24 Oct 2010

သီတင်းကျွတ်ဈေးရောင်းပွဲတော် (London)

သီတင်းကျွတ်ပြီ။ မြန်မာပြည်မှာတော့ သီတင်းကျွတ်မီးထွန်းကြ၊ ပျော်ကြရွှင်ကြနဲ့ အဝေးရောက်နေသူတွေအဖို့ အရမ်းကို လွမ်းမောဖွယ်ကောင်းလှပါတယ်။ မြန်မာပြည်သီတင်းကျွတ်ကို အရမ်းသတိရတယ်ဗျာ။ ကျွန်တော့်လိုပဲ သီတင်းကျွတ်ညလေးတွေကို အဝေးတစ်နေရာကနေသတိရနေတဲ့ သူငယ်ချင်းများကို သတင်းကောင်းလေးတစ်ခု ပေးပါရစေခင်ဗျာ။ အင်္ဂလန်နိုင်ငံရောက် FFB အဖွဲ့သားများစီစဉ်သော သီတင်းကျွတ်ဈေးရောင်းပွဲတော်ကို လန်ဒန်မြို့ St Agnes Centre ( Cricklewood ) မှာ အောက်တိုဘာ ၃၁ ရက်ည (ညနေ ၃နာရီခွဲမှ ည ၈ နာရီအတွင်း) မှာပြုလုပ်ကျင်းပမှာဖြစ်ပါတယ်။ သီတင်းကျွတ် ဈေးရောင်းပွဲတော်တွင် မြန်မာစာကောင်းကောင်းလေးတွေကို စားချင်ပါတယ်ဆိုတဲ့သူများ အတွက် အောက်ပါအစားအသောက်များကို ရောင်းချပေးသွားမှာဖြစ်ပါတယ်။

- ဂျင်းသုပ် ၊ လက်ဖက်သုပ်
- မုန့်ဟင်းခါး
- ကတ်ကြေးကိုက်
- ကော်ပြန့်စိမ်း
- ကျောက်ကြော ၊ ဆနွင်းမကင်း- နန်းကြီးသုပ်
- ၀က်သားတုတ်ထိုး
- ပဲပြုတ်
- ကြာဇံချက်
- အသုပ်စုံ
- ဒန်ပေါက်
- Soft Drink / Beer နှင့်

မြန်မာ့ရိုးရာ မုန့်မျိုးစုံဖြစ်ပါတယ်။ ထို့အပြင် သီချင်းဆိုဝါသနာပါသူများ အတွက် Karaoke သီချင်းဆိုပြိုင်ပွဲလေးကိုထည့်သွင်းပေးထားပါတယ်။ မြန်မာ့ရိုးရာ အစားအသောက်များကိုစားသုံးရင်း ကျွန်တော်တို့ရဲ့ အဝေးရောက်သီတင်းကျွတ်ညလေးအတူ ဖြတ်သန်းကြဖို့ ဖိတ်ခေါ်လိုက်ပါရစေခင်ဗျာ။

Fundraising Gig

ဂီတပွဲလုပ်ရခြင်း၏ အဓိကရည်ရွယ်ချက်မှာ မြန်မာနိုင်ငံအတွင်းရှိ မိဘမဲ့၊ မသန်မစွမ်းနှင့် ချို့တဲ့သောကလေးသူငယ်များအတွက် ရန်ပုံငွေရှာခြင်းဖြစ်ပါတယ်။ ဖျော်ဖြေမှုမှ ရရှိသော အမြတ်အစွန်းအားလုံးကို ဆင်းရဲသော မိသားစုများနှင့် ကလေးသူငယ်များကို အဓိကပေးလှူသွားရန် ရည်ရွယ်ပါသည်။

ထိုသို့လှူဒါန်းရာတွင် တခြားအဖွဲ့အစည်းကြီးများနည်းတူ ရေရှည်ကလေးငယ်များအား မထောက်ပံ့နိုင်သော်လည်း နေ့စဉ်လိုအပ်နေသော အစားအစာ၊ ဆေးဝါးနှင့် စာရေးကိရိယာ၊ အဝတ်အစားနှင့် ကစားစရာတို့ကို ကလေးသူငယ်များ၏လက်သို့ ပေးအပ်မှာဖြစ်ပါသည်။ မိမိ၏အချိန်၊ ငွေအနည်းငယ်ကိုပေးဆပ်ခြင်းဖြင့် ကြမ်းတမ်းခက်ထန်သော ဘဝများအတွက်မှာ လူငယ်လေးများ၏ မျက်နှာတကြိမ်တခါ လန်းဆန်းစေနိုင်မှာဖြစ်သလို မိမိတို့၏ ကောင်းမှုအကျိုးဆက်ပီတိကို တဝကြီးခံစားရမှာဖြစ်ပါတယ်။

