23 Sep 2009

Google Fast Flip နှင့် သတင်းရှာနည်း အခြေခံ

နာမည်ကြီး သတင်းဌာနများမှ လူကြိုက်အများဆုံး သတင်းတွေကို တစ်နေရာတည်းမှာ ဖတ်ရှူ့နိုင်အောင် Google Fast Flip က လုပ်ဆောင်ပေးနေပါပြီ။ သတင်းတွေအားလုံးကတော့ Google News ပေါ်မှာ အခြေခံထားတာဖြစ်ပါတယ်။ အရင်က Feed တွေ ဖတ်ရတဲ့ ပုံစံအတိုင်းပါပဲ။ ဒါပေမဲ့ Feed တွေယူပြီး ဖတ်တုန်းကတော့ ကိုယ့်စိတ်ကြိုက် ဘလော့တွေ၊ ၀ဘ်ဆိုဒ်တွေကို စိတ်တိုင်းကျ Customized လုပ်နိုင်ပါတယ်။ GFF မှာ ဖတ်ရှူ့သူတွေအတွက် အကျိုးရှိစေတဲ့ ရလဒ်တစ်ခုကတော့ အချိန်ကုန် သက်သာခြင်းပါပဲ။

ထိုနည်းတူစွာ ဒီပို့စ်နှင့်အတူ ကျွန်တော်ပြုလုပ်နေကျ သတင်းရှာနည်းတစ်ခုကို Sharing လုပ်ချင်ပါတယ်။ မြန်မာပြည်နဲ့ ပက်သက်တဲ့ နောက်ဆုံး Update ဖြစ်တဲ့ သတင်းတွေကို ရှာကြည့်နည်းပါပဲ။ မြန်မာပြည်သတင်းတွေကြည့်မယ်ဆို ပထမဦးစားပေးအနေနဲ့ကတော့ ဧရာဝတီ၊ ခေတ်ပြိုင် စတဲ့ ဆိုဒ်တွေမှာ အရင်ဆုံးကြည့်ပါတယ်။ အဲဒီနောက်မှာတော့ Google News ဆီသို့ ခြေဦးလှည့်ပါတယ်။ Google News Page ရဲ့ search box မှာ Myanmar သို့မဟုတ် Burma (သို့မဟုတ် မိမိရှာဖွေလိုသည့် အကြောင်းအရာနှင့် ပက်သက်သည့် စာသား) အစရှိတဲ့ keyword တွေကို ရိုက်ထည့်ပြီး ရှာဖွေခြင်းဖြစ်ပါတယ်။ ထို့နောက်မှာတော့ နောက်ဆုံးသတင်း သို့မဟုတ် နောက်ဆုံး Update လုပ်တာကို သိချင်တာဖြစ်တဲ့အတွက် webpage ရဲ့ ဘယ်ဘက်ခြမ်း sidebar မှာရှိတဲ့ Last hour ကို ကလစ်နှိပ်လိုက်ရုံပါပဲ။ အဲဒီအခါမှာတော့ myanmar သို့မဟုတ် burma ဆိုတဲ့ စာလုံးပါပြီး နောက်ဆုံး Update ဖြစ်နေတဲ့ သတင်းတွေ ထွက်လာမှာဖြစ်ပါတယ်။

Google News မှ လတ်လတ်ဆတ်ဆတ် မြန်မာသတင်းများ

အလားတူစွာ Youtube မှာလည်း မိမိကြည့်ချင်တဲ့အကြောင်းအရာနှင့် ပက်သက်တဲ့ နောက်ဆုံးတင်တဲ့ Video တွေကိုကြည့်ချင်တယ်ဆိုရင် search box မှာ မိမိရှာချင်တဲ့ Keyword ကို ရိုက်ထည့်ပါ။ ထို့နောက် sort by မှာ Newest ကိုရွေးချယ်လိုက်သည်နှင့် နောက်ဆုံးတင်ထားသည့် Video များကို ကြည့်ရှူ့နိုင်မှာဖြစ်ပါတယ်။


