23 Feb 2010

ဟာသဗေဒင်

တနင်္ဂနွေ သားသမီးများ (အ၊ဥ၊သြ)

အားအားယားယား ဖြစ်နေတတ်သည်။ အူကြောင်ကြား ဖြစ်နေသောသူတစ် ယောက်နှင့် မိတ်ဆွေဖြစ်ကိန်းရှိသည်။ အူတူတူ အတတ ကောင်မလေးတစ်ယောက်နှင့် ဥတုတု ညုတုတု ဖြစ်ကိန်းရှိသည်။ အီရတ် နိုင်ငံသို့ နွေရာသီ အပန်းဖြေခရီး ထွက်ရကိန်းရှိသည်။ ဥ နှင့်ပတ်သက်၍ ကျန်းမာရေး အညံ့ရှိသည်။ အိမ်သာတက်ရင်း အူကျရောဂါ အပြင်းအထန်း ခံစားရတတ်သည်။ အနာကြီးရောဂါ ဖြစ်နေသော သူတစ်ယောက်နှင့် မတော်တဆ အိမ်ထောင်ကျကိန်း ရှိသည်။


ယတြာ။ ။အင်္ဂါနေ့တွင် ဥဥနေသော ကြက်မဖင်ကို အံ့သြစွာကြည့်၍ “အောင်ပြီ၊ အောင်ပြီ” ဟု သုံးကြိမ်တိုင်တိုင် အော်ပါ။


တနလာင်္ သားသမီးများ (က၊ခ၊ဂ၊ဃ၊င)

ကုန်းကုန်း ခွခွ အလုပ်များနေတတ်သည်။ တနင်္လာနံဖြစ်ပစ္စည်းများ ဖြစ်သော ကုန်တင်ကား၊ဘစ်(စ်)ကားများ မမျှော်လင့်ပဲ အစုံလိုက်အပြုံလိုက် ၀င်လာတတ်သည်။ ရုတ်တရက် ၀င်လာတတ်သဖြင့် သတိကြီးစွာထားရန် လိုအပ်သည်။ ဂေါက်ကြောင် ကြောင်ဖြစ်နေသော ကုလားမတစ်ယောက်နှင့် ချစ်ကြိုက်ရကိန်းရှိသည်။ ကျပ်မပြည့်သော လူတစ်ယောက်၏ ကြောင်တောင်တောင် လုပ်ခြင်းခံရတတ်သည်။ လကုန်ရက် ဖြစ်ပါက ငွေဝင်ကိန်းရှိသည်။ ခွေးရူးပြန်ရောဂါ ရှိသူများ ချွတ်ခြုံကျနေသော သူများ၏ မရမကချစ်ကြိုက်ခြင်းကို ခံရတတ်သည်။ ဂတ်ထဲတွင် အိပ်စက်ရကိန်းရှိသည်။ ကြောက်ခမန်းလိလိ ခွေးကိုက်ခြင်း၊ ဂနိုကျခြင်းများ ဖြစ်တတ်သည်။


ယတြာ။ ။ကြာသပတေးနေ့တွင် ဂတုံးပြောင်အောင် တုံးပြီး ကင်းမြီးကောက်ထောင်ကာ ကြောင်တစ်ကောင်လို အော်ဟစ်၍ ယတြာချေပါ။


အင်္ဂါ သားသမီးများ (စ၊ဆ၊ဇ၊ဈ၊ည)

စာမလုပ်သူများ အထူးသတိထားပါ စေ့စပ်သေချာ၍ စေ့စေ့စပ်စပ်လုပ်တတ် သော ဆရာ၏ စာမေးပွဲနှင့် စိတ်ညစ်စွာ ကြုံရတတ်သည်။ အပြင်းအထန် ဇစ်ညှပ်ခြင်း ခံစားရတတ်သည်။ ဆိုက်ကားနင်းစားခြင်း ၊စာခိုးချခြင်း၊ ဈေးရောင်းခြင်း၊ ညစောင့်ခြင်း စသည့် ပညာရပ်များကို ဇင်ဘာဘွေ နိုင်ငံတွင် သွားရောက် သင်ယူရကိန်းရှိသည်။ စိတ်ရောဂါရှိသူများ အဆဲသန်သူများ ဆစ်ဖလစ်ရောဂါ ရှိသူများနှင့် စီးပွါးရေးစပ်တူ လုပ်ပါက အထူးအောင်မြင်ကိန်းရှိသည်။ ညှင်း ၊၀ဲ စွဲကပ်နေသော သူများနှင့် အိမ်ထောင်ကျကိန်းရှိသည်။


