀တ်ရကျိုး နှပ်မှာပါ၊၊

မြတ်စွာဘုရားက သာသနာတော်ရဲ့ အသက်သည် ၀ိနည်းပဲလို့ ဟောခဲ့ပါတယ်၊ စည်းကမ်းမလိုက်နာပဲ ၀ိနည်းစည်းကမ်း ဖောက်ဖျက်မလိုက်နာရင် လက်ရှိဘ၀မှာ ဒဏ်ပေးရမယ်၊ ဒီဘ၀သေလို့ရှိရင်လည်း ငရဲရောက်မည်ဟုဘုရားရှင်က ဟောခဲ့သည်မို့ အခုလို သာသနာ့ဘောင်မှာ မင်းမော်ကွန်းနှင့် အနုပညာသမားများ အုပ်စုရဲ့ သင်္ကန်းဝတ်ပြီး ဆေးမင်ချောင် အရုပ်တွေထိုးခြင်း အပေါ်ပိုင်း ဧကသီ အပေါ်ရုံမပါဘဲ သရုပ်ပျက်စရိုက်ဆိုးကို ဘာသာတရားကို မြတ်နိုးသူတိုင်း စိတ်မကောင်းဖြစ်ကြရပါတယ်၊ သင်္ကန်း အောက်ပိုင်းအ၀တ်ကို ဒူးနှင့် အောက်ကို လက်လေးသစ်၊ကွာအောင်ဝတ်ရမယ်၊ အပေါ်ရုံက လက်ရှစ်သစ် အကွာဝေးရုံရမယ်၊ သင်္ကန်းကို ရိုသေစွာ ၀တ်ရုံရမည်ဟု စည်းကမ်းချက်ရှိပါတယ်၊ အခုဟာက လုံးဝကို သင်္ကန်းမပါသည့်ပြင် အရုပ်တွေက တကိုယ်လုံးထိုး စတိုင်မျိုးစုံနှင့် ရိုက်တာကို အားလုံးမြင်နိုင်ပါတယ်၊၊

ရဟန်းသံဃာဆိုတာ မကြည်ညိုသေးသော ဒကာ ဒကာမများကို သာသနာတော်ကို ကြည်ညိုလာအောင် နေရမယ်၊ကြည်ညိုပြီးသား ဒကာ ဒကာမများကိုလည်း ပိုမိုကြည်ညိုလာအောင် နေထိုင်ရတာပါ၊ အကျင့်ကောင်းတွေနှင့် ကိုယ်မူအရာ၊ နုတ်အမှုအရာ တွေက မြင်ရသူတိုင်း ကုသိုလ်ရအောင် နေထိုင်ပြောဆိုတတ်မှသာ သင်္ကန်းခေတ္တ၀တ်တဲ့သူနှင့် စီစဉ်ပေးတဲ့ ကိုယ့်မိဘဆရာသမားလည်း အကျိုးများမှာပါ၊၊

မြန်မာနိုင်ငံမှာ မတရားအာဏာကိုယူလာတဲ့ စစ်အစိုးရကလည်း ရဟန်းသံဃာများကို အထင်သေး အမြင်သေးဖြစ်အောင် နည်းပေါင်းစုံနှင့် ဖန်တီးနေတာပါ၊ သံဃာထုထဲဝင်ပြီး စနစ်တကျဝင်ရောက်ဖျက်ဆီးနေခြင်းများနှင့် အနုပညာသမားများကို အသုံးချပြီး ဒီထဲမှာ သာသနာတော်ကို ကြည်ညိုချင်ဟန်ဆောင်ကာ ပေါ်လစီကားတွေရိုက် ရုပ်ရှင်ထဲမှာတော့ ဦးချနေသော်လည်း တကယ်ဘ၀မှာတော့ သံဃာတော်တွေက ထောင်ထဲမှာ ၀ါဆိုနေရတာပါ။