"Myanmar" keyword ပါသည့် နောက်ဆုံးတင် Video များ

အထက်ပါအခြေခံ နည်းနှစ်ခုကို နားလည်ထားပြီဆိုလျှင် ကြိုက်တဲ့ search engine တွေ၊ website တွေမှာ နောက်ဆုံး သတင်းတွေကို ရှာဖွေ ဖတ်ရှူ့နိုင်မှာဖြစ်ပါတယ်။ ဒီနည်းနှစ်ခုကတော့ သတင်းတွေကို ကျွန်တော်ရှာဖွေ ဖတ်ရှူ့နေတဲ့ ပုံစံဖြစ်ပါတယ်။ အချိန်ရမယ်ဆိုရင် မိတ်ဆွေတို့ရဲ့ သတင်းဖတ်ရှူ့နည်းတွေကိုလည်း Comment မှာ မျှဝေပေးသွားစေလိုပါတယ်။

သတင်းများကို ဖတ်ရှူ့ခြင်းဖြင့် IT ခေတ်ကြီးကို အမှီလိုက်ကြပါစို့ :)

20 Sep 2009

တို့ရဲ့မန်းမြေမှာ


ရွှေမန်းမြေ
သာပေရဲ့လား။
တို့ဌာနေ ကျုံးရေ အလှနဲ့
သာပေစွ တကား။

ရွှေမန်းမြေ
စည်ပေရဲ့လား။
တို့ရဲ့မြေ ၀ါရွှေ အလှနဲ့
စည်ပေစွ တကား။

ရွှေမန်းမြေ
ဖြိုးဝေရဲ့လား။
တို့မန်းမြေ အိမ်ခြေ အလှနဲ့
ဖြိုးဝေစွ တကား။

ရွှေမန်းမြေ ခါတစ်ခေါက်
လာရောက်လို့ လည်လှည့်ပါ။
ဘ၀င်မှာ ကြည်ရွှင်လန်းလို့
မြင်ဆန်းစေမှာ။

တို့ရဲ့ မန်းမြေမှာ
သာသနာ ကွန့်မြူး။
တို့ရဲ့ ဌာနေမှာ
မြင်မြင်တကာ ကြည်နူး။
ရှေးအမွေ နန်းပြသာဒ်တို့
သပ်ရပ် တင့်ထူး။ ။


သိပ္ပံ စိုးမြင့်နိုင်
အတွဲ ၄၁၊ အမှတ် (၁)၊ မြ၀တီ မဂ္ဂဇင်း ၁၉၉၂ နိုဝင်ဘာလ

ကဗျာလေးကိုဖတ်ပြီး မန္တလေးကျုံးကြီးအကြောင်း၊ အိမ်ခြံမြေတွေအကြောင်း နှင့် သာသနာအကြောင်း နည်းနည်းရေးချင်လာတယ်။ အုတ်တွေမခင်းမှီ အရင် ကျုံးကြီးကတော့ မျက်စိထဲမှာ ပိုပြီး ကြည့်လို့ကောင်းသလိုပဲ။ အုတ်တွေခင်းလိုက်တာ မျက်စိထဲမှာ ကြည့်ရတာ တစ်မျိုးဖြစ်သွားတယ်။ ဘာပဲပြောပြော ကျုံးကြီးနဲ့ မန္တလေးတောင်ကြီးကို (၂၆ဘီလမ်း ဒေါင့်ကနေ) တွဲဖက်ပြီး မြင်ရတဲ့ မြင်ကွင်းက စိတ်ကြည်နူးသွားတာ အမှန်ပဲ။ အုတ်ခင်းတယ်ဆိုတာ ခေတ်မီပေမဲ့ ရှေးဟောင်းအမွေအနှစ်တွေကိုတော့
အုတ်တွေနဲ့အစားထိုး ပြုပြင်လိုက်တာဟာ လုံးဝ မှားတယ်လို့ ထင်တယ်။ ဥပမာ ... ဦးပိန်တံတားကို အုတ်တိုင်တွေနဲ့ အစားထိုးခြင်း နှင့် အတုမရှိကျောင်းတော်ကြီးကို ရှေးဟောင်းလက်ရာအတိုင်း ထိန်းသိမ်းမထားဘဲ အသစ်ဆောက်လုပ်တာမျိုး။ ကျွန်တော့်အမြင်ကတော့ ရှေးဟောင်းပစ္စည်းဆိုတာဟာ အသစ်ပြုပြင်တာထက် အဟောင်းကိုပဲ မပျက်စီး မယိုယွင်းရအောင် ထိန်းသိမ်းထားနိုင်မှ ပိုပြီး တန်ဖိုးရှိမယ်။

