30 Nov 2009

Sharing: ဂုဏ်ယူလျှက်ပါ အမေစု

ကမ္ဘာပေါ်က အတွေးအခေါ်ရှင် ၁၀၀ မှာ ထိပ်တန်း ပါဝင်သူတဦးအဖြစ် ဒေါ်အောင်ဆန်းစုကြည်ကို အမေရိကန်ပြည်ထောင်စု ဝါရှင်တန်ဒီစီက ထုတ်ဝေတဲ့ Foreign Policy နိုင်ငံခြားရေးရာ မဂ္ဂဇင်းက ဖော်ပြလိုက်ပါတယ်။

အမှောင်ကျနေတဲ့အရပ်မှာ မျှော်လင့်ချက်တစ်ရပ်အဖြစ် သက်ရှိထင်ရှားနေတဲ့ သင်္ကေတပိုင်ရှင်အဖြစ် ကမ္ဘာ့တွေးခေါ်ရှင် ၁၀၀ စာရင်းမှာ ဖော်ပြထားတာဖြစ်ပါတယ်။

ဒီဇင်ဘာလအတွက် ထုတ်ဝေတဲ့ မဂ္ဂဇင်းရဲ့ နှစ်လည် အထူးထုတ်မှာ ဒီစာရင်းကို ဖော်ပြထားတာဖြစ်ပြီး အမေရိကန် ဗဟိုဘဏ် ဥက္ကဌဖြစ်တဲ့ Mr. Frank Bernake ကို စီးပွားပျက်ကပ်အသစ်ကို ကိုင်တွယ်ဖြေရှင်းနိုင်သူအဖြစ် နံပါတ် ၁ မှာ ဖော်ပြထားပါတယ်။ နံပါတ် ၂ ကတော့ ကမ္ဘာပေါ်က အမေရိကန်နိုင်ငံရဲ့ အခန်းဂဏ္ဍကို ပြန်လည်မြှင့်တင်ခဲ့သူအဖြစ် အမေရိကန်သမ္မတ Mr. Barack Obama ကိုဖော်ပြထားပါတယ်။
မဟတ္တမ ဂန္ဒီနှင့် ဗုဒ္ဓဘာသာအခြေခံစည်းမျဉ်းဖြစ်တဲ့ အကြမ်းမဖက်ရေးလမ်းစဉ်နဲ့ မြန်မာစစ်အစိုးရကို အတိုက်အခံ လှုပ်ရှားခဲ့ပြီး အနှစ် ၂၀ အတွင်း ၁၄ နှစ် နေအိမ်အကျယ်ချုပ်နဲ့ နေခဲ့ရတယ်လို့ ဒေါ်အောင်ဆန်းစုကြည်အကြောင်း ဖော်ပြချက်မှာ ရေးသားထားပါတယ်။
ဒေါ်အောင်ဆန်းစုကြည်ရဲ့ ၁၉၉၀ ပြည့်နှစ် မိန့်ခွန်းတရပ်မှာ ကြောက်ရွံ့စိတ်ဟာ နေ့စဉ် လူနေမှုလက္ခဏာ တရပ်အဖြစ် ရောက်ရှိလာပြီဆိုရင် နိုင်ငံရေးခေါင်းဆောင်တွေဟာ အဂတိ လိုက်စားလာကြကြောင်း၊ ဒီအချိန်မှာ တော်လှန်ရေးစိတ်ဓာတ် ရှိကြရမှာဖြစ်ကြောင်း ပြောကြားခဲ့တယ်လို့လည်း ဖော်ပြထားပါတယ်။

When "fear is an integral part of everyday existence," political leaders inevitably give in to corruption, and called for a "revolution of the spirit" ~ Daw Aung San Suu Kyi

ဒေါ်အောင်ဆန်းစုကြည်ကို ၂၆ ဦးမြောက် ကမ္ဘာ့ အတွေးအခေါ်ရှင်အဖြစ် ဖော်ပြထားပြီး အင်ဒိုနီးရှားက နိုင်ငံရေး သုံးသပ်သူ Rizk Sukma ကို ၉၂ ဦးမြောက်၊ ဗြိတိန်ဝန်ကြီးချုပ် Gordon Brown ကို ၇၄ ဦးမြောက်နဲ့ ဗြိတိန်ဘာသာရေးပညာရှင် Karen Armstrong ကို ၈၇ ဦးမြောက်အဖြစ် ဖော်ပြထားပါတယ်။

News via: RFA

28 Nov 2009

Burmese Cultural Evening

Please come and enjoy a fun evening of Burmese food, dance, costume, crafts and a raffle, in support of poverty relief and education in the Irrawaddy delta region of Burma (Myanmar).

Sunday December 6th, 6 - 9pm

Buffet opens from 6pm, show starts 6:30pm.
In the Newman Room at the Catholic Chaplaincy, The Old Place,
Rose Place, St Aldate's, Oxford
OX1 1RD

Programme:
  • Enjoy a cultural show highlighting the colourful traditional costumes, music and dances of several of the races of Burma, and featuring a traditional puppet show performed by a master of this art.
  • Sample a delicious buffet throughtout the evening featuring a variety of classic Burmese savoury and sweet dishes, together with wine, beer and soft drinks.
  • Admire and buy examples of traditional Burmese craftwork in laquer, tapestry, textiles and other materials - they make ideal Christmas presents!
  • Experience the magic of Thanakah skincare, and learn why Burmese of all ages have used it on their faces for centuries.
Tickets:

Adults - £15
Children (5 - 15) - £5
Under 5's - FREE
*Ticket price includes entrance, buffet and show

To buy or reserve tickets in advance please call:

London:
Ma Mon - 0789 858 1226
Ma Tumar - 0772 334 4933
Kyaw Thura - 0788 249 1607

Oxford: Sister Eugenie - 0784 604 2983

Helping the Burmese Delta Charity office - 0208 747 1253

PS: All proceeds will go to support UK registered Charity 'Helping the Burmese Delta' (reg. no 1124774) http://www.helpingtheburmesedelta.org , and its partner charity in Burma, 'Searchers Myanmar', in their work to restore the lives of those devastated by Cyclone Nargis last year.

မြန်မာပြည်အလွမ်းပြေ သီချင်းများနှင့် ငပိရည် အရှုပ်တော်ပုံ

မြန်မာပြည်အလွမ်းပြေ သီချင်းဟောင်း သီချင်းကောင်းလေးတွေကို Oxford မှာ ပြုလုပ်မည့် Culture Show အတွက် ရှာဖွေရှင်း ရရှိခဲ့ပါတယ်။ သီချင်းတွေ ကူပြီးရှာဖွေပေးတဲ့ မရှင်မင်းကိုလည်း ကျေးဇူးအထူးတင်ပါတယ်။ တကယ်တမ်းတော့ အဲဒီသီချင်းတွေက ကျွန်တော်တို့ ငယ်ငယ်တုန်းက နားယဉ်ခဲ့ဖူးပြီးသား သီချင်းလေးတွေပါ။ Come To Myanmar ဆိုတဲ့သီချင်းလေးကတော့ အန်တီနွဲ့ယဉ်ဝင်း ရေးစပ်ထားတာဖြစ်ပြီး နွဲ့ယဉ်ဝင်း၊ စိမ်းမို့မို့၊ ဟေမာနေဝင်း၊ သန္တာဦး၊ မီမီဝင်းဖေ နှင့် ပိုးဒါလီသိန်းတန်တို့ သီဆိုထားပါတယ်။ English Version ရော မြန်မာ Version ရောပါပါတယ်။ နောက်နှစ်ပုဒ်ကတော့ အေးချမ်းမေရဲ့ လှမ်းလာခဲ့ပါ ပြည်မြန်မာ နှင့် ချိုပြုံးရဲ့ အလှကမ္ဘာ တို့ပဲဖြစ်ပါတယ်။ သီချင်းအားလုံး လေးပုဒ်ဖြစ်ပြီး ဒီနေရာမှာ ဒေါင်းလုပ်ရယူပါ။


မြန်မာပြည် ... တောတောင်ရှူ့ခင်းတွေနဲ့
ဝင်းဝါတဲ့စပါးခင်းရယ် ... သဘာဝ အလှအပတွေခြယ်

စာသားလေးတွေကြားလိုက်ရုံနဲ့ မြန်မာပြည်ကို ချက်ချင်းသတိရလွမ်းဆွတ် သွားစေပါတယ်။ နိုင်ငံခြားရဲ့ မြို့ပြတွေမှာ မြင်တွေနေကျ မြင်ကွင်းတွေနဲ့ ဘာမှမဆိုင်ပါဘူး။ ဝင်းဝါနေတဲ့ စပါးခင်းတွေဟာ တကယ့်ကိုပဲ မြန်မာပြည်ရဲ့ Trade Mark တစ်ခုလိုပါပဲဗျာ။ မိတ်ဆွေတစ်ယောက်ရဲ့ အိမ်တံခါးဝမှာ ရေးထားတာကို ပြေးမြင်ယောင်မိတယ် "အရာအားလုံးကို လွမ်းပါသည်" တဲ့ :) လွမ်းလည်း လွမ်းလောက်ပါတယ် သူကိုယ်တိုင်က ရန်ကုန်တက္ကသိုလ် ကျောင်းသားဟောင်းဖြစ်ပြီး ၈၈ တုန်းက ကိုယ်တိုင်ပါဝင် လှုပ်ရှားခဲ့ဖူးလို့ သံတိုင်တွေကြား အပြစ်ပေးခံရဖူးသူ။ အဲဒီခေတ်က နောင်တော်ကြီးတွေဆီမှာ ယုံကြည်ချက်၊ ခံစားချက်တွေက မာပြီဆိုရင်လည်း ကျောက်ဆောင်လိုပဲ၊ ပျော့ပျောင်းပြီဆိုရင်လည်း ဖော့၊ ဖယောင်းတောင် လိုက်လို့မမှီ။

ငပိရည် အရှုပ်တော်ပုံ - လွန်ခဲ့တဲ့နှစ်ရက်က သူငယ်ချင်းတစ်ယောက်က ငပိရည်နဲ့ မန်ကျည်းရွက်သုပ်စားမယ်ပြောတော့ ဒီလောက်နံနေတဲ့ ငပိရည်ကို စားတယ် ဆိုပြီး ကျွန်တော်သူ့ကို စလိုက်မိတယ်။ အဲဒီမှာ ကျေးဇူးရှင်လေးက အညာမှာနေတဲ့ မြန်မာဖြစ်ပြီးတော့ ငပိရည်ကို စော်ကားတယ်ဆိုပြီး ကျွန်တော့်ကို ပွမ်ပါလေရော :P နောက်ထပ် ထပ်ပြီးပြောသွားသေးတယ် "နိုင်ငံခြားရောက်တာ ခြောက်လလောက်ပဲ ရှိသေးတယ်တဲ့ မုန့်ဟင်းခါးဆိုတာ ဘယ်လိုမျိုးလဲ မေးတယ်တဲ့ .... အဲလိုလူမျိုးကို စိတ်ရှိလက်ရှိ ဆောင့်ကန်ပစ်ချင်တယ်"တဲ့ ဟိဟိ :D တကယ်တော့ ကျွန်တော်လည်း ငပိရည် ကြိုက်နှစ်သက်သူတစ်ဦးပါ :D အသားဟင်း၊ ငါးဟင်းတွေ ဘယ်လောက်ပဲကောင်းကောင်း ငပိရည်နဲ့ တို့စရာ မပါရင် ထမင်းစားရတာ မမြိန်လှပါဘူး။ ခက်တာက ပြည်ပနိုင်ငံတွေမှာက ငပိဆိုရင် ကျိုရ၊ ချက်ရတာ တယ်လဲခက်သကိုး။ ငပိရည်အကျိုကောင်းလို့ Council ကို အတိုင်ခံရတဲ့ အဖြစ်တွေ အများကြီး :D မီးဖိုချောင်မှာ ဟင်းချက်နေရင် လူတွေများလာလို့ စိတ်ညစ်တယ်ဆိုရင် ငပိရည်သာ ကျိုပေးလိုက် ... မပြေးရင် ကြိုက်သလိုပြော :P မြန်မာတွေအတွက် ငပိဟာ မွှေးပေမဲ့ မစားဘူးတဲ့ မျက်နှာဖြူတွေကတော့ အော့အန်ချင်ကြတယ်။ ငပိလေးကို မီးဖုတ်ပြီး သံပုရာသီးလေးဆမ်းစား ထမင်းမြိန်မှမြိန်ဗျာ။ အဲဒီထက်ကောင်းချင်ရင် ခရမ်းချဉ်သီး ငပိချက်လေးနဲ့ ထမင်းနဲ့ နယ်စား ... ဘာဟင်းမှ ထပ်ပြီး ချက်စရာမလို။