လူထုက သံဃာကို မကြည်ညိုနိုင်အောင် စစ်အစိုးရက ဖန်တီး၊နောက်တော့ သံဃာတွေပျက်ဆီးတာတွေ လူတွေကိုပြ၊ သံဃာတွေ နိုင်ငံရေးမလုပ်ရင်ပြီးရော ကားပွဲစား၊ ကျောက်ပွဲစား၊ ချဲဒိုင်မျိုး စတဲ့ မဟုတ်တာတွေ လုပ်ချင်ရာ လုပ် စစ်အစိုးရက ဖန်တီးပေးထားတယ်၊ လောဘကြီးတဲ့ ဘုန်းကြီးဆိုရင်လည်း ကားတွေပေး၊ကျောင်းဆောက်ပေးတော့ သဘောတွေကျနေရော၊ အမျိုးသမီးတွေ ရုန်းရုန်းနဲ့ နေရတာကို ၀ါသနာပါရင် နေပေစေဆိုပြီး စစ်အစိုးရက လွတ်ပေးထားတယ်၊ တချို့ ဒီမိုကရေစီ နာမည်ရှိတဲ့ ကိုယ်တော်ဆိုရင် မပျက် ပျက်အောင် ငွေတွေ မာတုဂါမတွေနှင့် ဖျက်ဆီးရေးများလုပ်တယ်၊အရမ်းယုတ်မာတဲ့ လုပ်ရပ်တွေကို စစ်အစိုးရက လုပ်နေတာပါ၊ ဒါတွေကို အရမ်းရိုးသားတဲ့ လူထုက စစ်အစိုးရက ဒီလိုဖြစ်လာအောင် နောက်ကွယ်က လုပ်နေတယ်ဆိုတာ သိမယ်မဟုတ်ပါဘူး၊

သာသနာတော် သန့်ရှင်းချင်ရင် မသန့်ရှင်းတဲ့ စစ်အုပ်ချုပ်ရေး ယန္တယားကို အဆုံးသတ်မှ ဖြစ်မှာပါ၊ဘာဖြစ်လို့လဲဆိုတော့ ကိုယ်အာဏာမြဲရေးအတွက် သာသနာကို အသုံးချနေလို့ပါပဲ၊ ဒါတွေကို ပြောမယ်ဆိုရင် ရှည်နေမယ်၊ ဘုန်းဘုန်းပြောချင်တာက အနုပညာသမားတွေပါ၊ အနုပညာသမားရဲ့ ဂုဏ်သိက္ခာနှင့် တန်ဘိုးဆိုတာ ရှိပါတယ်၊၊

ဒါရိုက်တာ ဦးသုခရိုက်တဲ့ တပါးသီလ ဇတ်လမ်းမျိုးဟာ မြန်မာပြည်နှင့်တကွ နိုင်ငံခြားရောက် တကမ္ဘာလုံးမှာရှိတဲ့ မြန်မာများအားလုံးရဲ့ စိတ်မှာ တပါးသီလ ဆောက်တည်ရုံနှင့် ဒီလောက် ဘ၀မှာအေးချမ်းရင် ငါးပါးစလုံးသာ ဆောက်တည်ရင် ဘယ်လောက်ထိ ဘ၀တွေမှာ ငြိမ်းချမ်းမလဲဆိုတဲ့ အသိဥာဏ်များ ရပြီး ဇတ်ကားကြည့်တဲ့ အကျိုးက အနှစ်ချုပ်လိုက်တော့ သူတော်ကောင်းဖြစ်သွားတယ်၊၊