"တို့မန်းမြေ အိမ်ခြေအလှနဲ့ ဖြိုးဝေစွတကား" တဲ့ ... မှန်ပါသည် မန္တလေးတစ်မြို့လုံးနီးပါးမှာ ကွပ်လပ်မကျန် တိုက်တွေ ဆောက်လုပ်နေတာ တွေ့မြင်နေရပါတယ်။ ဒါပေမဲ့ စိတ်မကောင်းဖြစ်မိတာ တစ်ခုကတော့ မြန်မာတွေ မဟုတ်ဘဲ တရုတ်အိမ်တွေ တစ်ခုပြီး တစ်ခု တိုးလာတာပါပဲ။ အခုဆိုရင် Shopping Mall ကြီးများနှင့် Plaza တွေ တစ်ခုပြီးတစ်ခု တိုးလာတာတွေ့ရပါတယ်။ ရက်ကွက်ဈေးတွေထဲမှာ ဈေးဝယ်တဲ့ စနစ်မှသည် ဈေးတွန်းလှည်းလေးတွေနဲ့ Supermarket တွေမှာ ဈေးဝယ်တဲ့ မြို့ပြဈေးဝယ်မှု စနစ်သစ်ဆီသို့ စတင်ပြီး ကူးပြောင်းနေပါပြီ။ သို့ပေမယ့်လည်း အောက်ခြေလူတန်းစားတွေ အဖို့မှာတော့ ရပ်ကွက်ဈေးတွေ၊ အခွန်လွတ်ဈေးတွေကို အားကိုနေရတုန်းပါပဲ။ အိမ်ခြေများ တိုးတက်လာခြင်းနှင့်ပြိုင်တူ မန္တလေးမှာ အထူးသတိထားစရာ တစ်ခုကတော့ "မီး" အန္တရာယ်ပါပဲ။ ရတနာပုံဈေးကြီး မီးလောင်တုန်းကလို ကြီးမားတဲ့ ဆုံးရှုံးမှုမျိုး နောက်တစ်ကြိမ် ထပ်ပြီးမဖြစ်ပါစေနဲ့လို့လည်း ဆုတောင်းမိတယ်။

တို့ရဲ့ မန်းမြေမှာ သာသနာကွန့်မြူး ... ဟုတ်ပါသည်။ မန္တလေးသည် သာသနာနှင့် ပက်သက်လာလျှင် အဓိကမြို့တစ်မြို့ (သို့) "သာသနာ့ဘဏ်တိုက်တစ်ခု"လို့တောင် ပြောနိုင်ပါသည်။ မစိုးရိမ်ကျောင်းတိုက်ကြီးဆိုလျှင် နှစ်ပေါင်းများစွာကတည်းက ယခုထိတိုင်အောင် ထင်ရှားကျော်ဇောပြီး သာသနအာဇာနည်များကို မွေးထုတ်ပေးနေတဲ့ မြန်မာသာမက ကမ္ဘာထိပါ ကျော်ကြားလှတဲ့ ကျောင်းတိုက်ကြီးတစ်ခုဖြစ်ပါတယ်။ ထိုနည်းတူ မဟာဂန္ဓာရုံကျောင်းတိုက်၊ ရွှေကျင်တိုက်၊ ကျောင်းထိုင်ဘုန်းကြီးသင်တန်းကျောင်း၊ သာသနာ့တက္ကသိုလ် စတဲ့ သာသနာ့အာဇာနည်ကျော်များကို မွေးထုတ်ပေးရာ ကျောင်းတိုက်၊ သင်တန်းကျောင်းတွေဟာလည်း ထင်ရှားလှပါတယ်။