ထို့ပြင် ထိုပွဲသို့လာရောက်အားပေးခြင်းဖြင့်လည်း မိတ်ဟောင်းများနှင့် ပြန်လည်တွေ့ဆုံစေသလို မိတ်ဆွေသစ်များလည်း တိုးပွားစေမှာဖြစ်ပါတယ်။ မိမိအသိုင်းအဝိုင်းအတွင်းရှိ လူမှုရေး၊ နိုင်ငံရေး၊ ပညာရေး၊ စီးပွားရေးအဖြာဖြာတို့ကို သိကျွမ်းဆွေးနွေးနိုင်မှာပါ။ သို့ကြောင့် လန်ဒန်တွင်သာမက ယူကေအတွင်း၇ှိသော ညီအစ်ကိုမောင်နှမကြီးငယ်မရွေးကို မိမိနိုင်ငံအတွင်း၇ှိ ကလေးသူငယ်များ ဖွံ့ဖြိုးတိုးတက်ရေးအတွက် တတပ်တအား ပါဝင်ကူညီကြပါရန် လေးစားစွာ ဖိတ်ခေါ်အပ်ပါသည်။

ဆရာမဒေါ်နုနုရည် (အင်းဝ) ၏ စာပေဟောပြောပွဲ


ဆရာမဒေါ်နုနုရည် (အင်းဝ)

မနေ့က ဆရာမဒေါ်နုနုရည် (အင်းဝ)၏ စာပေဟောပြောပွဲ ပြုလုပ်ရာ SOAS University သို့ရောက်ရှိခဲ့ပါတယ်။ ကျွန်တော်ရောက်တော့ အခမ်းအနားက စတင်နေနှင့်ပါပြီ။ သို့ပေမဲ့ မှီရာနေရာကနေ ဆက်လက်နားထောင်ဖြစ်ပါတယ်။ ဆရာမရဲ့ အမာခံပရိသတ်အတော်များများအပြင် စာပေဝါသနာပါသူ လူငယ်များတက်ရောက်ကြတာတွေ့မြင်ရပါတယ်။

ဆရာမမှ သူ့ရဲ့ဘဝဇာတ်ကြောင်း၊ စာရေးဆရာမဖြစ်လာပုံ နှင့် စာပေလောကအတွေ့အကြုံများကို ရှင်းလင်းပြောကြားပါတယ်။ ဆရာမပြောပြတဲ့ထဲမှာ သူ လူ့လောကထဲရောက်ရှိလာပုံကတော့ အင်မတန်ဝမ်းနည်းအံ့သြဖို့ကောင်းလှပါတယ်။ သူ့ရဲ့အဘွားပေးခဲ့ရတဲ့အသက်နဲ့ ရှင်ခဲ့ရတာဖြစ်ကြောင်း ငယ်စဉ်ကတည်းကပဲ အဖိုးအဖွားလက်ပေါ်မှာ ကြီးပြင်းလာရကြောင်း၊ အဖိုးနှင့်အဖွားပုံပြောပြီဆိုလျှင် အဖိုးပြောသောပုံပြင်များမှာ စိတ်ဝင်စားမှုနှင့် ဆွဲဆောင်မှုရှိကြောင်း အဘယ်ကြောင့်ဆိုသော် အဖိုးမှာ စာပေဖတ်ရှု့လေ့လာသူဖြစ်ကြောင်း စိတ်ဝင်စားဖွယ် ရှင်းပြခဲ့ပါတယ်။

လူငယ်တို့ကို "ဘယ်စာဖတ်ဖတ် ကြိုက်တဲ့စာသာဖတ်ပါ။ စာဖတ်အားများလာပြီးလျှင် ကိုယ်ရွေးခြယ်သင့်တဲ့ စာပေကို အမှန်တကယ်ရွေးခြယ်လာနိုင်လိမ့်မယ်ဖြစ်ကြောင်း" လူငယ်များ စာပေဖတ်ရှု့ရေးကို အားပေးဟောပြောသွားပါသေးတယ်။