အနုပညာသမားဆိုတာ လူထုကို လေးစားရတယ်၊ မှန်ကန်တဲ့ အသိတွေပေးရတယ် တပြိုင်တည်းမှာပင် မှားတဲ့ အရာတွေကို ရှောင်ရတယ်၊ မင်းမော်ကွန်းနှင့် အပေါင်းပါတွေက အခုလို ကြည်ညိုဖွယ် မဖြစ်တဲ့ သရုပ်ပျက် စရိုက်မျိုးကို လုပ်ခြင်းအားဖြင့် သူရဲ့ တန်ဘိုးဘာမှမရှိတော့ပါဘူး၊ သူရဲ့အဖေ ဇင်ဝိုင်းမှာလည်း တာဝန်ရှိတယ် သားသမီးမကောင်းတော့ မိဘခေါင်းဆိုသလို၊ သူတို့အုပ်စုကို သင်္ကန်းဝတ်ပေးတဲ့ ဘုန်းကြီးနှင့် ကျောင်းတိုက်ကလည်း တော်တော် အသုံးမကျဘဲ ညံ့ဖျင်းတယ်၊ ၀တ်ပေးတဲ့ ဘုန်းကြီးက ဒါတွေအခုလို သရုပ်ပျက် ဖြစ်ခဲ့တာကို သိချင်မှ သိမယ်၊ ဘယ်လိုပဲဖြစ်ဖြစ် သာသနာတော်မှာ ဘယ်လိုမှ လက်မခံနိုင်တဲ့ ကိစ္စဆိုတာ အသိဥာဏ်ရှိတဲ့ လူတိုင်း နားလည်သဘောပေါက်မှာပါ၊ လူထုကို အသိဥာဏ်ပေး ဇာတ်ကားရိုက်နေတဲ့ မင်းမော်ကွန်းဟာ ဘယ်လို လူမျိုးလည်းဆိုတာ သူရဲ့ လုပ်ရပ်က သက်သေပြနေပါတယ်၊

စလေ ဦးပုည ပြောသလို ယခုခါမှု၊ လူလည်းဖြစ်လာ၊ သာသနာလည်းထွန်းခိုက်၊ အမြိုက်တရား၊ ဟောကြားမည့်သူ၊လူလည်းမရှား၊ သို့ပါလျက်သားနှင့်မှု အမိုက်တကာဗိုလ်မင်း၊ အဖျင်းတကာ့ ဗိုလ်ချုပ်၊ အပါယ်လေးဆီ၊ မြစ်နဒီတွင်၊ ပလုံမြုပ်လို့၊ လူယုတ်ကြီးတွေ ဖြစ်ချိမ့်မည် ဆိုသလို လူဘ၀ခေတ္တရောက်နေချိန်မှာ လူယုတ်ကြီးတွေ မဖြစ်ရအောင် နေရမယ်၊ မိမိသူတပါး နှစ်ဦးသားစလုံး အကုသိုလ်တွေမဖြစ်စေပဲ ကုသိုလ်တွေသာ ဖြစ်ရန် နေထိုင်ကျင့်သုံးရန် အထူးလိုပါတယ်၊၊

အနုပညာသမားတိုင်းဟာ ကိုယ့်ကောင်းသလို ကိုယ့်လို ဘ၀တူသမား အနုပညာသမားများကိုယ်လည်း ထိန်းသိမ်းပေးရမယ်၊ အနုပညာသမား အမှားတခုဟာ သာမာန်မဟုတ် မှတ်တမ်းဗီဒီယိုရိုက်ထားသည်မို့ သက်သေတခုဖြစ်နေပါတယ်၊ အဲဒီအမှားတွေကို ပြည်သူတွေက အပြစ်ပေးလို့ ရလာသည့် အချိန်ဆိုတာ ရှိလာမှာပါ၊ ဒါဟာ အမှန်တရားပါ၊ ဘုန်းဘုန်းတို့ အမှတ်တမဲ့ မနေပါဘူး သာသနာတော်ကို ဘယ်သူတွေ ဆေးဆိုးပန်းရိုက်လုပ်၊ဆော်ကားနေတယ်ဆိုတာ မှတ်တမ်းတင်နေပါတယ်၊၊