ငပိရည်လည်း ကြိုက်တယ် ဟင်းချက်ရမှာလည်း ပျင်းတယ်ဆိုရင် ဒီလိုလေးလုပ်ပြီးစားကြည့် ထမင်းလည်း မြိန်တယ် အချိန်ကုန်လည်း သက်သာတယ်။ Tuna ဗူးတွေကို ဝယ်၊ ခြောက်အောင်ရေစစ်၊ ပြီးတော့ ရေနည်းနည်း ထွက်သွားအောင်ကြော်၊ ငံပြာရည်၊ ငပိ၊ ဆား၊ ဟင်းချိုမှုန့် လိုသလို တိုင်းပြီးထည့် ကြော်ပြီးတာနဲ့ ကြက်သွန်ဖြူကြော် နှင့် ကြက်သွန်နီကြော်ကို ထည့်ပြီး ပြန်လှော်ပေးလိုက်။ အဲဒီ အင်္ဂလိပ် ဗလာချောင်ကြော်ဖြစ်ရော :D ခပ်များများသာ ကြော်ထားလိုက်၊ အလုပ်က ပြန်လာတာနဲ့ ဗိုက်ဆာပြီဆိုရင် ထမင်းအိုးပဲ တည်ရုံပဲ ... ငပိကြိုက်တဲ့သူဆိုရင် အဲဒီတစ်မျိုးတည်းနဲ့ စားလို့ရတယ်။ အရည်သောက်လေးပါ စားချင်ရင် ပဲနီလေးရေစိမ်၊ ကြက်သွန်နီ၊ ဆား နည်းနည်းထည့်ပြီး မီးဖိုပေါ်တင်ထားလိုက်၊ မရသေးခင်မှာ အီးမေးလ်စစ်၊ အင်တာနက် ခဏကြည့်လိုက်ဦး၊ နောက် ၁၅ မိနစ်နေရင် ပြန်လာကြည့် ဟင်းရည်လည်း ကျက်နေပြီ။ ပဲဟင်း ဟင်းချိုလေးနဲ့ ငပိကြော်လေးနဲ့ ... မြိန်လိုက်မည့်ဖြစ်ခြင်း။ ထမင်းစား သိပ်မြိန်ပြီးတော့ ဗိုက်ကို ခွေးဟပ်မှာတောင် စိုးရိမ်ရတယ်။ ပြောရင်း ဆိုရင်း သရေကျတယ် ... ငပိရည်ရယ် ကိုယ်ရယ်မင်းရယ် ပဲဟင်းချိုရယ် :P

Sharing: သတင်းစာဆရာနှင့် နိုင်ငံရေး - မောင်ဝံသ

(၂၀၀၉ ခုနှစ်၊ နိုဝင်ဘာလ (၁၉) ရက်နေ့ထုတ်၊ Popular News ဂျာနယ်မှာဖော်ပြထားတဲ့ ဆရာမောင်ဝံသရဲ့ ဆောင်းပါး ဖြစ်ပါတယ်။ စာနယ်ဇင်း သမားနဲ့နိုင်ငံရေး ဆက်စပ်နေပုံလေးနဲ့ သတင်းစာ ဆရာများဟာ နိုင်ငံရေးနဲ့ပတ်သက်ပြီး ရေးတဲ့အခါ ဘက်လိုက်သင့် မသင့် ဆိုတာကို စဉ်းစားနိုင်ဖို့မျှဝေပေးလိုက် ပါတယ်။ )

နိုင်ငံတကာ နိုင်ငံရေး ခေါင်းဆောင်များနဲ့ နိုင်ငံရေး ပညာရှင်များရဲ့အဆိုအမိန့်များထဲက ကောင်းနိုးရာရာ လေးတွေကို ရွေးချယ် ရေးသားပြီးအပတ်စဉ်ထုတ် သတင်းဂျာနယ် တစ်စောင်မှာ ဖော်ပြနေပါတယ်။ တစ်နေ့ကတော့ အဆိုအမိန့် တစ်ခုကို ဘာသာပြန်ရင်း ကျွန်တော် အတော်လေး သဘောကျပြီး ပြုံးမိပါတယ်။

"Becoming a politician is the only step down I could take from being a journalist." ~ Jim Hightower

နိုင်ငံရေးသမား ဖြစ်လာတာဟာ ကျွန်တော့်အနေနဲ့ သတင်းစာဆရာ ဖြစ်ဖို့ကနေ အောက်တစ်ဆင့်ပဲ လျှော့ထားတာ။ (ဂျင် ဟိုင်းတာဝါ)

သူ ဆိုလိုတာက တကယ်ဖြစ်ချင်တာ သတင်းစာဆရာ။ သတင်းစာဆရာ ဘဝကို မရောက်ခင် တစ်ထစ်ပဲ လျှော့ပြီး ခံယူမယ့် ဘဝကတော့ နိုင်ငံရေးသမား ဘဝကတော့ နိုင်ငံရေးသမား ဘဝပါပဲတဲ့။

ဟိုင်းတာဝါ (၁၉၄၃ ဖွား) ဟာ ဆင်ဒီကိတ် ကော်လံ ဆောင်းပါးရှင်၊ လစ်ဘရယ် ဝေဖန်ရေးဆရာ၊ ပေါ်ပြူလစ် တက်ကြွ လှုပ်ရှားသူ၊ အမေရိကန်နိုင်ငံမှာ ထင်ပေါ်ကျော်ကြားတဲ့ နိုင်ငံရေး သတင်းစာဆရာ တစ်ယောက်ပါ။ သူဟာ အောက်ခြေသိမ်း နိုင်ငံရေးသမား ဘဝက စလုပ်ခဲ့ပြီး နောက်ဆုံးတော့ သူရည်မှန်းတဲ့အတိုင်း အောင်မြင်တဲ့ သတင်းစာဆရာ ဘဝကို ရောက်သွားပါတယ်။

နိုင်ငံရေးသမား ဘဝထက် သတင်းစာဆရာ ဘဝကို ပို၍ တန်ဖိုးထား ဂုဏ်ယူတဲ့ ဇာတ်လိုက်တွေကို ဆရာ ဗန်းမော် တင်အောင်ရဲ့ ဘုန်းမောင်တစ်ယောက်တည်းရယ်တို့၊ လွမ်းရစ်တော့ သက်လယ်ရယ်တို့၊ မြိုင်တို့မှာ ကျွန်တော်တို့ တွေ့ခဲ့ အားကျခဲ့ရ ဖူးတယ်ဗျာ။

ကျွန်တော်တို့ရဲ့ ရှေ့မျိုးဆက်များက သတင်းစာ ဆရာကြီးတွေထဲမှာလည်း နိုင်ငံရေးကို အစဉ်အလာ နိုင်ငံရေး သမားတွေထက် ပို၍ တတ်သိ နားလည်တဲ့ သတင်းစာ ဆရာကြီးတွေ အများကြီး ပေါ်ထွန်းခဲ့တယ်ဗျ။ တစ်ထိုင်တည်း မှတ်မိသလောက် ပြောရရင် ဘကြီးဘဘေ၊ ဒီးဒုတ် ဦးဘချို၊ ဂျာနယ်ကျော် ဦးချစ်မောင်တို့ဟာ နိုင်ငံရေး သမားတွေထက် နိုင်ငံရေး ကျွမ်းသူတွေလို့ အသိအမှတ် ပြုခံခဲ့ရပါတယ်။

ဗမာ့ခေတ် ဦးအုန်းခင်

လွတ်လပ်ရေး ရပြီးတဲ့နောက် ပါလီမန် ခေတ်မှာလည်း တန်ခိုးထက်နေတဲ့ နိုင်ငံရေး ခေါင်းဆောင် တစ်ယောက်ကို "ငါ့ညီ မင်း ငယ်ပါသေးတယ်" လို့ ပြောရဲ ရေးရဲတဲ့ သတင်းစာ ဆရာကြီး ဗမာ့ခတ် (နောက်တော့ မိုးကြိုး) ဦးအုန်းခင်လို သတင်းစာ ဆရာတွေ ပေါ်လာခဲ့တယ်။ ထက်မြက်တဲ့ သတင်းစာ ဆရာတွေကို တော်ရုံ နိုင်ငံရေး သမားတွေက ဖြုံကြရပါတယ်။

ပါလီမန် ဒီမိုကရေစီ ခေတ်မှာ သတင်းစာနဲ့ နိုင်ငံရေး သမားဆိုတာ မကင်းရာ မကင်းကြောင်းတွေ ဖြစ်ခဲ့ပါတယ်။ သတင်းစာ ဆရာတွေ ထဲမှာလည်း ပါတီ နိုင်ငံရေးနဲ့ ပုဂ္ဂိုလ်ရေး ဘက်လိုက်မှုကတော့ အနည်းနဲ့ အများ ရှိခဲ့ကြတာပါပဲ။

အထက်မှာ ပြောခဲ့တဲ့ ဗမာ့ခေတ် ဦးအုန်းခင်ဟာ ဦးနုမှ ဦးနုဆိုပြီး ထောက်ခံခဲ့သူ ဖြစ်တယ်။ ဦးကျော်ငြိမ်း ကိုတော့ အလွန် မုန်းတီးသတဲ့။ မိုးကြိုးကလောင် အမည်နဲ့ ရေးတဲ့ ဦးအုန်းခင်ရဲ့ ဆောင်းပါးတွေကို ကျွန်တော်တို့ စေ့စေ့စပ်စပ် ပြန်ဖတ် ကြည့်တဲ့အခါ "ချစ်သူကို သာစေ၊ မုန်းသူကို နာစေ" အရေးအသားတွေ အများကြီး တွေ့ရတယ်ဗျာ။ ဘယ်လိုပဲ ဖြစ်ဖြစ် မိုးကြိုးကြီးတို့ ခေတ်မှာ အဲသလို ပုတ်ဟယ် ခတ်ဟယ်၊ တို့ဟယ် ဆိတ်ဟယ် ရေးခွင့် ရှိတာကပဲ တစ်နည်း အားဖြင့်လည်း ပျော်စရာကြီး လို့ ဆိုနိုင်တယ်ဗျ။