ယတြာ။ ။စနေနေ့ ညဘက် ၁၂ နာရီတွင် စိုင်းစိုင်းခမ်းလှိုင်၏ သီချင်းတစ်ပုဒ်ကို ဈေးထဲ၌ အဆဲသန်သော ဈေးသည်တစ်ယောက်ရှေ့တွင် စွဲစွဲမြဲမြဲ ဆယ်ရက် ဆက်ဆိုပါ။


ဗုဒ္ဓဟူး သားသမီးများ (ယ၊ရ၊လ၊၀)

ဝဲ၊ယားနားအကြီးအကျယ် ပေါက်တတ်သည်။ လမ်းလျှောက်ရင်း လေလည်တတ် သောသူများ၏ နောက်မှမလိုက်ပါနှင့်၊ လုံးပါးပါးနိုင်သည်(နှာခေါင်း)။ ရူှးနှမ်းနှမ်းဖြစ်နေ သူတစ်ယောက်၏ ရင်ဖွင့်စကားကို နားထောင်ပေးရတတ်သည်။ ၀က်ရူးပြန်ရောဂါရှိ သူများ၊ ယဉ်ယဉ်လေး ရူးနေသော သူများ ၊လေကျယ်တတ်သူများ၊ ၀ိတ်ပေါပေါနေသူ များနဲ့ စပ်တူစီးပွါးရေးလုပ်ပါက အကြီးအကျယ် အောင်မြင်ကိန်းရှိသည်။ ၀က်မတစ်ကောင် ကဲ့သို့ ၀အစ်နေသော မိန်းကလေးတစ်ယောက်၏ ရေလာမြောင်းပေးခြင်း နှင့် ချစ်ခင်နှစ်သက်ခြင်းကို မထင်မှတ်ပဲ လက်ခံရတတ်သည်။ ယာဉ်၊ ရထားတို့ ပေါ်၌ ယားနာဆေး၊ လိပ်ခေါင်းပျောက်ဆေး ရောင်းခြင်းမှ ထူးခြားစွာအမြတ်ရကိန်းရှိသည်။


ယတြာ။ ။လင်ရှိမယား တစ်ယောက်၏ အိမ်ရှေ့တွင် “၀င်သက်ထွက်သက်(နွဲ့ယဉ်ဝင်း)”သီချင်းကို လေးဖက်ကုန်း၍ လဒမှုိ်င်မှိုင်ကာ လက်ယာရစ်ပတ်ကာ လေးကြိမ်တိုင်တိုင် ဟစ်ကြွေးပါ။


ကြာသပတေး သားသမီးများ (ပ၊ဖ၊ဗ၊ဘ၊မ)

ဘိုင်ကျပြီး မွဲတေနေတတ်သည်။ မျက်နှာတွင် ပိုးစိုးပက်စက် မီးလောင်တတ်သည် ဗိုက်ကြီးသည် တစ်ယောက်နှင့် အိမ်ထောင်ကျကိန်းရှိသည်။ ပုတက်မွေးခြင်း ၊ဖွတ် မွေးခြင်း၊ ပုရစ်မွေးခြင်း၊ ဘယာကြော် ကြော်ရောင်းခြင်းစသည့် အလုပ်များဖြင့် ပိုးစိုး ပက်စက် မြိုးမြိုးမြက်မြက် စီးပွါးတက်ကိန်းရှိသည်။ ဖိနပ်ချုပ်ခြင်း၊ မီးသွေး ရောင်းဝယ်ခြင်း ၊ပြောင်းဖူးဖုတ်ခြင်း ပညာများရပ်များကို မွန်ဂိုလီးယား၊ ဖင်လန်၊ ဘော့ဇနီးယား၊ မြန်မာ စသည့်နိုင်ငံများတွင် ပညာတော်သင် သွားရကိန်းရှိသည်။ ဘာဘူကုလားမကြီး၏ ဖောဖောသီသီ မျက်နှာပေးခြင်း၊ ပုဆိုးကြားတွင် ပိပိရိရိ မေတ္တာစာ ခိုးထည့်ခံရခြင်းများ ကြုံရတတ်သည်။