ဆရာမရဲ့ထွက်ရှိပြီးသား စာအုပ်များထဲမှ "ပြုံး၍လည်း ကန်တော့ခံတောမူပါ ရယ်၍လည်း ကန်တော့ခံတော်မူပါ"စာအုပ်အကြောင်းကိုလည်း ထည့်သွင်းဟောပြောသွားပါတယ်။ ထိုစာအုပ်နှင့် ပက်သက်ပြီး တွေ့ကြုံရသည့် အခက်အခဲများ၊ ဝမ်းသာဖွယ်ရာများနှင့် ဝမ်းနည်းဖွယ်ရာများကိုပါ ပရိသတ်များနှင့်အတူ ဆွေးနွေးဟောပြောခဲ့ပါတယ်။ ထိုစာအုပ်မှာ မာမီ(နတ်ကတော်) များကိုအခြေခံပြီးရေးသားထားခြင်းဖြစ်ပါတယ်။ ဆရာမပြောသွားသည်များထဲမှ မှတ်သားစဉ်းစားဖွယ်ရာတစ်ခုမှာ မြန်မာလူမျိုးအချို့သည် အယူသီးမှုများလာပြီဆိုလျှင် ယုံကြည်မှုတစ်ခုအနေနှင့် ဖြစ်လာကြကြောင်း ထို့နောက် ထိုယုံကြည်မှု့မှတဆင့် ယဉ်ကျေးမှုအဖြစ်ပါကူးပြောင်းလာကြကြောင်း နတ်ပွဲများနှင့် ပက်သက်ပြီး ထည့်သွင်းဟောပြောခဲ့ပါတယ်။

ထို့ပြင်ဆရာမငယ်စဉ်ဘဝက ကြီးပြင်းနေထိုင်ခဲ့ရာ နန်းတော်မြို့ဟောင်းတစ်ခုဖြစ်တဲ့ အင်းဝမြို့အကြောင်း၊ မြန်မာဘုရင်များနှင့် ထိုင်းနိုင်ငံအကြောင်း၊ မုန့်တီရဲ့ဇာတ်မြစ်၊ လန်ဒန်နှင့် ဆရာမ၏ မျိုးချစ်စိတ်ဓာတ်ဖြစ်ပုံလာပုံအကြောင်း တို့ကိုလည်း ဟောပြောခဲ့ပါသေးတယ်။ မျိုးချစ်စိတ်ဓာတ် (တိုင်းပြည်ချစ်စိတ်) နှင့် ပက်သက်ပြီး စိတ်ဝင်စားမှတ်သားဖွယ်ရာတစ်ခုမှာ မျိုးချစ်စိတ်ဆိုသည်မှာ "စိတ်ထဲမှ ဟန်ဆောင်လုပ်ယူခြင်းမျိုးမဟုတ်ပဲ လိုအပ်တဲ့အချိန်မှ သူ့အလိုလိုသာဖြစ်ပေါ်လာတတ်ကြောင်း (မရိုသေစကား ... ဥပမာ ... sexy စိတ်နှင့်အလားသဏ္ဍာန်တူကြောင်း)" ဟောပြောခဲ့ပါတယ်။ ဆရာမတာဝန်ထမ်းဆောင်ရာမြို့ဖြစ်တဲ့ ချင်းမိုင်မြို့အကြောင်း နှင့် ဘုရင့်မိုးအကြောင်းတို့မှာလည်း ကျွန်တော်အတွက် စိတ်ဝင်စားဖွယ်ရာ အကြောင်းအရာများ ဖြစ်ခဲ့ပါတယ်။

ဆရာမရဲ့ ပရိသတ်များ

ထို့သို့ဟောပြောပြီး နောက်ဆုံးမှာတော့ ပရိသတ်များနှင့် အမေးအဖြေများ ပြုလုပ်ခဲ့ပါတယ်။ ဆရာမ၏ ထွက်ပြီးသား စာအုပ်များနှင့် ပက်သက်ပြီး မေးမြန်းမှုများ၊ စာပေလောက ကျင်လည်မှုအတွေ့အကြုံများအကြောင်းစသည်တို့ကို အဓိကထား မေးမြန်းခဲ့ကြပြီး ဆရာမမှ စိတ်ရှည်လက်ရှည် ဟောပြောဖြေကြားပေးခဲ့ပါတယ်။ အခမ်းအနားကို ညနေ ၅ နာရီခန့်တွင် အောင်မြင်စွာပြီးဆုံးခဲ့ပါတယ်။