ထွန်းနေ့စဉ်ဦးထွန်းဖေ

ဗမာ့ခေတ် ဦးအုန်းခင်က ဦးနုကို အပြတ် ထောက်ခံသလို ဦးနုကို ခါးခါးသီးသီး တိုက်ခိုက်ခဲ့တဲ့ သတင်းစာ ဆရာကြီး တစ်ယောက်လည်း ရှိခဲ့တယ်ဗျာ။ သူကတော့ သူရိယ ဦးထွန်းဖေ၊ ခေါင်းကြီး ဦးထွန်းဖေ၊ ထွန်းနေ့စဉ် ဦးထွန်းဖေ စတဲ့ နာမည်တွေနဲ့ ထင်ရှားခဲ့သူပါ။

ဦးထွန်းဖေဟာ ခေသူတော့ မဟုတ်ပေဘူး။ ၁၉၂၀ တက္ကသိုလ် သပိတ်ကြီးမှာ ကျောင်းသားခေါင်ဆောင် တစ်ယောက် ဖြစ်ခဲ့တယ်။ နောက် သူရိယ သတင်းစာမှာ သတင်းထောက်၊ အယ်ဒီတာ ဖြစ်တယ်။ ၁၉၄၇ ခု ဗိုလ်ချုပ်အောင်ဆန်း သက်ရှိထင်ရှား အချိန် တိုင်းပြုပြည်ပြု လွှတ်တော်မှာ လေးမျက်နှာ မဲဆန္ဒနယ်က ဖဆပလ အမတ် ဖြစ်ခဲ့ပြီး ပြည်ထောင်စု မြန်မာနိုင်ငံ ဖွဲ့စည်း အုပ်ချုပ်ပုံ အခြေခံဥပဒေ ရေးဆွဲရေး ၇၅ ဦး ကော်မတီ အဖွဲ့ဝင်အဖြစ် တာဝန်ယူခဲ့သူ ဖြစ်တယ်။

တိုင်းပြုပြည်ပြု လွှတ်တော်ကနေ ပါလီမန် အဆင့် ပြောင်းလဲတဲ့ ၁၉၅၂ ခု အထွေထွေ ရွေးကောက်ပွဲကျတော့ ဝက်လက် မဲဆန္ဒ နယ်ကနေ ပါလီမန် အမတ် ဖြစ်ခဲ့ပြန်ပါတယ်။ အဲသည် ကာလအတွင်း ၁၉၄၈ စက်တင်ဘာလမှ ၁၉၅၃ ခု သြဂုတ်လ အထိ ဦးနုရဲ့ ကက်ဘိနက် (အစိုးရ) အဖွဲ့မှာ ဝန်ကြီးတစ်ဦး ဖြစ်ခဲ့ပါတယ်။
ဘဝရှင် မင်းတရားကြီး

ဦးနုအပေါ် မကျေနပ်တာတွေ များလာလို့ ၁၉၅၃ ခု သြဂုတ်လမှာ ဦးထွန်းဖေဟာ ဝန်ကြီးရာထူးက နုတ်ထွက်လိုက်တယ်။ ပြီးတော့ "ပါလီမန် ဒီမိုကရေစီကို ရိုသေလေးစားရိုး မှန်လျှင် ဦးနုရာထူးက နုတ်ထွက်ဖို့ သင့်ပြီ" ဆိုတဲ့ စာစောင်တစ်ခု မြန်မာ-အင်္ဂလိပ် နှစ်ဘာသာနဲ့ ရေးသား ထုတ်ဝေခဲ့တယ်ဗျာ။ ဦးနုကို ဘဝရှင် မင်းတရားကြီးလို့ ဦးထွန်းဖေက နာမည်ပေး ခဲ့တာ ရာဇဝင်တွင်ရောဗျ။ (ဘဝရှင် မင်းတရားကြီးလို့ ပြောတာက ရှင်ဘုရင်စိတ် ပေါက်ပြီး အာဏာရှင် ဆန်လာတယ် လို့ ဆိုလိုတာပါ။)

ဝန်ကြီးရာထူးကို စွန့်ပြီးခဲ့တဲ့နောက် ဦးထွန်းဖေဟာ နေ့စဉ် သတင်းစာ တစ်စောင် ထုတ်ဝေတယ်။ မိမိနာမည်ထဲက 'ထွန်း' ကိုယူပြီး 'ထွန်းနေ့စဉ်' သတင်းစာလို့ နာမည်ပေးတာဗျ။ ကိုယ့်ကိုယ်ကိုယ် ယုံကြည်မှု အပြည့်ရှိသူ ဆိုတာ သတင်းစာ နာမည် ယူပုံကပဲ ပေါ်လွင် နေတယ်ဗျာ။

ထွန်းနေ့စဉ် သတင်းစာကနေ ပမညတခေါ် ပြည်ထောင်စု မြန်မာနိုင်ငံ အမျိုးသား ညီညွတ်ရေး တပ်ပေါင်းစု ဆိုတဲ့ နိုင်ငံရေး တပ်ဦးထူထောင်ဖို့အားပေးလှုံ့ဆော်ခဲ့တယ်။ ပမညတ ပေါ်လာတော့လည်း အင်တိုက်အားတိုက် အားပေးတယ်။ ဒီမိုကရေစီ နိုင်ငံရဲ့ အင်္ဂါရပ် တစ်ခု ဖြစ်တဲ့ အတိုက်အခံ နိုင်ငံရေး အင်အားစု ပေါ်ထွန်းလာခြင်းကို ဦးထွန်းဖေက ကြိုဆို ထောက်ခံ ခဲ့တယ်ဗျ။

သို့ပေမယ့် တည်မြဲနဲ့ သန့်ရှင်းဆိုပြီး ဖဆပလ အဖွဲ့ကြီး နှစ်ခြမ်းကွဲတော့ ပမညတက သန့်ရှင်း(ဦးနု)ကို ထောက်ခံ လိုက်တဲ့ အခါ ဦးထွန်းဖေဟာ ပမညတကိုပါ ဝေဖန် တိုက်ခိုက် တော့တယ်ဗျာ။ (သူအလွန် မကျေနပ်တဲ့ ဦးနုကို ထောက်ခံရ မလား ဆိုတဲ့ အစွဲနဲ့ ပမညတကိုပါ ရန်သူစာရင်း သွင်းလိုက်တာလို့ ကျွန်တော် ကောက်ချက် ချခဲ့ဖူးတယ်။ ကျွန်တော့် ကောက်ချက် မှားတယ်)။ အဲသည်နောက် ဦးနုရဲ့ ၃ လ ၁၇ ရက်သာ သက်တမ်းရှည်တဲ့ သန့်ရှင်း ဖဆပလ အစိုးရက ဗိုလ်ချုပ်နေဝင်းကို အာဏာ လွှဲပေးရတယ်။ အိမ့်စောင့်အစိုးရ ဆိုတာ ပေါ်ပေါက်လာတယ်။ ၁၉၆၀ ပြည့်နှစ် အထွေထွေ ရွေးကောက်ပွဲ ကျင်းပ တော့ ဦးထွန်းဖေဟာ ဦးနုအဖွဲ့ကို ဆန့်ကျင်၊ တည်မြဲ ဖဆပလကိုလည်း လက်မခံ၊ ပမညတ နဲ့လည်း သဘော ကွဲလွဲတဲ့ အလျောက် အားလုံးကို တိုက်ခိုက် ထိုးနှက်ဝေဖန်တော့တာပဲဗျ။

တတိယ အင်အားစု ပေါ်လာဖို့တဲ့

တည်ရှိနေဆဲ နိုင်ငံရေး သမားတွေကို စိတ်တိုင်းမကျ ဖြစ်ရာက တတိယ အင်အားစု ပေါ်လာဖို့ လိုပြီဆိုတဲ့ လှုံ့ဆော်ချက်ကို ထွန်းနေ့စဉ် သတင်းစာကနေ ရေးသားတယ်။ ရွေးကောက်ပွဲမှာ ဦးနု အဖွဲ့နိုင်ပြီး အစိုးရ ဖြစ်လာတော့ သဘောကွဲလွဲတဲ့ အတိုက်အခံ (တည်မြဲ) တွေနဲ့ အာဃာတ မထားရေး၊ သင်ပုန်းချေရေး ကြိုးစားတာကိုလည်း သူတို့တစ်တွေ ဝေမစားကြရမှာ စိုးလို့ တိုင်းပြည်ကို စော်ကား နေတာလို့ စွပ်စွဲပြန်တယ်ဗျ။

ဦးထွန်းဖေရဲ့ အရေးအသားတွေ လွန်ကျွံလာလို့ ဦးနု အစိုးရက ပုဒ်မ ၅နဲ့ ဦးထွန်းဖေကို ဖမ်းတယ်။ ထွန်းနေ့စဉ် သတင်းစာ ကိုလည်း အာမခံငွေ တစ်သောင်းတောင်းတယ်။ အာမခံငွေ မပေးနိုင်လို့ သတင်းစာတိုက်ကို ပိတ်လိုက်ရတယ်ဗျာ။ သို့ပေမယ့် ထောင်ထဲ နှစ်လတောင် မကြာပါဘူး ပြန်လွတ်ခဲ့ပါတယ်။ ဦးထွန်းဖေ ပြန်လွတ်ပြီး သုံးလအကြာ ၁၉၆၂ခု မတ်လ ၂ ရက်နေ့မှာ ဗိုလ်ချုပ် နေ၀င်းက အာဏာသိမ်းကာ တော်လှန်ရေး ကောင်စီ ဆိုတာ ပေါ်လာပါတယ်။ ဦးထွန်းဖေ တောင့်တတဲ့ တတိယ အင်အားစု ဆိုတာ ဒါပဲလားလို့ ပြောစရာ ဖြစ်ခဲ့တယ်ဗျာ။

ဦးထွန်းဖေက ထောင်က လွတ်တော့ သတင်းစာ ပြန်ထုတ်တယ်။ ဗိုလ်ချုပ်နေ၀င်း အာဏာသိမ်းပြီး ရက်ပိုင်း အကြာမှာ ထွန်းနေ့စဉ် သတင်းစာမှာ "အဘယ်ကြောင့် ပါလီမန် ဒီမိုကရေစီ ကျဆုံးရသလဲ" ခေါင်းစဉ်နဲ့ အခန်းဆက် ဆောင်းပါး တွေရေးတယ်။ ၁၉၆၂ မတ်လ ၁၅ ရက်ကနေ မေလ ၁၁ ရက်အထိ ရေးခဲ့တဲ့ ဆောင်းပါးတွေကို ပေါင်းချုပ်စာအုပ် ထုတ်ခဲ့ပါ တယ်။
ရာထူးဝန်အဖွဲ့ ဥက္ကဋ္ဌ အဖြစ်သို့

တော်လှန်ရေးကောင်စီ အစိုးရခေတ်မှာ ဆရာကြီး ထွန်းနေ့စဉ် ဦးထွန်းဖေဟာ ရာထူးဝန်အဖွဲ့ ဥက္ကဋ္ဌကြီး ဖြစ်သွားတယ်ဗျ။ (ဒီနေ့ ခေတ်မှာတော့ ၀န်ထမ်းရွေးချယ် လေ့ကျင့်ရေး အဖွဲ့လို့ ခေါ်ပါလိမ့်မယ်) ဗိုလ်ချုပ်နေ၀င်းဟာ ပထစဟောင်း၊ တည်မြဲဟောင်း နိုင်ငံရေး သမားတွေထဲက မိမိကို ထောက်ခံလာသူ တွေနဲ့ တစ်ချိန် တစ်ခါက နိုင်ငံရေး ဘက်လိုက်မှုနဲ့ အရေးယူ ခံခဲ့ရတဲ့ တပ်မတော် အရာရှိဟောင်းကြီး တွေကို သံအမတ်ကြီး ရာထူးတွေ ပေးတယ်။ ပမညတ ဟောင်းတွေ အပါအ၀င် လက်ဝဲဟောင်းတွေ ကိုလည်း သင့်ရာတော်ရာ ဒုတိယတန်းစား ရာထူးတွေ ပေးတယ်။