ယတြာ။ ။ဘောင်းဘီတိုဝတ်၍ ဗိုက်ကြီးသည် တစ်ယောက်နှင့်အတူ ဘောလုံးကွင်းတွင် ဘရိတ်ဒန့် အတူတွဲက၍ ယတြာချေပါ။ လိုအပ်ဆန္ဒပြည့်ဝ လာလိမ့်မည်။


သောကြာ သားသမီးများ (သ၊ဟ)

ဟိုယောင်ယောင် ဒီယောင်ယောင်နှင့် သတိလက်လွတ် ဖြစ်နေတတ်သည်။ သောက်ရှက်ဟက်တက်ကွဲ၍ သူတစ်ပါး၏ သေချင်စော်နံလောက်အောင် သောက်မြင် ကပ်ခြင်းကို ပိုးစိုးပက်စက် အကြီးအကျယ် ကြုံရတတ်သည်။ သရဲမတစ်ယောက်နှင့် ဟိုကိစ္စ ဖြစ်ကိန်းရှိသည်။ သင်္ချိုိင်းကုန်း၊သုဿာန် စောင့်ခြင်း ၊သန်ကောင်မွေးခြင်း ဟောင်းနွမ်းပစ္စည်းရောင်းဝယ်ခြင်းတို့မှ ဟိုးလေးတကျော် အကျိုးအမြတ်ရက်ိန်း ရှိသည်။ ဟိုင်းနေသော သူတစ်ယောက်နှင့် သိုးသိုးသန့်သန့် သတင်းထွက်ကိန်းရှိ သည်။ သတိကြီးကြီး ထားပါ တော်ကာကျမည်။ သပ်သပ်ရပ်ဝတ်ပြီး ဟိုင်းလတ်ကားတိုက်ကာ ဟပ်ထိုးလဲပြီး ဟောဟဲဟောဟဲ ဖြစ်နေတတ်သည်။


ယကြာ။ ။သောကြာနေ့တွင် သုဿာန်၌ သေသွားသူ၏ မိသားစုရှေ့တွင် ဟာသလုပ်၍ ဟဲလေးသီချင်းဖြင့် သုံးကြိမ်တိုင်တိုင် ဟစ်ကြွေးပါ။အညံ့များ ပျောက်သွားလိမ့်မည်။


စနေ သားသမီးများ (တ၊ထ၊ဒ၊ဓ၊န)

တင်ပါးတွင် ဒက်ပေါက်၍ ဒန့်တန့်တန့်ထုံပေထုံပေ ဖြစ်နေတတ်သည်။ နူနာရောဂါရှိသူ တစ်ယောက်၏ တီတီတာတာ ထူးထူးခြားခြား ချစ်ကြိုးသွယ်ကိန်းရှိသည်။ တင်တု လုပ်ခြင်း၊ ထီးပြင်ခြင်း၊ ဓါးသွေးခြင်း ဒန်အိုးဖာထေးခြင်း စသော လုပ်ငန်းများ နှင့် သက်ဆိုင်သော ပညာရပ်များကို တူနီးရှား၊ ထိုင်း၊ နယူးယောက် စသောနေရာများသို့ သွားရောက်သင်ရကိန်းရှိသည်။ နတ်ကတော်များနှင့် တွဲဖက်လုပ်ငန်းစပ်တူ လုပ်ပါက ထူးထူးခြားခြား အောင်မြင်ကိန်းရှိသည်။ ထီးနှင့် အသံနီးစပ်သောပစ္စည်းများ အပြွတ်လိုက် ၀င်ကိန်းရှိသည်။ ဓါတ်ရိုက် ဓါတ်ဆင်လုပ်ခြင်း၊ ဓါတ်ရုင်ရိုက်ခြင်း၊ ဓါတ်သွားခြင်းကိုပိတ်ဆို့ ဆေးရောင်းခြင်း စသောလုပ်ငန်းများမှ အကျိုးအမြတ်ရရှိမည်။