ကျွန်တော့်အတွက် ဗဟုသုတတွေ၊ မှတ်သားဖွယ် အတွေ့အကြုံများ ပေးခဲ့တဲ့ ဆရာမ ဒေါ်နုနုရည်(အင်းဝ) ကျန်းမာချမ်းသာပါစေလို့ ဆုမွန်ကောင်းတောင်းလိုက်ရပါတယ်။ နောက်နှစ်မှာလည်း ယခုလို စာပေဟောပြောပွဲတွေမှာ ပြန်လည်ဆုံတွေနိုင်ဖို့ မျှော်လင့်ရင်း ...

--
ခင်မင်လေးစားစွာဖြင့်
ချမ်းမြစိုး

19 Oct 2010

မန္တလေးရေဘေးအတွက် လန်ဒန်ရောက် မြန်မာမိသားစုများမှ ပထမအကြိမ် လှူဒါန်ပြီးစီး

အောက်တာဘာလဆန်း ၈ ရက် 2010 နေ့က မြန်မာနိုင်ငံအလယ်ပိုင်း မိုးသည်းထန်စွာ ရွာသွန်းမှုနှင့် ဆည်ရေများဖောက်ချမှုကြောင့် ရေဘေးဒုက္ခခံစားနေရတဲ့ ဒုက္ခသည်များကို ထိရောက်တဲ့အကူအညီများပေးနိုင်ဖို့အတွက် လန်ဒန်ရောက် မြန်မာမိသားစုများထံမှ အောက်တိုဘာ ၁၀ ရက်နေ့မှစတင်ပြီး ရေဘေးကယ်ဆယ်ရေး အလှူငွေများ လိုက်လံကောက်ခံခဲ့ပါတယ်။

ယနေ့ချိန်ထိ လက်ခံရရှိငွေစုစုပေါင်းမှာ £1503 ဖြစ်ပါတယ်။ ပထမအကြိမ် လှူဒါန်းငွေအဖြစ် £1000 (၁၅သိန်း) ကို မန္တလေးရှိ ဗြဟ္မစိုရ်လှူမှုကူညီရေးအသင်း (အလှူငွေ (၇) သိန်း) နှင့် စိတ္တသုခ ပရဟိတ လူငယ် အဖွဲ့သို့ (အလှူငွေ (၈)သိန်း) ယနေ့ (၁၉.၁၀.၂၀၁၀) လှူဒါန်းခဲ့ပါတယ်။ ထိုအလှူငွေများကို လန်ဒန်ရောက် မြန်မာမိသားစုများကိုယ်စား ကိုထင်လင်းအေး၊ ကိုဂျေ နှင့် ကိုညီမင်းစံ တို့မှ သွားရောက်လှူဒါန်းပေးခဲ့ကြပါတယ်။

ဗြဟ္မစိုရ်သို့ ရေဘေးအလှူငွေ (၇) သိန်း လှူဒါန်းစဉ် (19.10.2010)

ဗြဟ္မစိုရ်မှပေးအပ်သော ဂုဏ်ပြုမှတ်တမ်းလွှာ

စိတ္တသုခပရဟိတလူငယ်အဖွဲ့သို့လှူဒါန်းငွေ (၈) သိန်း (19.10.2010)

စိတ္တသုခပရဟိတလူငယ်အဖွဲ့သည် အဖွဲ့အစည်း အကြီးကြီး မဟုတ်ပေမယ့် မန္တလေးနဲ့ မန္တလေး အနီးပတ်ဝန်းကျင် ရေဘေး ဖြစ်တဲ့ နေရာတွေမှာ ထိထိရောက်ရောက် အကူအညီပေးနေတဲ့ အဖွဲ့အစည်းတစ်ခုဖြစ်ကြောင်းပါ။

