၁၉ ဇူလိုင် မမေ့နိုင်

ဒီကနေဟာဖြင့် ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးတွေ လုပ်ကြံခံရတဲ့ သမိုင်းဝင်တဲ့ အာဇာနည်နေ့ဖြစ်ပြီး ယခုနှစ်ဟာ ၆၄နှစ်မြောက် ဖြစ်ပါတယ်။ မြန်မာပြည်မှာဆိုရင်တော့ အစိုးရရုံးပိတ်ရက်တစ်ရက်ဖြစ်ပါတယ်။ ကျွန်တော်ထင်တာ မမှားဘူးဆိုရင်တော့ ဒီနေ့လိုနေ့မျိုး မြန်မာပြည်မှာ မိုးဖွဲဖွဲလေးတွေ ရွာနေတတ်ပါတယ်။ လူလတ်ပိုင်းအရွယ်တွေအထိ အာဇာနည်နေ့သမိုင်းကို ဂဃဏနသိပေမဲ့ တစ်ချို့လူငယ်ပိုင်း (၁၆နှစ်အောက်) တွေကတော့ အာဇာနည်နေ့ဆိုတာကို ဝေတေဝါးတားဖြစ်နေတာ စိတ်မကောင်းစရာပါပဲ။

တိုင်းပြည်ကို လွတ်လပ်ရေးရအောင် မိမိကိုယ်ကျိုးကိုစွန့်လွှတ်ပြီး ပေးဆပ်ခဲ့တဲ့ အာဇာနည်တွေကို ကျွန်တော်တို့ရဲ့ မျိုးဆက်သစ်လူငယ်တွေ မေ့ပျောက်နေမယ်ဆိုရင် သမိုင်းကိုမေ့ပျောက်နေတာနဲ့အတူတူပါပဲ။ သမိုင်းပျောက်ရင်တော့ လူမျိုးပါ ပျောက်ကွယ်ဖို့ဆိုတာ မဝေးတော့သလိုပါပဲ။

အခု မြန်မာပြည်မှာဆိုရင် စစ်အာဏာရှင် လက်ထက်ကစပြီး ဗိုလ်ချုပ်အောင်ဆန်းရဲ့သမိုင်း၊ ဓာတ်ပုံတွေကို မေ့ပျောက်အောင် တစတစပြုလုပ်လာတွေ တွေ့မြင်လာရပါတယ်။ အဆိုးရွားဆုံးကတော့ နိုင်ငံတော်ငွေစက္ကူတွေမှာ ဗိုလ်ချုပ်အောင်ဆန်းပုံတွေ၊ ဆရာစံတို့လိုခေါင်းဆောင်တွေရဲ့ ဓာတ်ပုံတွေကိုပယ်ဖျောက်ပြီး တိရစ္ဆာန်ပုံတွေကို အစားထိုးအသုံးပြုလာခြင်းပါပဲ။

တကယ်လို့သာ မျိုးဆက်သစ်လူငယ်တွေကပဲဖြစ်ဖြစ် နိုင်ငံခြားသားတစ်ယောက်ယောက်ကပဲဖြစ်ဖြစ် ဘာလို့ အဲဒီတိရစ္ဆာန်ပုံတွေ အသုံးပြုရသလဲ ကျွန်တော့်ကို မေးလာခဲ့ရင်တော့ "တိရစ္ဆာန်တွေ အုပ်ချုပ်တဲ့ တိုင်းပြည်ဖြစ်တာကြောင့် တိရစ္ဆာန်ပုံတွေ ထည့်ထားတာ" လို့ဖြေခြင်းဟာ အကောင်းဆုံး အဖြေတစ်ခုလို့ ကျွန်တော်ယုံကြည်ပါတယ်။

အဲဒီတော့ ကျွန်တော်တို့အနေနဲ့ အာဇာနည်တွေရဲ့ သမိုင်း၊ ဂုဏ်ပုဒ် နှင့် စွမ်းဆောင်ခဲ့ပုံတွေကို မျိုးဆက်သစ်လူငယ်တွေကို ကိုယ်တတ်နိုင်သမျှ သင်ကြားပြောပြပေးသင့်ပါတယ်။ အထူးသဖြင့် ရပ်ဝေးမြေခြားမှာ ကြီးပြင်းနေထိုင်နေတဲ့ မြန်မာလူငယ်လေးများကို ဂရုတစိုက်သင်ကြားပြောပြပေးသင့်ပါတယ်။ ထိုနည်းဖြင့် အာဇာနည်ကြီးတွေရဲ့ ကြီးမာတဲ့ကျေးဇူးကို ပြန်လည်ပေးဆပ်နိုင်မယ်ဆိုရင် သူတို့သည်လည်း တမလွန်ဘဝကနေ ဝမ်းမြောက်ဝမ်းသာ သာဓုခေါ်နေမှာ မလွဲမသေပါပဲခင်ဗျာ။

အာဇာနည်ခေါင်းဆောင်ကြီးတွေ ကောင်းရာသုဂတိ လားပါစေသော်ဝ်။