ယတြာ။ ။တနလာင်္နေ့ တွင် တင်ပါးပေါ်ဝတ်ပြီး နတ်သီချင်းဖွင့်ကာ နံနက်အချိန်၌ နိုင်းနိုင်းကဲ့သို့ ထိထိမိမိ ကပါ။




ရယ်သောသူ အသက်ရှည်၏ ;)
Credit to: Pyay KhainG

62nd Anniversary of Chin National Day - London

ပြီးခဲ့သည့် စနေနေ့ (၂၀.၂.၂၀၁၀) က ယူကေရောက် ချင်းတိုင်းရင်းသားညီအစ်ကိုများ၏ ၆၂ နှစ်မြောက် ချင်း အမျိုးသားနေ့ကျင်းပရာ အခမ်းအနားသို့ ရောက်ရှိခဲ့ပါတယ်။ ချင်းတိုင်းရင်းသားများ၏ ရိုးရာယဉ်ကျေးမှု၊ ဝတ်စားဆင်ယင်မှု နှင့် ချင်းတိုင်းရင်းသားတေးသံသာများကိုပါ ခံစားခွင့်ရခဲ့ပါတယ်။ ခေတ်ပေါ်အစီအစဉ်တစ်ခုဖြစ်တဲ့ Model Show အစီအစဉ်ကိုပါထည့်သွင်းတင်ဆက်ခဲ့သည့်အတွက် စည်ကားခဲ့တဲ့ ပွဲတော်တစ်ခုဖြစ်ခဲ့ပါတယ်။

15 Feb 2010

Gmail တွင် Facebook, Twitter ပေါင်းစပ်ထည့်သွင်းခြင်း

Facebook, Twitter, Orkut, Digg, MySpace ကဲ့သို့သော Social Networking service များအပြင် Yahoo Mail, Hotmail စသည်ကဲ့သို့သော email service များကိုလည်း gmail sidebar မှာထည့်သွင်း အသုံးပြုနိုင်ပြီဖြစ်ပါတယ်။

Gmail sidebar မှာ ၄င်း service များကို ထည့်သွင်းအသုံးပြုဖို့ ပထမဦးစွာ ထို service (Add any gadget by URL) ကို Enable လုပ်ပေးရပါမယ်။

Add any gadget by URL ကို Enable လုပ်ခြင်း
  1. gmail login လုပ်ပြီး setting ထဲမှာ Labs ကိုရွေးပါ။
  2. Labs သို့ရောက်လျင် Add any gadget by URL ကိုရှာပြီး enable လုပ်ပါ။ ပြီးလျှင် Save changes လုပ်ပေးပါ။ Setting ထဲတွင် Gadgets ဆိုတဲ့ Tab တစ်ခုတိုးလာမှာဖြစ်ပါတယ်။
  3. Setting ထဲမှ Gadgets ကိုသွားပါ။ မိမိထည့်သွင်းလိုတဲ့ service ရဲ့ address ကို URL Box မှာထည့်သွင်းလိုက်သည်နှင့် Gmail ရဲ့ sidebar မှာပေါ်လာပြီး စတင်အသုံးပြုနိုင်မှာဖြစ်ပါတယ်။
သက်ဆိုင်ရာ service တွေနဲ့ ပက်သက်ပြီး ထည့်သွင်းအသုံးပြုရမည့် address (URL) တွေကတော့ အောက်ပါအတိုင်းဖြစ်ပါတယ်။