ကျွန်တော်တို့ မြန်မာလူမျိုး ဗုဒ္ဓဘာသာဝင်တွေအတွက် ဘုရား၊ တရား၊ သံဃာ ရတနာမြတ်သုံးပါးဟာ မွေးကတည်းက သေတဲ့အထိတိုင်အောင် ဆည်းကပ် ကိုးကွယ်သွားရမှာပါ။ မြတ်စွာဘုရားဟောကြားခဲ့တဲ့ တရားဒေသနာ၊ အဆုံးအမတွေကြောင့် ကျွန်တော်တို့ မြန်မာလူမျိုးတွေဟာ ယဉ်ကျေးတဲ့၊ မြင့်မြတ်တဲ့ လူမျိုးတစ်မျိုးအဖြစ် ဖြစ်တည်နိုင်ခဲ့ရတာပါ။ ထို့ကြောင့် မြတ်စွာဘုရားဟောကြားခဲ့တဲ့ တရားဒေသနာတွေကို ပုထုဇဉ်ဖြစ်တဲ့ လူတွေနားလည်ဆောင် ပေါင်းကူးအဖြစ် လမ်းညွှန်သင်ပြပေးနိုင်တဲ့ ဘုရားသားတော် (သံဃာတော်)တွေရဲ့ ဂုဏ်ကျေးဇူးကို အမြဲတမ်း အောက်မေ့ပြီး ဆည်းကပ်နေဖို့လိုပါတယ်။ ကိစ္စများမြောင် လူတို့ဘောင် ဆိုသည့်အတိုင်း ဆောင်ရွက်စရာကိစ္စတွေ များပြားလှတဲ့ လူတွေအဖို့ တရားတွေ နေ့တိုင်း မနာနိုင်ရင်တောင်မှ အိပ်ယာဝင်ခါနီးပဲဖြစ်ဖြစ်၊ တစ်ရက်ကို နာရီဝက် (သို့) တစ်နာရီလောက် အချိန်ပေးပြီးတော့ဖြစ်စေ ဘုရား၊ တရား အလုပ်ကို လုပ်ကြဖို့ လေးစားစွာဖြင့် တိုက်တွန်းချင်ပါတယ်။ "တတိယအရွယ်မှာ တရားရှာ" တဲ့ ... အတိုင်းအတာတစ်ခုထိ လက်ခံပါသည်။ သို့ပေမယ့် ထို တတိယအရွယ်မရောက်ခင် ဘ၀ကူးသွားခဲ့သည်ရှိသော် မိမိရှာထားတဲ့ စည်းစိမ်ဥစ္စာတွေဟာ ပါသွားမှာ မဟုတ်ပါဘူး။ မိမိရှာဖွေထားတဲ့ တရားကုသိုလ်တွေသာ နောင်ဘ၀အထိ ပါသွားမှာ ဧကန်မလွဲ မဟုတ်ပါတကား။

ဒီပို့စ်လေးရေးပြီး စာဖတ်သူအတွက် ကျွန်တော်ရင်ထဲမှာ ဖြစ်နေတာတွေကို ပေးလိုက်ရလို့ ၀မ်းသာပီတိဖြစ်မိသလို၊ သာသနာ နှင့် ယဉ်ကျေးမှု ထွန်းကားပြီး နေချင်စဖွယ် အညာမြို့တော်တစ်ခုဖြစ်တဲ့ မန္တလေးမြို့မှာ မွေးဖွားရှင်သန်ခွင့်ရခဲ့တဲ့ လူသားတစ်ယောက်ဖြစ်ရတာကိုလည်း ၀မ်းသာဂုဏ်ယူလို့မဆုံး ဖြစ်မိပါတော့တယ် ခင်ဗျာ :)