ဒုတိယအကြိမ်အဖြစ်လည်း ကျန်ရှိနေသေးသည့် အလှူငွေ £500 ကျော်အပြင် စေတနာရှင် အလှူရှင်များထံမှလိုက်လံကောက်ခံပြီး လှူဒါန်းသွားမှာဖြစ်တဲ့အတွက် သဒ္ဒါတ၇ားနည်းများမဆို ပါဝင်လှူဒါန်းနိုင်ကြပါကြောင်း နိဗ္ဗာန်အကျိုးမျှော် နှိုးဆော်လိုက်ရပါတယ်ခင်ဗျာ။

စေတနာသဒ္ဒါတ၇ားထက်သန်စွာ လှူဒါန်းခဲ့ကြတဲ့ ကုသိုလ်ရှင်အပေါင်းအား ရေဘေးဒုက္ခသည်များကိုယ်စား ဝမ်းမြောက်ဝမ်းသာ သာဓုခေါ်အပ်ပါသည်ခင်ဗျာ။

၁၀.၁၀.၂၀၁၀ မှ ၁၉.၁၀.၂၀၁၀ အထိ အလှူရှင်များ၏ ကုသိုလ်ယူပါဝင်မှု စာရင်းကို ဒီနေရာမှာ ကြည့်ရှု့နိုင်ပါတယ်ခင်ဗျာ။


--
လေးစားစွာဖြင့်,

CHAN MYA SOE (a) CMS
www.cmsmdy.blogspot.com
www.facebook.com/chanmyasoe

12 Oct 2010

ကိုမင်းကိုနိုင်၏ (၄၈)နှစ်မြောက်မွေးနေ့ ဆွမ်းကပ်လှူခြင်းအခမ်းအနားဖိတ်ကြားခြင်း (လန်ဒန်)

စစ်အာဏာရှင်များ၏ မတရားဖမ်းဆီးထောင်ကျခြင်းကို ခံနေရရှာသော (၈၈)မျိုးဆက်ကျောင်းသားခေါင်းဆောင် ကိုမင်းကိုနိုင်၏ (၄၈)နှစ်မြောက်မွေးနေ့ ဆွမ်းကပ်လှူခြင်းအခမ်းအနား နှင့် လူငယ်စကားဝိုင်းကို အင်္ဂလန်နိုင်ငံရောက် မျိုးချစ်မြန်မာကျောင်းသားများမှ ဦးဆောင်၍ကျင်းပပြုလုပ်မည်ဖြစ်ပါသည်။


မွေးနေ့ဆွမ်းကပ်လှူခြင်းအခမ်းအနား နှင့် လူငယ်စကားဝိုင်းကို အောက်ပါအစီအစဉ်အတိုင်း ကျင်းပပြုလုပ်မည်ဖြစ်ပါသောကြောင့် အင်္ဂလန်နိုင်ငံရောက် မျိုးချစ်မြန်မာကျောင်းသား လူငယ်မောင်မယ်များ နှင့် မြန်မာ့ဒီမိုကရေစီအရေး လှုပ်ရှားသူများအနေဖြင့် တတပ်တအား ပါဝင်တက်ရောက်ကြပါရန် လေးစားစွာဖြင့်ဖိတ်ကြားအပ်ပါသည်။



နေ့ရက်း 18th October 2010 (18.10.2010)

အချိန်း မနက် (၁၀) နာရီ မှ ညနေ(၃) နာရီ အထိ

နေရား သာသနရံသီဝိဟာရ 83 Booth Road Colindale, London, NW9 5JU ( Colindale Monastery )


-
အင်္ဂလန်နိုင်ငံရောက် မျိုးချစ်မြန်မာကျောင်းသားများ

6 Oct 2010

Facebook Now Allows You To “Download Your Information”

Facebook အသုံးပြုတဲ့ User တွေ မိမိရဲ့ Facebook မှာရှိတဲ့ Information တွေကို Copy အနေဖြင့် Download ရယူလို့ပြီဖြစ်ပါတယ်။ မိမိရဲ့ Wall Post, ဓာတ်ပုံတွေ, notes တွေစသည်ဖြင့် မိမိရဲ့စက်ထဲကို သိမ်းယူနိုင်ပြီဖြစ်ပါတယ်။ ဘယ်လိုပြုလုပ်ရတယ်ဆိုတာကိုတော့ အောက်ပါ Video File က ရှင်းပြပေးပါလိမ့်မယ်။