Facebook Gadget URL
http://hosting.gmodules.com/ig/gadgets/file/104971404861070329537/facebook.xml

Twitter Gadget URL
https://twittergadget.appspot.com/gadget-gmail.xml

click here for more URLs

12 Feb 2010

Sharing: သာချင်းသည် သို့

ကဗျာလေးကိုဖတ်ပြီး ကိုယ့်ကိုကိုယ် သုံးသပ်ဆင်ခြင်မိသလို လူတွေ ပြောဆိုဆက်ဆံ နေကြတာတွေကိုကြည့်ပြီး သင်ခန်းစာရမိတယ်။

ကဗျာလေးထဲကအတိုင်း အပြင်လောကမှာ ဖြစ်ပျက်နေတာတွေ အများကြီးပဲ။ ကိုယ့်ဘက်ကိုယ် ယက်တတ်တဲ့လူတွေ လောကမှ တော်တော်များတာပဲ။ ကိုယ်ကောင်းတယ် ကိုယ်တတ်တယ်ဆိုတာချည်းပဲ။ သူ့ထက်သာသွားရင်လည်း မနာလိုဖြစ်ကြပြန်ရော။ ခက်ပြီ။

နောက်ဆုံးတော့ သူများကို မထိခိုက်စေဘဲ ကိုယ့်အလုပ်ကိုယ်လုပ်၊ ကိုယ့်သမိုင်းကိုယ်ရေး၊ သူတစ်ပါးကို တတ်နိုင်သလောက်ကူညီပေးနိုင်တဲ့ လူတစ်ယောက်အဖြစ် ရပ်တည်နိုင်မယ်ဆိုရင် လူပီသတဲ့ လူတစ်ယောက်အဖြစ် လောကမှာ ဝင့်ထည်စွာရပ်တည်နိုင်လိမ့်မယ်လို့ ကျွန်တော်ယုံကြည်ပါတယ်။

ကိုယ့် အကြောင်း
ကိုယ် ကောင်း ပြောယင်း။
မကောင်းခြင်း ဖြစ်တတ်တယ်။

ကိုယ့်တတ် ကိုယ်ထက်
ကိုယ့် လက်မကို ထောင်လွှားယင်း။
သူ့ ပျော့ညံ့ချက်
ကိုယ့် လက်ညှိုးက ထိုးတတ်တယ်။

သူ့လည် နင်း၍
သာချင်း ငြိမ့်ငြိမ့် ဆိုချင်သလား။
သူ့ မျက်ရည်ပူ
ခြေဆေးသူ အဖြစ်
အောင်လံထူ ဟစ်လိုသလား။

ကဲ ... စဉ်းစား
"ငါးပုပ် ဝယ်ကြဦးမလား ...." လို့
ဘယ်သူများ ကြွေးကြော်လို့လဲကွယ်။

ကိုယ့်လမ်း ကိုယ်သာ
လမ်းထွင်ပါ
လမ်းဆုံးတဲ့ခါ ရွာတွေ့မှာ ...။ ။

မောင်စံဗြော
ရှုမဝ ရုပ်စုံမဂ္ဂဇင်း Vol.39 No.458 July, 1985

10 Feb 2010

Lens Flare Filter နှင့် ကစားခြင်း

ဓာတ်ပုံတွေကို Lens Flare Filter သုံးပြီး လွယ်ကူစွာ Effect ထည့်နည်းပါ။ ဒီနည်းကို တွေ့မိတာ သိပ်မကြာသေးပါဘူး။ ပညာရပ်တစ်ခုကို ကျွမ်းကျင်အောင် လိုက်စားရတာ မလွယ်လှပါဘူး။ မသိသေးတာတွေ တပုံတပင်ကြီးပါတကား။ အထူးသဖြင့် ကွန်ပျူတာလို ပညာရပ်မျိုး ပိုဆိုးပါသေးတယ်။ ဒါပေမယ့်လည်း အသေးအမွှားလေးတွေကစပြီး အဆက်မပြတ်လေ့လာသွားရင် ကိုယ်ရည်မှန်းတဲ့ ပန်းတိုင်ကို ရောက်မှာသေချာပါတယ်။ Keep in Touch ပေါ့ :) ဒီနည်းလေးကိုလည်း နောင်ခါမေ့သွားရင် ဘလော့ပေါ်မှာ ပြန်ဖတ်နိုင်အောင်နှင့် သူငယ်ချင်းတွေကိုလည်း မျှဝေချင်တာကြောင့် ပို့စ်တစ်ခုအနေနှင့် sharing လုပ်လိုက်ပါတယ်။