18 Sep 2009

မအိုသောမေတ္တာ

သွယ်မျှင်ရှည်လျား
ဆံပင်များလည်း၊ ငွေသားဖြူဆွတ်
ပြတ်၍ကျွတ်ပြီ။

ကြည်လင်လဲ့ရွှန်း
မျက်နက်ဝန်းလည်း၊ တောက်ထွန်းမဖြာ
မှုန်မှိုင်းရှာပြီ။

ပုလဲသွယ်စီ
သွားတို့သည်လည်း၊ မညီယိုင်နဲ့
ကျိုးကြွေပဲ့ပြီ။

ဖောင်းမို့နုညက်
ပါးနှစ်ဘက်လည်း၊ ချိုင့်ကွက်လှိုင်းကွန့်
လိပ်ကာတွန့်ပြီ။

သြော် ... ဆင်းရုပ်သွင်နှင့်
ပျိုစဉ်ရွယ်နု၊ အလှစုကို
ထုတောင်းနှိပ်စက်၊ ဇရာဖျက်၍
ပျက်စီးယိုယွင်း၊ အိုမင်းခဲ့ရပါသော်လည်း။

မေတ္တာမွမ်းထုံ
ဝမ်းကြာငုံမှာ၊ ယှက်ရုံထွေးရစ်
သားရင်နှစ်ကို၊ ချစ်ကြင်နာသော
သံယောဇဉ်ကား၊ တားဆီးနှိပ်စက်
ပျက်စီးယိုယွင်း၊ အိုမင်းလေအောင်
စွမ်းဆောင်ဖို့ငှာ၊ သည်ချိန်ခါတွင်
ဇရာမတတ်နိုင် ချေတကား။

နောင်ဝင်းထွန်း (မုံရွာ)

ငွေတာရီ မဂ္ဂဇင်း
အမှတ် ၂၄၂ သြဂုတ်လ ၁၉၈၀

ကျွန်တော်ကြိုက်နှစ်သက်မိတဲ့ ကဗျာလေးတစ်ပုဒ်ပါ။ သားသမီးတွေအပေါ်ထားရှိတဲ့ မိဘမေတ္တာဆိုတာ "ဇရာ" ဆိုတဲ့ အိုမင်းမှုတောင် မတားဆီး မပိတ်ပင်နိုင်ဘူးဆိုတဲ့ သဘောကို သက်ရောက်ပါတယ်။ သည်မျှကြီးမားလှတဲ့ ကျေးဇူးတွေ၊ မေတ္တာတွေကို ကျွန်တော်တို့တတွေ အသက်ရှင်နေတုန်းမှာ အကုန်ပြန်မဆပ်နိုင်ရင်တောင်မှ ကိုယ်တတ်နိုင်တဲ့ဘက်က အချိန်ပေးပြီး ဆပ်သွားဖို့ဆိုတာ ကျွန်တော်တို့ သားသမီးတိုင်းရဲ့ တာဝန်ပဲ မဟုတ်ပါတကား။ လူ့ဘ၀ဆိုတာ အရမ်းတိုတောင်းလွန်းပါတယ်။ တကယ့်ကို တိုတိုလေးပါ။

17 Sep 2009

ဗုဒ္ဓဘာသာစင်တာကြီးအတွက် ကုသိုလ်ယူနိုင်ကြပါပြီ

ဗုဒ္ဓစင်တာကြီးတွင် သီတင်းသုံးစမ္ပါယ်တော်မူမည့်
မဟာဇေယျသု အောင်မြင်ချမ်းသာ မြတ်စွာဘုရားကြီး