မင်းမော်ကွန်းအနေနဲ့ အခုလိုမျိုး အမှားတွေကို ဆက်လက်မလုပ်မိရန် သတိထားစေချင်တယ်၊ အနုပညာ သမားသိုင်းအ၀ိုင်းကလည်း ကိုယ့်လူထဲက မသင့်တော်တဲ့ အပြုအမှုတွေကို လက်ပိုက်ကြည့်မနေဘဲ အရေးယူဆောင်ရွက်စေချင်တယ်၊ မဟုတ်တာတွေလုပ်ပြီး ဖုံးကွယ်တယ်ဆိုတာ ရေရှည်မရပါဘူး အင်တာနက်ပေါ်မှာ ပေါ်ထွက်လာမှာပါ၊ တတိုင်းပြည်လုံးက အလေးမြတ်ပြုနေသည့် သာသနာတော်ကို ဆော်ကားရင် ဆော်ကားသူကို သံဃာထုအနေဖြင့် အရေးယူရမှာပါ၊ မင်းမော်ကွန်းဇတ်ကားတိုင်းကို တိုင်းနှင့်ပြည်နယ် (၁၄)ခုစလုံး လက်မခံပဲ သံဃာထုနှင့် လူထုက သပိတ်မှောက်မှုတွေ လုပ်သွားရပါလိမ့်မယ်၊

အမှားတခုကို ကျူးလွန်ပြီးရင် တောင်းပန်ဝန်ချရပါတယ်၊ ဒါကြောင့် မင်းမော်ကွန်းနှင့် အပေါင်းအဖော်အားလုံးက ပြည်တွင်း ပြည်ပဆရာတော်များနှင့် သာသနာကို မြတ်နိုးကြသော ပြည်သူလူထုကို ကျေနပ်အောင် ပြန်လုပ်ပေးရပါမယ်၊ မလုပ်ရင်တော့ ဒီလို သာသနာတော်ကို စော်ကားတဲ့ မှတ်တမ်းဟာ ဆက်လက်တည်ရှိနေမှာပါ၊၊

ရေးသူ - အရှင်စန္ဒောဘာသာစာရ
ashincandobhasacara@gmail.com

ဖုံး ( 502) 749- 8066

အမေရိက

Tweet

Internet User အများဆုံးသည် တရုတ်ပြည်

IWS မှ မှတ်တမ်းကောက်ယူချက်အရ ကမ္ဘာပေါ်တွင် အင်တာနက် အသုံးပြုသူဦးရေ အများဆုံးသည် တရုတ်ပြည်ဖြစ်နေတာကို တွေ့ရပါတယ်။ လွန်ခဲ့တဲ့နှစ်တွေတုန်းကတော့ US နဲ့ မတိမ်းမယိမ်းအဆင့်မှာရှိပြီး ယခုတော့ များစွာကွာခြားသွားပါပြီ။

IWS အရ ကမ္ဘာပေါ်တွင် အင်တာနက်အသုံးပြုသူအများဆုံးရှိတဲ့ နိုင်ငံငါးနိုင်ငံကတော့ ...

1. China ( Top site - Baidu.com )
2. US ( Top site - Google.com )
3. Japan ( Top site - Yahoo.co.jp )
4. India ( Top site - Google.co.in )
5. Brazil ( Top site - Google.com.br )

အထက်ပါ List ကိုကြည့်ခြင်းအားဖြင့် အင်တာနက်ယူဇာတွေအတွက် Google ဟာ ဘယ်လောက်အရေးပါသလဲဆိုတာ သိသာထင်ရှားလွန်းပါတယ်။

မြန်မာနိုင်ငံမှာတော့ အင်တာနက်အသုံးပြုမှု စာရင်းဟာ ကုန်ဈေးနှုန်းကြီးမှု၊ မီးမလာမှု၊ ဆင်းရဲနွမ်းပါးမှု စတာတွေကြောင့် နည်းပါးနေသေးတာတွေ့ရပါတယ်။ ထို့အပြင် စိတ်ပေါက်မှ လိပ်လောက်ပြေးသော ကွန်နက်ရှင်ကြောင့်လည်း အသုံးပြုသူ ပြည်သူများမှာ စိတ်ရှည်သီးခံနိုင်တဲ့ စွမ်းရည်များလည်း တဖြည်းဖြည်း တိုးတက်လာကြောင်း သိရပါတယ် :P

Tweet