၁။ New Document တစ်ခုကိုခေါ်ပြီး မိမိပြုလုပ်လိုသော ပုံကိုထည့်သွင်းပါ။

၂။ Layer အသစ်တစ်ခု (Shift+Control+N) ဖန်တီးပြီး Paint Backet Tool ဖြင့် အနက်ရောင်ဖြည့်ပါ။ ထို့နောက် အနက်ရောင် Layer ထဲသို့ Lens Flare (Filter Menu > Render > Lens Flare) ထည့်သွင်းပါ။ 50-300mm Zoom ရွေးလျှင် ပိုပြီး ကြည့်ကောင်းပါလိမ့်မည်။

3။ Lens Flare ထည့်သွင်းထားသော အနက်ရောင် Layer ကို select ပေးပြီး Layer Belndin Mode မှ Screen ကို ရွေးပါ။ (Linear Dodge နှင့်လည်း ကစားနိုင်သည်)။

Effect ထည့်ထားသော Lens Flare layer ကို select ပေးပါ။ Tool box မှာ Move Tool (Pointer Tool) ကို ရွေးပြီး Lens Flare စက်ဝိုင်းကို ကြိုက်သည့်နေရာသို့ Move Tool ဖြင့်ရွေ၍ ကစားနိုင်သည် :)

Via : 10 Photoshop Filters You Should Definitely Know

9 Feb 2010

Demonstration for the 63rd Anniversary of Union Day in Burma

တိုင်းရင်းသား စည်းလုံးညီညွတ်ရေး ဒို့အရေးဆိုပြီး ကြွေးကြော်၊ လက်တွေ့မှာ တိုင်းရင်းသားတွေကို အလေးမထား ထင်တိုင်းကျဲနေတဲ့ စစ်အစိုးရကို ဆန့်ကျင်တဲ့ ပြည်ထောင်စုနေ့ ဆန္ဒပြပွဲကို ပါဝင်ကြဖို့ လန်ဒန်ရောက် တိုင်းရင်းသားညီအစ်ကို အားလုံးကို ဖိတ်ခေါ်ပါတယ်။

Date: Thursday 11th February 2010

Time: 12:00 to 13:00

Venue: In front of the Burma Military Regime's Embassy
19A Charles Street Mayfair, London, W1J 5DX

--
Organised by Burma Initiative Coordination Committee
Working together with all Ethnic organisation and Democratic forces in UK

Updated: 11.02.2010
ယနေ့ ဆန္ဒပြပွဲ မှတ်တမ်းတင် ဓာတ်ပုံများ



တက်ရောက်လာကြသည့် တိုင်းရင်းသားညီအစ်ကိုမောင်နှများအားလုံးကို အထူးကျေးဇူးတင်ရှိပါသည်

Love and Hate in Burma - A Poetry Protest

To mark the second anniversary of Burmese poet Saw Wei's arrest and imprisonment, English PEN, the Democratic Party for a New Society in Burma (DPNS) and London-based poets will be holding a poetry protest outside the Burmese Embassy in London. We will be calling for the immediate and unconditional release of Saw Wei and of the many other Burmese writers of concern to PEN, including Honorary Members Aung San Suu Kyi and Zargana. The protest will include readings of Saw Wei's work in both Burmese and English, as well as performances by poets Ruth Padel and Niall McDevitt.