လုပ်သားပြည်သူ့နေ့စဉ်သတင်းစာမှာ ကျွန်တော်နဲ့ ဆုံစည်းခဲ့ကြတဲ့ သတင်းထောက်ဈာန်ရခေါ် ပီဂျီစိုးမင်းနဲ့ သတင်းထောက်ချုပ် ဦးစိန်အေးတို့ဟာ ထွန်းနေ့စဉ် ကျောင်းထွက်တွေ ဖြစ်လို့ သူတို့နဲ့ ပတ်သက်ပြီး ဆရာကြီး ဦးထွန်းဖေဆီကို ကျွန်တော် ရောက်ဖူး၊ တွေ့ဖူး၊ စကားပြောဖူးတယ်။ အင်မတန် ခင်မင်ချင်စရာ ကောင်းပါတယ်။ အသိပညာ၊ ဗဟုသုတလည်း အလွန် ပြည့်စုံပါတယ်။ ကျွန်တော်တို့ မှတ်သားစရာ ဆုံးမစကား တွေလည်း ပြောလေ့ ရှိပါတယ်။ သို့ပေမယ့် ဆရာကြီး အပေါ်မှာ ကျွန်တော် နွေးထွေးတဲ့ ခံစားချက် မဖြစ်ပေါ်
ခဲ့ပါဘူး။ ကျွန်တော့် ရင်ထဲ တစ်ခုခု တင်းခံနေ သလိုကြီး ဖြစ်နေတယ်။

အဲသည် ကာလတစ်ဝိုက်မှာပဲ ဆရာအိုးဝေ ဦးညိုမြနဲ့ ကျွန်တော် ဆုံမိတယ်။ အသက်အရွယ်လည်း ကွာ၊ ၀ါလည်း ကွာခြား လှပေမယ့် ငယ်ဆရာ တစ်ယောက်လို ကျွန်တော် ခံစား လိုက်ရတယ်။ ရင်းရင်းနှီးနှီး ဖြစ်သွားတယ်။ ဆိပ်ကမ်းသာလမ်းက ဆရာ့ အိမ်ကို ကျွန်တော် ခဏခဏ သွားလည်တယ်။ ဆရာ တုံးလုံးလှဲနေတဲ့ ခုတင်ဘေးမှာ ထိုင်ပြီး ရောက်တတ်ရာရာ စကားတွေ ပြောတယ်။ ဆရာ သောက်နေတဲ့ ထမင်းရည်ခွက် ကိုတောင် တောင်း သောက်ရဲတယ်။ ဆရာ့ကို ခေါ်ပြီး ပဲခူးကနတ်ပွဲတွေကို လေ့လာရေး ခရီးထွက်ကြတယ်။ ဆရာဦးညိုမြ ယမကာ မှီဝဲရင် ဘေးက ထိုင်ပြီး ၀တ်ဖြည့်ပေးတယ်။ ဆရာကြီး ဦးထွန်းဖေအပေါ် ဆက်ဆံရေးဟာ အဲသလို နွေးထွေးမှု မရှိခဲ့ပါဘူး။
တကယ်ဖတ်ဖြစ်ခဲ့ပါပြီ

ဆရာကြီး ဦးထွန်းဖေ ကတော့ အဲဒီတုန်းက အသက် ၂၀ ကျော်ရုံပဲ ရှိသေးတဲ့ ကျွန်တော့်ကို ဖော်ဖော်ရွေရွေ ဆက်ဆံပြီး လှိုက်လှိုက်လှဲလှဲ အားပေးတယ်။ သတင်းစာ လောကမှာ တက္ကသိုလ် ကျောင်းထွက် ပညာတတ်က လေးတွေ ဝင်လာတာကို ကြိုဆိုတဲ့ အကြောင်း၊ သူတို့ခေတ် တုန်းကတော့ သတင်းစာ ပညာဆိုတာ တုံးပေကတ်သတ် တက္ကသိုလ်လို့ သူခေါ်ခဲ့သ လို သတင်းစာ စက္ကူပုံပေါ်မှာ အိပ်ပြီး ဆင်းရဲ ပင်ပန်းခံ သင်ယူခဲ့ရတဲ့ အကြောင်းတွေ ပြေပြပါတယ်။

ကျွန်တော်ကတော့ ၁၉၆၂ ခုနှစ်က ဆရာကြီးရေးခဲ့တဲ့ "အဘယ်ကြောင့် ပါလီမန်ဒီမိုကရေစီ ကျဆုံးရသလဲ" ဆောင်းပါး တွေကို အစပိုင်း ကလေးလောက်ဖတ်ပြီး အရပ်သား နိုင်ငံရေး သမားတွေရဲ့ အားနည်းချက်တွေကို တစ်ဖတ်သတ်ဖော်ထုတ် နေတာ၊ သူ့အတွက် စားပေါက်ချောင်အောင် ရေးနေတာတွေ ဆိုတဲ့ အစွဲဟောင်းနဲ့ပဲ ဆရာကြီး ဦးထွန်းဖေကို ကန်တန်တန် သဘောထားမိ ခဲ့တယ်ဗျာ။

ဝန်ခံရမယ် ဆိုရင် ဆရာကြီး ဦးထွန်းဖေရဲ့ "အဘယ်ကြောင့် ပါလီမန် ဒီမိုကရေစီ ကျဆုံးရသလဲ" စာအုပ်ကို နှစ်ပေါင်း ၄၀ ကျော် ကြာမှ (တကယ်) ဖတ်ဖြစ်ခဲ့ပါတယ်။ ပြီးခဲ့တဲ့ ၂၄ စက်တင်ဘာ ၂၀၀၉ နေ့က နှင်းဆီကုန်း ဘိုးဘွားရိပ်သာမှာ ဆရာမောင်စူးစမ်း ၈၂ နှစ် ပြည့် မွေးနေ့ပွဲကို သွားတော့ တော်ဝင်နှင်းဆီ ဦးစိုးညွှန့်နဲ့ တွေ့တယ်။ သူက ကျွန်တော့်ကို အဲဒီစာအုပ် ပေးလိုက်ပါတယ်။ သည်ပွဲမှာ ကျွန်တော်နဲ့ တွေ့မယ်ဆိုတာ သိလို့ အသင့်ယူလာခဲ့တာပါတဲ့။ ကျွန်တော် မြန်မာ့ နိုင်ငံရေး လေ့လာချက်တွေ ရေးနေတာမှာ အထောက်အကူ ဖြစ်နိုင်တယ်လို့ ပြောပါတယ်။ တော်ဝင် နှင်းဆီကြီးကို ကျေးဇူးတင်ကြောင်း အထပ်ထပ် ပြောပြီး စာအုပ်ကို ယူလာခဲ့ပါတယ်။ သည်အချိန်မှာတော့ ဆရာကြီး ဦးထွန်းဖေ အပေါ် ကျွန်တော် အရင်က သဘောထားမျိုး မရှိတော့ပါ။ ဒါကြောင့် ကြည်လင်တဲ့ စိတ်နဲ့ ဖတ်ဖြစ်ပါတယ်။

"အဘယ်ကြောင့် ပါလီမန် ဒီမိုကရေစီ ကျဆုံးရသလဲ" စာအုပ်ကို တကယ် ဖတ်ပြီးချိန်မှာ ပထမဆုံး စဉ်းစားမိတာ ကတော့ ကျွန်တော်တို့ခေတ်၊ ပြီးတော့ ကျွန်တော်တို့ရဲ့ နောက်မျိုးဆက် ခေတ်မှာ ဆရာကြီး ဦးထွန်းဖေတို့လို နိုင်ငံရေး ဝေဖန်ချက်များ ပီပီ ပြင်ပြင် ရေးနိုင်တဲ့ စာနယ်ဇင်း သမားတွေ ပေါ်လာနိုင်ပါ့ မလား ဆိုတာပါပဲဗျာ။ သည်လို ဝေဖန် သုံးသပ် ချက် မျိုးတွေဟာ နိုင်ငံရေးကို ထဲထဲဝင်ဝင် သိမှ၊ ပြီးတော့ စူးရှတဲ့ ဝေဖန်ရေး အမြင်လည်း ရှိမှ ရေးလို့ ရနိုင်တာ ကလား။ နောင် ကြုံတဲ့အခါ ဆက်ရေးပါဦးမယ်။

~ မောင်ဝံသ

27 Nov 2009

Sharing: ရှေးကထင်ရှားတဲ့ ဘုရင်တွေလို ဖြစ်ချင်တာပေါ့

ဗြိတိန်နိုင်ငံအခြေစိုက် လူ့အခွင့်အရေးအဖွဲ့ Christian Solidarity Worldwide (CSW) ၏ ဒုတိယ ဥက္ကဌ Benedict Rogers ပြုစုရေးသားသော မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေ အတ္ထုပ္ပတ္တိ အကြောင်း Than Shwe: Unmasking Burma's Tyrant အမည်ရှိ စာအုပ်နှင့်ပတ်သက်ပြီး ဧရာဝတီ သတင်းထောက် ဇာနည်မာန်က Benedict Rogers အား ဆက်သွယ်မေးမြန်းထားသည်များကို တစ်ဆင့် ပြန်လည်မျှဝေလိုက်ပါတယ်။

မေး။ ။ ဗိုလ်ချုပ်မှူးကြီး သန်းရွှေရဲ့ အတ္ထုပ္ပတ္တိ အကြောင်းကို ရေးဖြစ်တဲ့ အကြောင်းလေး သိပါရစေ။

ဖြေ။ ။ US Campaign for Burma က Jeremy Woodrum နဲ့အတူ ရေးတာပါ။ ကမ္ဘာတ၀န်းက အခြားသော အာဏာရှင် တွေဖြစ်တဲ့ ကင်မ်ဂျုံအီးလ်၊ ဆာဒန် ဟူစိန်၊ မူဂါဘီ စတဲ့သူတွေရဲ့ ကိုယ်ရေး အတ္ထုပ္ပတ္တိ တွေက ရှိပေမယ့် မြန်မာပြည်က ဗိုလ်ချုပ်မှူးကြီး သန်းရွှေအကြောင်းကကျတော့ မရှိသေးတာနဲ့ ကျနော်တို့ နှစ်ယောက်က အဲ့ဒါကို ရေးဖို့ စိတ်ကူးရမိတာပါ။ အာဏာရှင်တွေရဲ့အကြောင်းကို ဖော်ပြတာဟာလည်း အဲ့ဒီသူတို့ အုပ်ချုပ်နေတဲ့ တိုင်းပြည်မှာ ဘယ် လိုတွေဖြစ်နေတယ် ဆိုတာကို ပြောပြတဲ့ နည်းလမ်းကောင်းတခုပဲလို့လည်း မြင်တယ်လေ။ အဲ့ဒါကြောင့် ကျနော်တို့က ဗိုလ်ချုပ်မှူးကြီး သန်းရွှေရဲ့ အကြောင်းကိုတော့ဖြင့် ကမ္ဘာကို သိစေချင်တယ်၊ နောက်ပြီးတော့ သူအုပ်ချုပ်နေတဲ့ မြန်မာပြည်မှာ ဘာတွေဖြစ်နေတယ် ဆိုတာကိုလည်း သိစေချင်တယ်လေ။