ဗုဒ္ဓဘာသာသာသနာ အရှည်တည်တံ့ပြန်ပွားရေး နှင့် ဗြိတိန်နိုင်ငံရှိ ဗုဒ္ဓဘာသာဝင်များ ဘာသာရေးကို အခြေခံပြီး အသိအလိမ္မာ တိုးတက်စေရန် ရည်ရွယ်ပြီး ဗုဒ္ဓဘာသာဝင် မြန်မာလူမျိုးတိုင်းအတွက် ဂုဏ်ယူအားထားဖွယ် ဗုဒ္ဓဘာသာစင်တာကြီးတစ်ခုကို လန်ဒန်မြို့တွင် မကြာမီဖွင့်လှစ်နိုင်ရန် မလေးရှားနိုင်ငံ ပီနန်မြို့မှ အပြည်ပြည်ဆိုင်ရာ ကမ္ဘာ့သာသနာပြု ဆရာတော်ကြီး ဦးပညာဝံသ၏ ဦးဆောင်မှု အစီအစဉ်ဖြင့် သာသနရံသီဝိဟာရအဖွဲ့မှ ဆောင်ရွက်နေပါသည်။

သာသနရံသီ ဗုဒ္ဓစင်တာကြီး တည်ထောင်ရခြင်း၏ ရည်ရွယ်ချက်များ

*********

၁။ ဥရောပတွင် အကြီးဆုံးဖြစ်သည့် အောင်မြင်ချမ်းသာ ဗုဒ္ဓရုပ်ပွါးတော်မြတ်ကြီးကို သီးခြား ဂန္ဓကုဋီ (ဘုရားကျောင်းတော်ကြီး) ဖြင့် မြင့်မြင့်မြတ်မြတ် ပူဇော်နိုင်ရန်

၂။ ဘာသာရေး အခမ်းအနားများ၊ မြန်မာနှစ်သစ်ကူး အတာသင်္ကြန် ယဉ်ကျေးမှုအခမ်းအနားများ၊ လူမှုရေး အခမ်းအနားများ သီးသီးသန့်သန့် ကျယ်ကျယ်ပြန့်ပြန့်ဆောင်ရွက် ကျင်းပနိုင်ရန်

၃။ နေ့စဉ် စားဝတ်နေရေးအတွက် ဆောင်ရွက်လုပ်ကိုင်နေကြရသည့် ဒကာ၊ ဒကာမများ လုပ်ငန်းခွင်အတွင်း စိတ်ဖိစီးမှုများ၊ သောကတောက ဘ၀အမောများကို ပြေလျောသွားစေရန် နှင့်စိတ်ငြိမ်းချမ်းမှုများ ရရှိခံစားနိုင်ကြစေရန် ၀ိဿနာတရားစခမ်းများကို လစဉ်ကျင်းပ ဆောင်ရွက်နိုင်ရန်၊ (အခါအားလျော်စွာ မြန်မာနိုင်ငံမှ ဆရာတော်ကြီးများ ပင့်ဖိတ်၍ တရားဓမ္မများ နားကြားနိုင်ကြရန်)

၎။ တနင်္ဂနွေနေ့တိုင်း ကလေးလူငယ်များအတွက် အခြေခံဗုဒ္ဓဘာသာ ယဉ်ကျေးမှုသင်တန်းများ၊ မြန်မာစာ၊ အင်္ဂလိပ်စာသင်တန်းများ၊ ဘာသာစကားသင်တန်းများ၊ ကွန်ပြူတာသင်တန်းများ၊ အလုပ်အကိုင်နှင့် ပညာရှာဖွေရာတွင် လိုအပ်သော အကြံဥာဏ်များနှင့် အကူအညီများပေးရန် ဌာနများနှင့် သားငယ် သမီးငယ်များရှိသည့် မိဘများအတွက် နေ့ကလေးထိန်းဌာနများကို ပူးတွဲဖွင့်လှစ်ရန်