Date:
Sunday 14th February 2010

Time:
14:00 to 15:00

Venue:
In front of the Burma Military Regime's Embassy
19A Charles Street Mayfair, London, W1J 5DX

The protest will begin at 2pm. Please do join us if you can, and bring Valentine balloons and cards addressed to Saw Wei.

Click here for more information.

2 Feb 2010

သာသနရံသီဝိဟာရ ထမနဲထိုးပွဲနှင့် စာပေဟောပြောပွဲ အမှတ်တရ

သာသနရံသီကျောင်း (Colindale) ၏ ထမနဲထိုးပွဲကို ဇန်နဝါရီလ ၃၁ရက်နေ့ တနင်္ဂနွေနေ့က အောင်မြင်စွာ ကျင်းပပြီးစီးခဲ့ပါတယ်။ ယခင်နှစ်တွေထက် လူတွေ ပိုမိုစည်ကားလာတာတွေ့ရပါတယ်။ ထမနဲကလည်း ကောင်းမှကောင်းပဲဗျာ။ ချွေးတပြိုင်းပြိုင်းနဲ့ သံစုံဟစ်ကြွေးပြီး ထမနဲထိုးကြတာ မြန်မာပြည်က တကယ့်ထမနဲပွဲအတိုင်းပါပဲ။ တကယ့်ကို မြန်မာပြည်ကို လွမ်းစေသလို အလွမ်းလည်းပြေစေပါတယ်။

ထမနဲပွဲမတိုင်ခင်မှာ စာပေဟောပြောပွဲကိုလည်း ကျင်းပခဲ့ပါတယ်။ ဆရာတော် ဦးဥတ္တရမှ စာပေနှင့် ပက်သက်သည့် မှတ်သားဖွယ်ရာ ဆုံးမစကားများကို ဟောကြားဆုံးမတော်မူပါတယ်။ လူငယ်တိုင်း စာအုပ်စာပေလေ့လာသင့်ကြောင်း၊ စာပေမြင့်မှ လူမျိုးတင့်မည်ဖြစ်ကြောင်း၊ စာဖတ်အားကောင်းပြီး အသိဥာဏ်မြင့်မားမှသာလျှင် ကောင်းကျိုး ဆိုးကျိုးကို ဝေဖန်ပိုင်းခြားနိုင်မည်ဖြစ်ကြောင်း ဟောကြားဆုံးမတော်မူပါတယ်။ ထို့နောက် ဖိတ်ကြားထားသည့် Dr. Gustaaf Houtman (ဦးစန်းမောင်) မှ ပညာရေးနှင့် မနုဿဗေဒဆိုင်ရာများကို ဟောပြောဆွေးနွေးကြပါတယ်။ ဦးစန်းမောင်မှ နိုင်ငံခြားသားဖြစ်ပြီး မြန်မာစာပေနှင့် စကားကို မြန်မာတစ်ယောက်လို ဟောနိုင်၊ ရေးနိုင်၊ ပြောနိုင်သူဖြစ်ပြီး မန္တလေးမြို့တွင်လည်း သာသနာ့ဘောင်သို့ ဝင်ရောက်ခဲ့ဖူးတဲ့ ဗုဒ္ဓဘာသာဝင်တစ်ဦးဖြစ်ပါတယ်။


ထမနဲပွဲနှင့် စာပေဟောပြောပွဲ နှစ်ခုပေါင်းပြီးကျင်းပတဲ့အတွက် စာပေဗဟုသုတလည်းရ၊ ရာသီစာထမနဲလေးလည်းသုံးဆောင်၊ မြန်မာပြည် ထမနဲပွဲအကြောင်းတွေကိုလည်း အလွမ်းပြေ ပြောကြဆိုကြရင်း မိတ်ဆွေသစ်တွေလည်းရခဲ့သည့်အတွက် အဲဒီနေ့ဟာ လန်ဒန်မှ မြန်မာတွေအတွက် တကယ့်ကို အမှတ်ရစရာ နေ့လေးတစ်နေ့အဖြစ် ကျန်ရစ်နေခဲ့မှာ သေချာပါတော့တယ်။