မေး။ ။ စာနယ်ဇင်း လွတ်လပ်ခွင့် မရှိတဲ့ အခြေအနေမှာ သူ့အကြောင်းကို ရေးတာဆိုတော့ အချက်အလက်တွေ ဘယ်လို ရယူ စုဆောင်းခဲ့ပါသလဲ။

ဖြေ။ ။ အခက်အခဲတွေတော့ တော်တော်များများတွေ့ရပါတယ်။ ပထမဆုံးကတော့ သူ့အကြောင်း တိကျတဲ့ အချက် အလက်တွေ စုစည်းတဲ့အခါမှာပေါ့။ သူနဲ့တိုက်ရိုက်ထိတွေ့ခွင့် မရနိုင်တဲ့အပြင် သူနဲ့ နီးစပ်တဲ့သူတွေနဲ့တောင် မေးမြန်း ထိတွေ့ဖို့ဆိုတာက ကျနော်တို့အဖို့ အတော်လေးကို ခဲယဉ်းပါတယ်။ နောက်တခုကတော့ ကျနော်ရော Jeremy ပါ မြန်မာလို မပြောတတ်တော့ မြန်မာလို ရေးထားတဲ့ ရှိနေတဲ့ အကြောင်းချက်လက်တွေကို လေ့လာဖို့မှာ အတော်အခက်ခဲ တွေ့ခဲ့ရပါတယ်။ ဒါပေမယ့် ကျနော်တို့အနေနဲ့ ဗိုလ်ချုပ်သန်းရွှေအကြောင်းကို သိတဲ့သူပေ့ါ၊ သူနဲ့ ဆက်ဆံမှုရှိခဲ့ဖူးတဲ့၊ စစ်တပ်ကနေ ထွက်လာတဲ့ လူတယောက်ဆီကနေ အချက်အလက်တချို့ ရခဲ့ပါတယ်။ နောက်ပြီးတော့ သူနဲ့ ထိတွေ့ ဆက်ဆံဖူးတဲ့ သံတမန်တွေဆီကနေလည်း အချက်တချို့ရခဲ့တယ်။ ဗိုလ်ချုပ်မှူးကြီး သန်းရွှေနဲ့ တိုက်ရိုကကြီးတော့ မထိတွေ့ရပေမယ့်၊ အခက်အခဲတွေရှိပေမယ့် ဒီလို သွယ်ဝိုက်တဲ့နည်းတွေနဲ့ လိုအပ်တဲ့ အချက်အလက်တွေ အတော် စုဆောင်းရခဲ့ပါတယ်။

မေး။ ။ အခုလို ဗိုလ်ချုပ်မှူးကြီး သန်းရွှေအကြောင်းရေးတော့ အဲ့ဒီ စာအုပ်ဟာ မြန်မာ့အရေးကို ဘယ်လိုများ အထောက် အကူပြုမလဲ။

ဖြေ။ ။ အများကြီး အထောက်အကူဖြစ်လိမ့်မယ်လို့ ကျနော်ကတော့ မျှော်လင့်ပါတယ်။ ဒီစာအုပ်ရဲ့ရည်ရွယ်ချက်ကတော့ လက်ရှိမြန်မာကို အုပ်ချုပ်နေသူတွေရဲ့ သဘောသဘာဝကို မီးမောင်းထိုးဖော်ပြပြီး အခုဖြစ်နေတဲ့ အခြေအနေကို ပြောပြတာပါပဲ။ ဗိုလ်ချုပ်မှူးကြီး သန်းရွှေဟာ ဘယ်လိုလူစားမျိုးဖြစ်တယ်၊ သူ့နဲ့အတူ စစ်ခေါင်းဆောင်တွေဟာ ဘယ်လိုပုံမျိုး တိုင်းပြည်ကို အုပ်ချုပ်တယ်ဆိုတာကို ပေါ်လွင်သွားပြီး ကမ္ဘာမှာ နိုင်ငံတကာမှာ သူ့အကြောင်းကို သိပြီး သတိချပ်စရာတွေ တွေ့လာမယ်။ ဒီလိုဆိုရင် ဒါဟာ မြန်မာ့ဒီမိုကရေစီရေးအပေါ် တနည်းတဖုံ အထောက်အကူဖြစ်ပါလိမ့်မယ်။

မေး။ ။ သူ့အကြောင်းကို အခုလိုရေးတဲ့အခါ ခင်များတွေ့လိုက်ရတဲ့ သူဟာ ဘယ်လိုလူစားမျိုးလို့ ပြောနိုင်မလဲ။

ဖြေ။ ။ ကျနော့်အမြင်ကတော့ သူဟာ သူများတွေထင်တာထက် အတော်လေးကို ဉာဏ်ထက်တဲ့သူပါပဲ။ သူဟာ အခုလို နေရာ၊ အထက်ကိုရောက်လာခဲ့တာကိုကြည့်ရင် သူဟာ အရည်အချင်းရှိတဲ့သူတယောက်လို့လည်း ပြောလို့ရပါတယ်။ စစ်တပ်ထဲမှာ သူ့လူတွေကို စီမံခန့်ခွဲတာ၊ နေရာချထားတာ၊ အာဏာခွဲဝေပေးတာတွေ၊ နောက်ပြီးတော့ သူ့ပြိုင်ဘက်၊ သူ့ကို အတိုက်အခံလုပ်တဲ့သူတွေအပေါ် တုံ့ပြန်တာ ဆက်ဆံတာတွေကိုကြည့်ရင်လည်း သူဟာ အတော်ကို အတွေ့အကြုံ ရင့်ကျက်ပြီး နည်းဗျူဟာ၊ ပရိယာယ်ဆင်တာတွေမှာ ကျွမ်းကျင်တာကိုတွေ့ရတယ်။ နောက်ပြီးတော့ စိတ်ဓာတ်ရေးရာ အပိုင်း၊ စိတ်ဓာတ်စစ်ဆင်ရေးမှာလည်းပဲ သူဟာ သေချာလေ့ကျင့်ထားခြင်းခံရသူတယောက်ဖြစ်တယ်။

အဲဒီစိတ်ဓာတ်ပိုင်းကိုလည်း သူက သေချာအသုံးချတာကို တွေ့ရတယ်။ ရှင်းလင်းမြင်သာတာကတော့ သူဟာ တချို့သော နေရာတွေမှာ ငြီးငွေ့စိတ်ကုန်စရာကောင်းတဲ့ သူတယောက်ပေါ့ဗျာ။ ဒါပေမယ့် သူ့ရဲ့ အဲ့ဒီလိုပုံစံဟာ တဘက်မှာလည်း သူဟာ လျို့ဝှက်တဲ့ သူတယောက်ဖြစ်စေတယ်ဗျ။ သူဟာ အခုလို နေရာ မရောက်လာခင်အထိ သူ့မှာ ဘယ်လိုအရည်အချင်း တွေရှိတယ်၊ ဘယ်လိုရည်ရွယ်ချက်တွေ ရှိတယ်ဆိုတာမျိုးကို မဖော်ပြဘဲထားတတ်တာက သူအခုလို အောင်မြင်တဲ့သူ တယောက် ဖြစ်လာစေတဲ့ လျို့ဝှက်ချက်လို့ ပြောရမယ်ပေါ့ဗျာ။ သူ့အထက်က လူကြီးတွေက သူ့ကို သတိထားမိတာမျိုး၊ အထက်ကလူတွေအပေါ် အန္တရာယ်ရှိမယ့်ပုံမျိုး မပေါက်တော့ သူဟာ နေရာတွေရလာပြီး အထက်ပိုင်းကို ရောက်လာ တာပေါ့ဗျာ။

သူနဲ့နီးစပ်တဲ့ သူတော်တော်များများရဲ့ ပြောပြချက်အရ ဟိုးအရင်တုန်းကတော့ သူဟာ တကယ့်ကိုသာမန်နေထိုင်မှု စရိုက်နဲ့ပဲ ရှိခဲ့တယ်။ အခုလိုမျိုး အာဏာတပ်မက်မှုကြောင့် စာရိတ္တခြစားတဲ့ သူမဟုတ်ဘူးပေါ့။ ကျနော့်အမြင်ကတော့ အခုအချိန်မှာတော့ သူဟာ ရထားတဲ့ အာဏာကို တည်မြဲဖို့၊ သူ့မိသားစု၊ သူ့ပိုင်ဆိုင်မှုတွေကို ကာကွယ်ဖို့ပဲ လုပ်နေတဲ့သူ တယောက်ပေါ့။ နောက်တခုကလည်း ရှေးက ထင်ရှားခဲ့တဲ့ ဘုရင်တွေလို ဖြစ်ချင်တာပေ့ါ။ ဒါကြောင့်လည်း နေပြည်တော် ဆိုပြီးလုပ်တယ်။ ထင်ရှားတဲ့ ဘုရင်သုံးပါးရဲ့ ရုပ်တုကြီးတွေလုပ်ထားတယ်။ သူ့ရဲ့အနေအထားကတော့ စိတ်ဝင်စားစရာ ရောထွေးနေတာပေါ့လေ။ တဘက်မှာ ငြီးငွေ့ စိတ်ကုန်စရာကောင်းသလို တဘက်မှာကျတော့လည်း ရှေးဘုရင်စနစ်တွေ၊ ဗေဒင်လက္ခဏာတွေရဲ့စိတ်ဓာတ်ရေးရာအရ လွှမ်းမိုးမှုတွေ ရှိနေတာပေါ့လေ။

မေး။ ။ ဒီစာအုပ်ရေးရင်း၊ ဗိုလ်ချုပ်မှူးကြီးသန်းရွှေအကြောင်း အချက်အလက်တွေစုဆောင်းရင်း တွေ့ကြုံရတဲ့ အမှတ်တရလေးတွေ ရှိရင် ပြောပြပေးပါလား။

ဖြေ။ ။ ရှိတယ်ဗျ။ ရယ်စရာလို့ပဲ ပြောရမလားတော့ မသိဘူးပေါ့။ ကျနော်တို့ သူ့အကြောင်း စုဆောင်းတုန်းမှာ သိရတာ တခုပေါ့ဗျာ။ ကျနော့်ကို တယောက်က ပြောပြတာပေါ့ဗျာ။ တနေ့ သူတို့ မိသားစု ဈေးဝယ်သွားတဲ့ အခါမှာ စတိုးဆိုင်တခု မှာ မီးစက်တခုကို သွားတွေ့တယ်ပေါ့။ အဲ့ဒီမီးစက်ကို သူက သဘောကျတော့ သူ့အိမ်ကို ပို့ခိုင်းတယ်ဆိုတာမျိုးပေါ့ဗျာ။ ကျနော့်အတွက်ကတော့ ဒီလုပ်ရပ်ဟာ အတော်လေးကို အဓိပ္ပာယ်မရှိဘူးပေါ့ဗျာ။ သူ့အနေနဲ့ ဒီမီးစက်ကို အလွယ်တကူ ၀ယ်လို့ရတယ် မဟုတ်လား။ သနားစရာ ဆိုင်ရှင်ကတော့ သူ့မီးစက်လေး ဆုံးရှုံးသွားရတာပေါ့ဗျာ။ အဲ့ဒီလိုမျိုး ဇာတ်လမ်းလေးတွေ အများကြီးဗျ။ နောက်တခုက သူမေမြို့မှာ ရှိနေတုန်းက သူစားချင်တဲ့ ကိတ်မုန့်ပေါ့ဗျာ။ အဲ့ဒါကို ညကြီး သူ့လူ တွေကို လိုက်ရှာခိုင်းတာမှာ မေမြို့မှာ သူ့လူတွေက ရှာမတွေ့ဘူးဗျ။ အဲ့ဒါနဲ့ မန္တလေးကိုဆင်းပြီး ဆိုင်ရှင်ကိုနှိုးပြီးတော့ အဲ့ဒီကိတ်ကို ချက်ခြင်းလုပ်ခိုင်း၊ ပြီးတော့ ညတွင်းချင်းကြီး မေမြို့ကို ပြန်သယ်သွားရတယ်ဆိုတာမျိုးလေးတွေပေါ့။ ဒါက ကျနော်တို့အတွက်က ရယ်စရာလေးဖြစ်နေတာပေါ့ဗျာ။