၅။ လူကြီး၊ လူရွယ်တို့အတွက် ဗုဒ္ဓအဘိဓမ္မာသင်တန်းများ၊ ဗုဒ္ဓဘာသာအကြောင်း ဆွေးနွေးပွဲများနှင့် ဓမ္မသင်တန်းများ ဖွင့်လှစ်ရန် (အခါအားလျော်စွာ ပညာရှင်များကို ပင့်ဖိတ်၍ ဟောပြောပွဲများ ကျင်းပရန်)

*********

အထက်ပါရည်ရွယ်ချက်များ ထိရောက်စွာ အမြန်ဆုံးအကောင်အထည်ဖော်နိုင်ရေးအတွက် အလှူရှင်များမှ စေတနာ သဒ္ဓါထက်သန်စွာဖြင့် ပါဝင်လှူဒါန်းနိုင်ကြပါရန် ဖိတ်ခေါ်အပ်ပါသည်။

သာသနရံသီ ဗုဒ္ဓစင်တာကြီး တည်ဆောက်ရန် အလှူငွေများ အောက်ပါအစီအစဉ်အတိုင်း မပင်မပန်းလှူဒါန်းနိုင်ပါသည်။

က။ အလှူရှင် ကျောင်းဒကာ ကျောင်းအမများသည် မြေတကွက်အတွက် ပေါင်စတာလင် ၅၀၀ လှူဒါန်းလိုလျှင်
  • တစ်လလျှင် £ ၂၅ နှုန်းဖြင့် လပေါင်း ၂၀ = £ ၅၀၀ လည်းကောင်း
  • တစ်လလျှင် £ ၅၀ နှုန်းဖြင့် လပေါင်း ၁၀ = £ ၅၀၀ လည်းကောင်း
  • တစ်လလျှင် £ ၁၀၀ နှုန်းဖြင့် လပေါင်း ၅ = £ ၅၀၀ လည်းကောင်း
အသီးသီး မိမိတို့ ကြိုက်နှစ်သက်သလို သက်တောင့်သက်သာ ရွေးချယ်လှူဒါန်းနိုင်ပါသည်။

ခ။ အလှူရှင် ကျောင်းဒကာ ကျောင်းအမများသည် လှူဒါန်းလိုသည့် အလှူငွေများကို ဘဏ်သို့ တိုက်ရိုက်ဖြစ်စေ၊ ချက်ဖြင့်ဖြစ်စေ၊ Cash ဖြင်စေ လွယ်ကူ အဆင်ပြေသလို လှူဒါန်းနိုင်ပါသည်။

ဂ။ မိမိတို့လှူဒါန်းပြီးသော ပမာဏသိရှိစေရန် ကျောင်းဖြစ်မြောက်ရေး ကော်မတီက အမြဲမပြတ် အသိပေးနေမည်ဖြစ်ပါသည်။

ဃ။ အလှူရှင် ကျောင်းဒကာ ကျောင်းအမများသည် အောက်ပါ ဌာနများသို့ ဆက်သွယ်လှူဒါန်းနိုင်ပါသည်။

၁။ သာသနရံသီဝိဟာရ ဖုန်း - ၀၂၀ ၈၂၀၅ ၀၂၂၁
၂။ ဦးစိန်ထွန်းအောင် ဖုန်း - ၀၂၀ ၈၄၅၂ ၄၅၀၄
၃။ ဒေါက်တာဝင်းနိုင် ဖုန်း - ၀၇၇ ၈၅၅၆ ၈၁၅၄
၎။ ကိုအောင် ဖုန်း - ၀၇၇ ၆၂၀၉ ၄၅၆၂
၅။ ကိုကောင်းဇံ ဖုန်း - ၀၇၉ ၃၁၁၄ ၈၆၆၈

သို့မဟုတ်

Sasana Ramsi Vihara
Barclays Business Account No. 00782513
Sort Code : 20-94-48 သို့လည်း တိုက်ရိုက်လှူဒါန်းနိုင်ပါသည်။













သာသနရံသီ ဗုဒ္ဓစင်တာကြီး ဖြစ်မြောက်ရေးကော်မတီ
SASANA RAMSI VIHARA
83, Booth Road, Colindale, NW9 5JU, LONDON
www.sasanaramsiuk.org

16 Sep 2009

ဆရာဦးတင်မိုးရဲ့ အောင်ပန်းဆွတ်ဖို့ ငါလာတယ်

ကွယ်လွန်သွားပြီဖြစ်တဲ့ စာပေလောကရဲ့ ကြယ်တစ်ပွင့်ဖြစ်တဲ့ ကဗျာဆရာဦးတင်မိုး ရေးသားတဲ့ အောင်ပန်းဆွတ်ဖို့ ငါလာတယ် ဆိုတဲ့ ကဗျာလေးကို မျှဝေချင်ပါတယ်။ ဆရာဦးတင်မိုးကတော့ (သမီးလေး "ချို" သို့) ဆိုပြီးတော့ သူ့သမီးအတွက် ရေးစပ်ထားတာဖြစ်ပါတယ်။ ဆရာဦးတင်မိုးရဲ့ ကလောင်စွမ်းကြောင့် ကဗျာလေးကို ဖတ်ပြီးနောက်ပိုင်းမှာ စိတ်ဓာတ်သစ်တွေ အားအင်သစ်တွေ တိုးပွားလာတယ်လို့ ခံစားရပါတယ်။

အောင်ပန်းဆွတ်ဖို့ ငါလာတယ်

တောင်တလုံးပြီး တလုံး
အမှောင် ဖုံးပြီး ရင်း ဖုံး
အပြုံးမပျက် ကျော်လို့တက်
မနက်လင်းရင် စခန်းရောက်မှ သေချာတယ်။

လူသားရဲ့ အစွမ်း
ဘယ်တော့မှ မကုန်ခမ်းနိုင်ဘူး
မမှန်းဆနိုင်တဲ့ နေရာက
အတွေး အဆတွေ လာတယ်။

လေထဲမှာ ဝှေ့ယမ်းနေတာက
အောင်ပန်းတွေ မဟုတ်လား။

ဘ၀ရဲ့ တောင်တန်းအထွတ်မှာ
အောင်ပန်းဆွတ်ဖို့ ငါတက်ခဲ့တယ်။

အရှုံးပေးတတ်တဲ့ စိတ်ညံ့
ကြောက်လန့်ပြီး ထွက်ပြေးတတ်တဲ့စိတ်ပျော့
ပေါ့ပေါ့တွေးတတ်တဲ့ စိတ်လေပွေ
အခြေမဲ့ အနေမဲ့ အဖြေမဲ့ ပုစ္ဆာ
ငါ့အဘိဓာန်မှာ ဘယ်အခါမှ မရှိ။

(သမီးလေး "ချို" သို့)

3 Sep 2009

YouTube တွင် Video Playlist တစ်ခု ဖန်တီးခြင်း

ကျွန်တော်တို့ နေ့တိုင်းနီးပါး သွားလာကြည့်ရှူ့ကြတဲ့ YouTube မှာ Video Playlist တစ်ခုပြုလုပ်နည်းကို မျှဝေလိုက်ပါတယ်။ Playlist လုပ်ထားခြင်းအားဖြင့် မိမိရဲ့ဘလော့ ဒါမှမဟုတ် မိမိရဲ့ YouTube account မှာ Video တွေကို တစ်စုတစ်စည်းတည်း ဆက်တိုက်ကြည့်ရှူ့နိုင်ပါတယ်။ ထို့အတွက်ကြောင့် ဘလော့ပေါ်မှာ တင်မယ်ဆိုရင်လည်း loading space သက်သာစေမှာဖြစ်ပါတယ်။ Playlist တစ်ခု ပြုလုပ်နည်းကို အောက်ပါ Video မှ အလွယ်တကူလေ့လာနိုင်ပါတယ်။ Video ထဲမှာ Tutorial အတိုင်း လိုက်မလုပ်မီ YouTube မှာ sign up အရင်ဆုံး လုပ်ထားဖို့တော့ လိုပါလိမ့်မယ်။