မေး။ ။ ဒီစာအုပ် ဘယ်တော့လောက် ထွက်မှာပါလဲ။

ဖြေ။ ။ အခုဆို ဒီစာအုပ်က ပုံနှိပ်နေတဲ့ အဆင့်ကို ရောက်သွားပါပြီ။ ဘယ်အချိန်လောက် ထုတ်မယ်ဆိုတာကတော့ ထုတ်ဝေသူပေါ်မူတည်တာပေါ့။ ၂၀၁၀ နှစ်ဦးပိုင်းလောက်တော့ ထွက်လာမယ်လို့ မျှော်လင့်ထားတယ်။ ကျနော်တို့ကတော့ ဒီစာအုပ်ကို ၂၀၁၀ ရွေးကောက်ပွဲ မတိုင်ခင် ထုတ်ဖို့ပေါ့။ ၂၀၁၀ ရွေးကောက်ပွဲပြီးသွားရင် သူဟာ ဘယ်လိုအခြေအနေ ဖြစ်သွားမယ်ဆိုတာ မသိနိုင်ဘူးလေ။ တခုခုပြောင်းလဲသွားရင် လူတွေစိတ်ဝင်စားမှု နည်းသွားမယ်ပေါ့။ မဟုတ်ဘူးလား။ ကျနော်ကတော့ တတ်နိုင်သမျှ အမြန်ဆုံး ထွက်စေချင်ပြီ။

... ??? ...

ဒီအင်တာဗျူးမေးမြန်းချက်တွေကို ဖတ်ပြီးမှာတော့ ကျွန်တော့်စိတ်ထဲမှာဖြစ်နေတာက ... ဗိုလ်ချုပ်မှုးကြီး သန်းရွှေဟာ ရှေးကဘုရင်တွေလို ဖြစ်ချင်သလို အခုခေတ်လူတွေလည်း နိုင်ငံရေးနှင့်ပက်သက်ပြီး စီးပွားရေး အမြတ်ထုတ်မှု ကင်းရှင်းကြပါစေလို့ ဆုတောင်းနေမိပါတော့တယ်။

Free Blogger Template: ProPress


မိမိအသုံးပြုနေတဲ့ Blogger Template ကို အရေခွံလဲဖို့ စဉ်းစားနေတဲ့ Blogger များအတွက် ProPress ဆိုတဲ့ Template ကို ပြောင်းလဲသုံးကြည့်ဖို့ အကြံပေးပါရစေ။ အထက်ပါ ပုံမှာမြင်တဲ့အတိုင်း ရိုးရှင်းပြီး ဆွဲဆောင်မှုရှိတဲ့ Template တစ်ခုဖြစ်ပါတယ်။ WigetsForFree ကနေ ပထမဆုံး ထုတ်လုပ်လိုက်တဲ့ Blogger Template ဖြစ်ပြီး TheBlogTemplates.com မှာ Download ရယူနိုင်ပါတယ်။

Sittin On Tha Toilet


တော်တော်လေး ရီရတဲ့ Video Clip တစ်ခုပါ။ အိမ်သာတက်နေရင်း ဟာသလုပ်ပြီး လျောက်ဆိုထားတာဖြစ်ပါတယ်။ ဆိုတော့ ... ရှူရင်းဆို ... ဆိုရင်းရှူနေရတဲ့ သဘောပေါ့ :P တစ်ချို့လူတွေကလည်း ဟာသတွေကို ကြံကြံဖန်ဖန်လုပ်ကြတယ်။ Video တင်ထားတဲ့သူနဲ့ video ထဲမှာပါတဲ့သူက သူငယ်ချင်းတွေပါ။ Video တင်ထားတဲ့ ပိုင်ရှင်ကတော့ ဒီဗွီဒီယိုမှာပါတဲ့သူက သူ့ပုံကို ခွင့်ပြုချက်မရဘဲ MySpace ပေါ်မှာတင်လိုက်တဲ့အတွက် အခုပြန်ပြီး လက်စားချေထားတယ်လို့ဆိုပါတယ်။ ကဲ .. အဲဒီတော့ ... တစ်အိမ်ထဲမှာ သူငယ်ချင်းတွေ စုနေကြတယ်ဆိုရင် သတိထားကြနော် ... အိမ်သာတက်နေတဲ့ပုံကြီး အွန်လိုင်းရောက်သွားရင်တော့ +_*&^%$ ... :P ဟတ်ဟတ်

စကားမစပ် ... အိမ်သာတက်ရင်း မီးပျက်တဲ့ ဒုက္ခ၊ အိမ်သာတက်ပြီးမှ ရေမလာတဲ့ ဒုက္ခ၊ အိမ်သာတက်ပြီး တစ်ရှူးကုန်/မရှိတော့တဲ့ ဒုက္ခ ကြုံဖူးလား ? ကြုံဖူးရင်တော့ ဘယ်လိုဖြေရှင်းခဲ့လဲ ... ဟိဟိ .. Just curious :)

26 Nov 2009

Watch The Twilight Saga: New Moon (2009) Movie Online


Watch Full Movie Now

New Moon (also known as The Twilight Saga: New Moon) is an upcoming romantic-fantasy film scheduled for release on November 20, 2009. It is based on the novel of the same name by Stephenie Meyer and is the sequel to 2008's Twilight, which is based on Meyer's previous novel. Directed by Chris Weitz, the film will star Kristen Stewart, Robert Pattinson, and Taylor Lautner, reprising their roles as Bella Swan, Edward Cullen, and Jacob Black, respectively. Melissa Rosenberg returns as the screenwriter for the film. She handed in a draft of the film script during the opening weekend of Twilight. Summit Entertainment greenlit the sequel in late November 2008, following the early success of Twilight.

Sharing: သူငယ်ချင်း

ဒီပို့စ်လေးက ကျွန်တော်ရေးတဲ့ စာသားတွေ မဟုတ်ပါဘူး။ ပြေခိုင်ဆိုတဲ့ သူငယ်ချင်းတစ်ယောက် မေးလ်ကနေ ပို့ပေးထားတာပါ။ လူတိုင်း လူတိုင်းမှာ သူငယ်ချင်း၊ မိတ်ဆွေဆိုတာ ရှိပါတယ်။ ဒါပေမဲ့ သူငယ်ချင်းကောင်း၊ မိတ်ဆွေကောင်းကတော့ လူတိုင်းမှာ မရှိပါဘူး။ ဒီပို့စ်လေးအတွက် ပြေခိုင်ကို အထူးကျေးဇူးတင်ပါတယ်။

ကိုယ့်ဘဝမှာ စိတ်တူကိုယ်တူ အမြဲပေါင်းသင်းတဲ့ သူငယ်ချင်း ဘယ်နှစ်ယောက်ရှိလဲလို့ လက်ချိုး ရေတွက်ကြည့်ဖူးပါသလား.. ? ကိုယ်နဲ့ အခုမှ ခင်မင်ရင်းနှီးပေမဲ့ ငယ်ငယ်ကတည်းက ပေါင်းလာတဲ့ ငယ်ပေါင်းလို ဘာမဆို ဖွင့်ပြော တိုင်ပင် မျှဝေလို့ ရနိုင်တဲ့ သူငယ်ချင်းကော ရှိဖူးလား …? ရှိတယ်ဆိုရင် တန်ဖိုးထား မြတ်နိုးပါ။

ကံတရားက ဆန်းကြယ်တယ်။ ကိုယ်မထင်မှတ်၊ မမျှော်လင့်တဲ့ အချိန်မှာ လူတစ်ယောက်ကို ကိုယ့်ဆီ အရောက်ပို့လိုက်တယ်။ အဲဒီလူက ကိုယ်မျှော်လင့်နေတဲ့ အချိန်မှာ ရောက်မလာတတ်ဘဲ ရောက်လာတဲ့အချိန်မှာတော့ ကိုယ်က တန်ဖိုးထားရ ကောင်းမှန်း မသိခဲ့ဘူး။ ဒါကြောင့် ကိုယ်ဘေးပတ်ဝန်းကျင်က လူတွေကို တန်ဖိုးထားပါ။ သူငယ်ချင်းပဲ ဖြစ်ဖြစ်၊ ချစ်သူရီးစားပဲ ဖြစ်ဖြစ်၊ မိသားစုပဲဖြစ်ဖြစ် တွေ့တုန်း၊ ဆုံတုန်း သူတို့ကို တန်ဖိုးထား မြတ်နိုးတတ်ဖို့ လိုပါလိမ့်မယ်။

ကံပါလို့ ငါတို့ တွေ့ဆုံကြတယ်။
ကံပါလို့ ငါတို့ ခင်မင်ကြတယ်။
ကံပါလို့ ငါတို့ စိတ်ကို ဖလှယ်ကြတယ်။
အတူနေတဲ့ တစ်စက္ကန့်လေးကို ငါတို့ တန်ဖိုးထားသင့်တယ်။
အခုလက်ရှိ အခြေအနေကို ပိုမြတ်နိုးသင့်တယ်။
ဒါမှ ဘဝမှာ နောင်တဆိုတာ မရှိမှာ။
သူငယ်ချင်းဆိုတာ … ချီးကျူး အားပေးစကား ပြောနိုင်တဲ့သူ ဖြစ်တယ်။
ဝေဖန် နှစ်သိမ့်မှုကိုလည်း ပေးတတ်တဲ့သူ ဖြစ်တယ်။

လောကကြီးတွင် လူတစ်မျိုးရှိသည်။

တခြားလူ မသိသော ကိုယ်၏လျှို့ဝှက်ချက်များကို သူသိသည်။ ကိုယ်စာမရသောအချိန်တွင် ရှင်းပြတတ်ပြီး ကိုယ်အမှား လုပ်မိသောအချိန်တွင် ကိုယ့်ဘက်မှရပ်တည်ပြီး ဝန်ခံပေးတတ်သည်။ အားငယ်သောအချိန်တွင် အားပေးတတ်ပြီး ဝမ်းနည်းနေသည့် အချိန်များတွင် နှစ်သိမ့်တတ်သည်။ ကိုယ်အဆင်ပြေလျှင် သူ့ကိုမေ့နေတတ်ပြီး အဆင်မပြေသောအချိန်များတွင် ကိုယ့်ရင်ဖွင့်သမျှကို စိတ်ရှည်ရှည်ဖြင့် နားထောင်ပေးတတ်သည်။ ကိုယ်နှင့်အတူ ရှိနေမည့် အချိန်များက ချစ်သူတစ်ယောက်ထက်ပင် ကြာရှည်ခိုင်မြဲတတ်သည်။ ထိုလူမျိုးကို သူငယ်ချင်း ဟုခေါ်သည်။

ဘဝရဲ့ ဇာတ်ဆရာ စေညွှန်ရာအတိုင်း ဝေးခဲ့ကြလဲ လူတိုင်းမှာ ဘဝမှာ မေ့လို့မရတဲ့ သူငယ်ချင်းတွေ ရှိခဲ့ကြမယ်ဆိုတာ ယုံကြည်ပါတယ်။ ကျေးဇူး အထူးတင်ပါတယ်။ သတိရချင်ရင် သတိရစရာလေးတွေ တမင်ရှာနေစရာမှ မလိုတာ … အမှတ်မထင်ပြောဆို ဆက်ဆံမှုလေးတွေက ဘဝတစ်လျောက် သက်ရှိထင်ရှားနေသရွေ့ သတိရစရာ တမ်းတစရာ တွယ်တာမှုလေးတွေ ဖြစ်နေတတ်ပါတယ်လေ။

Most people walk in and out of your life, but only true friends leave footprints in your heart.

ရာသီဥတုတွေ ပြောင်းလဲနေသလိုပါပဲ။ လူ့ဘဝဆိုတာလည်း ဟောင်းလိုက် သစ်လိုက်။ဖုန်းစာအုပ်ကို ဖွင့်ကြည့်လိုက်တော့ မရေမတွက်နိုင်အောင် ပလူပျံနေတဲ့ ဖုန်းနံပါတ်တွေ ... ဘယ် ဖုန်းနံပါတ်ကိုများ စိတ်အားထက်သန်ပြီးရေးမှတ်ခဲ့မိလဲ … ဒီနေ့ထိ ဘယ်ဖုန်းနံပါတ်နဲ့များ အဆက်အသွယ် အမြဲရှိခဲ့သလဲ . ကိုယ့်ကိုယ်ပြန် ဆန်းစစ်ကြည့်မိတယ်။

လူ့ဘဝဆိုတာ ရထားတစ်စီးလိုပဲ … သွားတဲ့ ခရီးတစ်လျောက်မှာ လူတွေက တက်လာကြတယ်။ ဆင်းသွားကြတယ်။ နေရာသစ်၊ ပတ်ဝန်းကျင်သစ်မှာ အိမ်သစ်၊ ရာသစ်တွေနဲ့ သူငယ်ချင်း မိတ်ဆွေအသစ်တွေနဲ့ ဆုံမယ်။ မိတ်ဆွေသစ်ဖွဲ့ဖို့အတွက် အချိန်တွေ ဘယ်လောက် ပေးဆပ်ခဲ့ဖူးလဲ… မိတ်ဆွေဟောင်းတွေနဲ့ ဆက်သွယ်ဖို့ အတွက် အချိန်တွေ ဘယ်လောက် ပေးဆပ်ခဲ့ဖူးလဲ … အချိန်တွေရဲ့ အပြောင်းအလဲကြားမှာ ရှိရင်းစွဲ သူငယ်ချင်းဟောင်းတွေနဲ့ အဆက်အသွယ်ဟာ တဖြေးဖြေးကျဲလာခဲ့တယ်။ ညအခါ မိုးကောင်းကင်ကို မော့ကြည့်လိုက်ရင် ကြယ်လေးတွေဟာ တစ်စုတစ်စည်းထဲ ရှိနေသလိုပဲ ... တကယ်တမ်းတော့ ကြယ်တွေဟာ တစ်ပွင့်နဲ့ တစ်ပွင့် အရမ်းဝေးကွာကြတယ်။ ပတ်ဝန်းကျင်ကို ကြည့်လိုက်တော့ သူငယ်ချင်း မိတ်ဆွေတွေက အများကြီးပဲ။ ဒါပေမဲ့ စိတ်တူကိုယ်တူ ပေါင်းဖက်ကြတဲ့ သူငယ်ချင်း မိတ်ဆွေ ဘယ်နှစ်ယောက်ရှိလဲ… ဘယ်နှစ်ယောက်နဲ့များ အဆက်အသွယ် အမြဲရှိလဲ … နှစ်တွေကြာလာမှ အဆက်အသွယ် နည်းခဲ့တဲ့ မိတ်ဆွေ သူငယ်ချင်းဟောင်းတွေ လူလောကကနေ တဖြေးဖြေး ထွက်ခွာ သွားမှန်းသတိပြုမိတယ်။

လူတွေဟာ
အသက်(၂ဝ)မှာ အချစ်ကို မျှော်လင့်ကြတယ်။
အသက်(၃ဝ)မှာ လက်ထပ်ဖို့ကို မျှော်လင့်ကြတယ်။
အသက်(၄ဝ)မှာ အောင်မြင်မှုကို မျှော်လင့်ကြတယ်။
အသက်(၅ဝ)မှာ ကြွယ်ဝဖို့ကို မျှော်လင့်ကြတယ်။
အသက်(၆ဝ)မှာ ပြည့်စုံဖို့ကို မျှော်လင့်ကြတယ်။
အသက်(၇ဝ)မှာ ကျန်းမာဖို့ကို မျှော်လင့်ကြတယ်။
အသက်(၈ဝ)မှာ အိပ်လိုက်ပြီးရင် ပြန်နိုးလာဖို့ကို မျှော်လင့်ကြတယ်။
သူငယ်ချင်း မိတ်ဆွေတွေကို ဘယ်အချိန်မှာ မျှော်လင့်ကြသလဲ… အကူအညီလိုအပ်မှ မျှော်လင့်တတ်ကြတယ်။

သမုဒ္ဒရာ ဝမ်းတစ်ထွာလို့ ဆိုထားခဲ့ကြတယ် ။ ဟုတ်ကဲ့ … ဝမ်းတစ်ထွာအတွက် လာရောက်လုပ်ကိုင် ကြသူတွေလည်း ရှိကြတယ် ။ တစ်ထွာ ၊နှစ်ထွာ ၊သုံးထွာ မက တာဝန်ကြီးများနှင့် လာရောက်လုပ်ကိုင် ကြသူတွေလည်း ရှိကြပါတယ် ။ ဘဝဆိုတာ ရုန်းကန်ခြင်းလို့ ဆိုထားခဲ့တဲ့အတိုင်း တစ်မြေရပ်ခြားလာရောက် လုပ်ကိုင်ကြရပေမယ့် လူချင်းတူတူ သူချင်းမျှမျှ အဆင်ပြေစွာ လုပ်ကိုင်နေထိုင်စားသောက်လိုကြတာ လူ့သဘာဝပေပဲ မဟုတ်ပါလားဗျာ။

25 Nov 2009

Bypass Megavideo waiting times with MegaStreaming

Megavideo မှ Video များကိုကြည့်တဲ့အခါမှာ ပိုက်ပိုက်ပေးထားတဲ့ user မဟုတ်ရင် 72 မိနစ် အချိန်ထပ်စောင့်ပြီးကြည့်ရပါတယ်။ အဲဒီ အခက်အခဲကို ကျော်လွှားဖို့အတွက် MegaStreaming ကို အသုံးပြုနိုင်ပါတယ်။ မိမိကြည့်လိုတဲ့ Video ရဲ့ address link ကို ထည့်ပေးလိုက်ရုံနဲ့ (၁၃၄ မိနစ်) ဆက်တိုက် ကြည့်နိုင်မှာဖြစ်ပါတယ်။ ဒီဆိုဒ်တွေ့တာနဲ့အတော်ပဲ ... မောင်တို့ချယ်ရီမြေ ဇာတ်ကားကို ပြန်နွှေးပြီး ခံစားလိုက်ဦးမယ် ;)

Use facbook on your desktop with Fishbowl

Facebook ကို Web Browser မှာ မကြည့်ဘဲ မိမိရဲ့ ကွန်ပျူတာ Desktop ပေါ်မှာပဲ Software တစ်ခုသုံးရသလိုမျိုး ကြည့်ချင်တယ်ဆိုရင် Fishbowl ကို အသုံးပြုနိုင်ပါတယ်။ Fishbowl ဆိုတာကတော့ Facebooker တွေ အတွက် အထူးရည်ရွယ်ပြီး ရေးသားထားတဲ့ Desktop Client Application တစ်ခုပါ။ သတင်းတွေ၊ သူငယ်ချင်းတွေရဲ့ အခြေအနေတွေ၊ ကွန့်မန့်တွေ၊ like/unlike တွေအပြင် Photo တွေကိုပါ Upload လုပ်နိုင်ပါသေးတယ်။ Trial အဆင့်သာရှိသေးပြီး မြန်မာစာရိုက်လို့တော့ မရသေးပါဘူး။

New Facebook Worm Warning

Facebook အသုံးပြုသူ မိတ်ဆွေများ အထက်ပါပုံမျိုးကို မိမိရဲ့ Wall မှာဖြစ်စေ၊ သူငယ်ချင်းတွေရဲ့ Wall တွေမှာဖြစ်စေ တွေ့ခဲ့ပါက လုံးဝ Click မလုပ်မိပါစေနဲ့။ လုပ်မိခဲ့ရင်တော့ CSRF worm တိုက်ခိုက်တာ ခံသွားရပါလိမ့်မယ်။ အဲဒီ worm ဘယ်လို attack လုပ်တယ်ဆိုတာကို အောက်ပါ Video မှာ ရှင်းပြထားပါတယ်။


Facebook ကတော့ အဲဒီလို သံသယဖြစ်ဖွယ် Link တွေ၊ ပုံတွေကို Click မလုပ်မိစေဖို့အတွက်လည်း သတိပေးထားပါတယ်။ Faceebookerတွေ သတိထားကြပေတော့ ;)

21 Nov 2009

2104th Shan/Tai New Year Celebrations at SOAS University

ယူကေရောက် ရှမ်းတိုင်းရင်းသားညီအစ်ကိုမောင်နှမများရဲ့ ၂၁ဝ၄ နှစ်သစ်ကူးအခမ်းအနား နှင့် ယဉ်ကျေးမှုပွဲတော်ကို ယနေ့နေ့လည် ၂ နာရီခန့်မှ ၅ နာရီထိ SOAS University မှာ ကျင်းပခဲ့ပါတယ်။ အခမ်းအနားကို Shan Cultural Association in the United Kingdom (SCA-UK) မှ ကြီးမှူးကျင်းပပြီး အဆိုပါအခမ်းအနားသို့ Oxford မှ ဆရာတော် ဒေါက်တာဓမ္မသာမိ နှင့် ဆရာတော်များ၊ လန်ဒန်မှ ရှမ်းရိုးရာယဉ်ကျေးမှု စိတ်ဝင်စားသူများ နှင့် နိုင်ငံခြားဧည့်သည်တော်များ စုံလင်စွာတက်ရောက်ကြတာကို တွေ့မြင်ခဲ့ရပါတယ်။ ကျွန်တော်သည်လည်း ရှမ်းရိုးရာယဉ်ကျေးမှုတွေ၊ ရှမ်းအက၊ ရှမ်းသီချင်းလေးတွေကို စိတ်ဝင်စားသူတစ်ယောက်ဖြစ်သည်မို့ အဆိုပါအခမ်းအနားပြီးသည်အထိ အားပေးခဲ့ပါတယ်။

ဆရာတော် ဒေါက်တာ ဓမ္မသာမိ

ရှမ်းနှစ်သစ်ကူးသီချင်းဖြင့် ဖျော်ဖြေတင်ဆက်

ရှမ်းနှစ်သစ်ကူးသီချင်းဖြင့် ဖျော်ဖြေတင်ဆက်

ကိန္နရာရှမ်းအက

သိုးအက

ရှမ်းယဉ်ကျေးမှုအကြောင်းဟောပြောခဲ့သည့် ပညာရှင်များ

ဒါတော့ ဘာ"အက"လည်း မသိ ... တရုတ်"အက"နဲ့တော့ဆင်သည် :P

ရိုက်မယ် ... တီးမယ်

အလှူငွေထည့်ဝင် လှူဒါန်းနေသည့် ဆရာတော်

... more photos ...

ရှမ်းနှစ်သစ်ကူးပွဲတွေကို လန်ဒန်မှာ ၂ဝဝ၆ ကတည်းက စတင်ကျင်းပခဲ့တာဖြစ်ပါတယ်။ သို့ပေမယ့်လည်း ကျွန်တော့်အတွက်တော့ ပထမဆုံးတစ်ခေါက်အနေဖြင့် ရောက်ခဲ့ခြင်းဖြစ်ပါတယ်။ ဝင်ကြေး အခမဲ့အနေနှင့်ကျင်းပခဲ့သည့် ယင်းအခမ်းအနားတွင် ဆရာတော်များ၏ နှစ်သစ်ကူးဆုတောင်းခြင်း၊ ရှမ်းရိုးရာ အကများဖြင့်ဖျော်ဖြေခြင်း၊ ရှမ်းယဉ်ကျေးမှု့နှင့် စာပေအကြောင်း ဟောပြောခြင်း စသည့်စိတ်ဝင်စားစရာ အစီအစဉ်များဖြင့် တင်ဆက်ခဲ့ပြီး ဧည့်သည်ပရိသတ်များကိုလည်း ကော်ဖီ၊ မုန့်တို့ဖြင့် တည်ခင်းဧည့်ခံခဲ့ပါတယ်။ အခမ်းအနားပြီးဆုံးပြီး မိုးဖွဲဖွဲလေးနဲ့ အိမ်ပြန်ချိန်မှာတော့ ရှမ်းရိုးမက အိုးစည်သံတွေ ကျွန်တော့်နားထဲမှာ ပဲ့တင် ပျံ့လွင့်နေပါတော့တယ်။

ဒီဇင်ဘာ သီချင်းများ


ရာသီဥတုက သိသိသာသာအေးလာပြီး ဟေမာန်ဆောင်းရာသီသို့ ဝင်ရောက်လာလေပြီ။ နောက်လဆိုရင် ၂ဝဝ၉ ကို နှုတ်ဆက်မည့် နောက်ဆုံးလ ကျွန်တော်ချစ်တဲ့ ဒီဇင်ဘာလကိုရောက်တော့မယ်။ ဒီဇင်ဘာသီချင်းလေးတွေ နားထောင်ချင်တဲ့ သူငယ်ချင်းတွေအတွက် ဒီဇင်ဘာနှင့် ပက်သက်တဲ့ သီချင်းဟောင်း၊ သီချင်းကောင်းလေးတွေကို လက်လှမ်းမီသလောက် စုစည်းထားပြီး မျှဝေလိုက်ပါတယ်။ ကျွန်တော်ကိုယ်တိုင်လည်း အခုတလော ဒီဇင်ဘာသီချင်းလေးတွေကိုပဲ နားထောင်နေမိတယ်။ အထူးသဖြင့် မန်းလေးရဲ့ ဒီဇင်ဘာညတွေကို သတိရတဲ့အခါတိုင်းမှာပေါ့ဗျာ။ သြော် ... ဒီလိုနဲ့ပဲ ... နာရီစင်ကြီးရယ် ... မကြာပြီဆိုညည်းတော့မယ် ... သီချင်းများကြားထဲ ... နှစ်တစ်နှစ်ကုန်တော့မယ်။

ဒီဇင်ဘာနှင့် ပက်သက်တဲ့ သီချင်းဟောင်း သီချင်းကောင်းလေးတွေရှိခဲ့ရင်လည်း ကျေးဇူးပြုပြီး မျှဝေပေးစေလိုပါတယ်။ ကျန်းမာပျော်ရွှင်ပါစေ :)

17 Nov 2009

အိုဘားမားပြောတဲ့ တရုတ်ပြည်က Twitter နှင့် မြန်မာပြည်က အင်တာနက်

အမေရိကန်သမ္မတ ဘားရက် အိုဘားမားဟာ တရုတ်ပြည်ကို အင်တာနက် ကွန်ယက်တွေအားလုံး ဖွင့်ပေးထားဖို့ အရေးကြီးကြောင်းနှင့် Twitter ကဲ့သို့သော social networking site တွေကို မပိတ်ပင်ဖို့ ပြောဆိုလိုက်ပါတယ်။ Via : http://bit.ly/Nfl

သမ္မတကြီး အိုဘားမားရေ တရုတ်ပြည်တင်မဟုတ်ဘူး သူ့ရဲ့ အိမ်နီးချင်း မြန်မာပြည်က သူ့ရဲ့မွေးစားသား ဗိုလ်ချုပ်ကြီးတွေကိုပါ ဝင်ပြီးပညာပေးလေး ဘာလေး လုပ်ပေးပါဦး။ အင်တာနက် ပိတ်ပင်ခြင်းဟာ ခေတ်လူငယ်တွေကို မျက်စိတွေ နားတွေ ပိတ်ထားတာနဲ့ တူတူပါပဲ။ အထူးသဖြင့် အခုလို Social Networking site တွေကို ပိတ်ပင်တာဟာ ပညာလိုချင်၊ ဗဟုသုတရှာဖွေချင်တဲ့ လူငယ်တွေရဲ့ တိုးတက်ရာလမ်းကြောင်းကို ပိတ်ပင်ရိုက်ချိုးထားတာနဲ့ အတူတူပါပဲ။ Facebook နဲ့ Twitter လိုမျိုး site တွေဟာ Information တွေကို အလွယ်တကူ မျှဝေဖို့အကောင်းဆုံး website တွေပါပဲ။ နည်းပညာခေတ်ရောက်နေပြီး နည်းပညာခေတ်ရဲ့ အရသာကို အပြည့်အဝမခံစားနိုင်အောင် လုပ်ထားတာဟာ လုံးဝမတရားပါဘူး။ တစ်နည်းအားဖြင့် အနာဂတ်ကို တည်ဆောက်မည့် လူငယ်တွေရဲ့ ဗဟုသုတ ဟင်းလေးအိုးကြီးဖြစ်တဲ့ အင်တာနက်ကို အပြည့်အဝမသုံးနိုင်အောင် ပိတ်ပင်ထားခြင်းပါပဲ။ ဒါ့ကြောင့် စစ်အစိုးရရဲ့ နိုင်ငံရေး ဦးတည်ချက်ထဲမှာ တစ်ခုအပါအဝင်ဖြစ်တဲ့ ပညာရေးဖြင့် ခေတ်မီဖွံ့ဖြိုးတိုးတက်သော နိုင်ငံတော်ကြီး တည်ဆောက်ရေး ဆိုတဲ့ ဦးတည်ချက်ဟာ ရီစရာ ဟာသတစ်လိုဖြစ်နေပါတယ်။ နည်းပညာလေ့လာဆည်းပူးဖို့ အဆောက်အအုံတွေကိုလည်း တောထဲ တောင်ထဲ ပို့ထားပြီး ပညာရေးနှင့် ဝေးသထက်ဝေးအောင် လုပ်နေတာဟာ စစ်အစိုးရရဲ့ ဦးတည်ချက်နဲ့ လုပ်ရပ် တောင်နှင့်မြောက် ကွာဝေးသလို ဝေးကွာနေတာကို သက်သေပြနေပါတော့တယ်။

16 Nov 2009

အိုးလေးလှုပ်တာလွန်သွားတဲ့ အငြိမ့်မင်းသမီး


အောက်တိုဘာလ ၁၇ ရက်နေ့ ၂ဝဝ၉ တွင် သြစတြေးလျနိုင်ငံ ပါ့သ်မြို့မှာ ကျင်းပခဲ့တဲ့ နာဂစ်ဒုက္ခသည်များ ကူညီရေး ရန်ပုံငွေပွဲမှာ မြန်မာနိုင်ငံမှ အနုပညာရှင်များ သွားရောက်ဖျော်ဖြေခဲ့ပါတယ်။ အဲဒီထဲမှာမှ ရွှေတံဆိပ်များဆုရှင် အငြိမ့်မင်းသမီး ဒါလီလင်း (ရွှေမန်းသဘင်) လည်းပါဝင်ခဲ့ပါတယ်။ ဒါပေမဲ့လည်း စင်ပေါ်မှာ တော်ဂေါ်လီသီချင်းနှင့် ဖျော်ဖြေပြီး အိုးလေးအလှုပ်လွန်ခဲ့တာကြောင့် ပရိသတ်ရဲ့ သို့သော သို့သော မှတ်ချက်များအပေးခံနေရပါတယ်။

ကျွန်တော့်အမြင်ကတော့ အငြိမ့်မင်းသမီးနှင့် ဒီလိုအကတွေကတော့ မဆိုင်ဘူးလို့တော့ ပြောလို့မရပါဘူး။ ဒါပေမဲ့ တရားလွန်ဖြစ်အောင် ကပြဖျော်ဖြေခြင်းကတော့ မကောင်းဘူးလို့ထင်ပါတယ်။ မြန်မာပြည်က တစ်ချို့သော အနုပညာသည်တွေဟာလည်း ပြည်တွင်းမှာ သတ်မှတ်ထားတဲ့ စည်းမျဉ်း စည်းကမ်းတွေရယ်၊ ဘာသာရေးနှင့် ယဉ်ကျေးမှု စည်းမျဉ်းတွေကြောင့် ပြည်ပဖျော်ဖြေပွဲတွေဆိုရင် တရားလွန် ဝတ်စားဆင်ယင်ပြီး ကပြဖျော်ဖြေတာကို တွေ့ရပါတယ်။ သို့ကြောင့် သူတို့နေရာမှာ ကိုယ်သာဆို ဘယ်လိုနေမလဲဆိုတဲ့ စိတ်ကလေးနဲ့ပဲ နားလည်ခွင့်လွှတ်ပေးစေချင်ပါတယ်။ တရားလွန် မဟုတ်ခဲ့ရင်ပေါ့ဗျာ :)

13 Nov 2009

How to solve Windows cannot configure this wireless connection problem


Windows XP Service Pack 2 ဒါမှမဟုတ် Windows XP Tablet PC Edition 2005 ကို Update လုပ်ပြီးတဲ့အခါမှာ ဖြစ်တတ်တဲ့ ပြဿနာတစ်ခုပါ။ သူငယ်ချင်းတစ်ယောက်ရဲ့ PC ကို ပြင်ပေးတုန်းက ရလိုက်တဲ့ အတွေ့အကြုံတစ်ခုပါ။ ဘလော့ပေါ်မှာ ရေးမှတ်ထားရင်း မျှဝေလိုက်ပါတယ်။

အဲလို Wireless Network တွေကို ရှာမတွေ့ဘူးဆိုတဲ့ ပြဿနာဖြစ်လာတဲ့အခါမှာ ... Wireless Zero Configuration service WZC ကို Disable လုပ်ထားမိလို့ပါပဲ။ Enable ပြန်လုပ်ဖို့အတွက်ဆိုရင်
1. Click Start, click Run, type %SystemRoot%\system32\services.msc /s,
and then click OK.
2. Double-click Wireless Zero Configuration.
3. In the Startup type list, click Automatic, and then click Apply.
4. In the Service status area, click Start, and then click OK.
Via: Microsoft Help and Support

9 Nov 2009

Google Dashborad


Google Dashboard is a new service that shows a summary of the data stored with a Google account. You'll soon find a link to Google Dashboard in the "personal settings" of the "my account" page.

3 Nov 2009

Print your own iPhone and iPod skins

Iapeel is the way to dress your iPod, iPhone and iTouch. An iaPeel shin is a permium glossy material thae adheres to your iPod or iPhone via a removable adhesive. The skin protects your device from scratches while allowing personalization.