CMS's Web Diary

အားလုံးကို နှုတ်ဆက်ပါတယ် ဆိုတဲ့ပို့စ် (April Fool Post) မှာ ကွန့်မန့်ဝင်ရောက်ရေးသားပေးကြတဲ့ ညီအစ်ကိုမောင်နှတွေအားလုံးကို ကျေးဇူးအထူးတင်ရှိပါတယ်။ တကယ်ထင်သွားပြီး စိတ်အနှောက်အယှက်ဖြစ်သွားတဲ့ မိတ်ဆွေတွေကိုတော့ အထူးပဲ တောင်းပန်အပ်ပါတယ်။ တစ်ချို့တွေကတော့ သိပြီးသားဖြစ်လို့ ထွေထွေထူးထူး ပြောစရာမလိုတော့ပါဘူး။ တကယ်ထင်ပြီး post တွေကို subscribe လုပ်ပြီး မဖတ်ခဲ့ရင်တော့ ကျွန်တော်ကိုယ်တိုင် April Fool ဖြစ်သွားပြီပေါ့ :(

... ဖြစ်နိုင်ရင်ပေါ့ ... " အပူအပင်ကင်းတဲ့ ကလေးလေးဘ၀သာ တစ်ခါပြန်ပြီး ရချင်သေးတယ် "

Unlucky Day ဆိုပါလား "ကံ"မကောင်းတဲ့နေလို့ ဆိုရမှာပေါ့ ... "ကံ"ဆိုတာကရော ဘာလဲ ? ဘာမှမလုပ်ဘဲ ထိုင်နေလို့ "ကံ"ကောင်းတဲ့သူတွေ ရှိလို့လားကွာ ကံဆိုတာ တကယ်တမ်းတော့ "အလုပ်"ပါပဲ

နှစ်တစ်နှစ်ကုန်ဆုံးကူးပြောင်းဖို့ နောက်ဆုံးလဖြစ်တဲ့ ဆောင်းနှင်းဖွေးဖွေးကြားက ကျွန်တော်ချစ်တဲ့ ဒီဇင်ဘာကို ရောက်ရှိလာပြန်ပါပြီ။ ကျွန်တော့်အတွက် အချစ်ဆုံး၊ အနှစ်သက်ဆုံး၊ လွမ်းစရာအကောင်းဆုံး လတစ်လလည်းဖြစ်ပါတယ်။ ဘာလို့လည်းဆိုတော့ ဒီဇင်ဘာမရောက်ခင်ကတည်းက ဆောင်း(ဒီဇင်ဘာ)သီချင်းတွေကို ကြိုပြီး နားထောင်နေခဲ့တယ်လေ။ ဆောင်းရာသီနဲ့ နှင်းဝတ်မှုန်တွေကို ခင်တွယ်နှစ်သက်မှု့ကတော့ ဘာနဲ့မှ မလဲနိုင်အောင်ပါပဲ။ အထူးသဖြင့် မန္တလေးဆောင်းရဲ့ ဒီဇင်ဘာလအချိန်လေးတွေကိုပေါ့။ ဒီမှာတော့ ခိုက်ခိုက်တုန်အောင် ချမ်းတယ် အေးတယ်။ ဒီထက်ပိုတာက အထက်ဘက် စကော့တလန်ပေါ့။ အဲဒီဘက်မှာတော့ နှင်းတွေစပြီး ကျနေပြီ။ နေကိုမြင်ရတာ ခပ်ရှားရှားပဲ။ မှတ်မိပါသေးတယ်။ ကျွန်တော် လန်ဒန်ရောက်ပြီး ခုနှစ်လအကြာ ၂၀၀၇ ဇန်န၀ါရီ၂၄ ရက်မှာ နှင်းဝတ်မှုန်တွေနဲ့ စပြီးမိတ်ဆွေဖြစ်ခဲ့တယ်။ အဲဒီတုန်းက သတင်းထဲမှာ နှင်းကျမယ်လို့ ကြေငြာကတည်းက နှင်းတွေကို ကြိုစောင့်နေခဲ့တာ။ ကျတော့ မနက်လေးနာရီထိုးနေပြီ။ အဲဒီထိ ထိုင်စောင့်နေတုန်းပဲ။ ပထမဆုံးလည်း ဖြစ်တာကြောင့် အိမ်အပြင်ထွက်ပြီး ဓာတ်ပုံတွေ ရိုက်ဖြစ်ခဲ့ပါသေးတယ်။ ဒီနှစ် ၂၀၀၈ မှာတော့ နှင်းကျတာ နှစ်ခါရှိသွားပြီ။ နည်းနည်းစောတယ်လို့ ...

စကားမစပ် ... မနက်ဖြန် East London မှာ IC show ပွဲရှိတယ်။ မျိုးကြီး၊ အငဲ၊ ၀ိုင်ဝိုင်း၊ တင်ဇာမော်နှင့် IC အဖွဲ့သားများ ဖျော်ဖြေတင်ဆက်ကြမှာ ဖြစ်ပါတယ်။ IC show က ပြည်ပမှာတင်မဟုတ် ပြည်တွင်းမှာပါ ကြည့်ရခဲတဲ့ ပွဲတစ်ခုပါ။ ဒါပေမဲ့ အလုပ်ရှိနေတာရယ် စိတ်မပါတာရယ်ကြောင့် မသွားဖြစ်တော့ပါဘူး။ သူငယ်ချင်းတို့ရေ ... ဆောရီးပါကွာ။ စကားမစပ် ... လွန်ခဲ့တဲ့လက မန္တလေး ၁၆ အထက ကျောင်းတုန်းက တစ်ခန်းတည်း အတူတူတက်ခဲ့တဲ့ ငယ်သူငယ်ချင်း တစ်ယောက်နဲ့ အပြင်မှာ (Holborn) ပြန်ဆုံခဲ့တယ်။ စကားတွေပြောရင်း အသက်ပြန်ငယ်သွားသလို ၁၆ကျောင်းကြီးကိုလည်း သတိရမိတယ်။ သူငယ်ချင်းကတော့ အရင်အတိုင်းပဲ ဘာမှ မပြောင်းလဲဘူး။ ငယ်ငယ်ကလို စာတော်မြဲပဲ။ အခုလဲ LSE မှာ Economic and Economic History ကို Master ဖတ်နေတယ်။ သူတင်မဟုတ်ဘဲ သူ့ညီကလဲ ဒီနှစ်ထဲမှာပဲ King College ကို ၀င်ခွင့်ရတယ်။ သူအစ်မကတော့ Imperial ကနေ ကျောင်းပြီးထားပါတယ်တဲ့။ ကျွန်တော် သူတို့ မောင်နှမသုံးယောက်လုံးကို အရမ်းလေးစား အားကျသွားတယ်။ သူကတော့ Master မှာ စာတွေ ဖတ်ရလွန်းလို့ ငြီးနေလေရဲ့။ စကားမစပ် ... စင်ကာပူမှာ Electronic နဲ့ အလုပ်လုပ်နေတဲ့ ၁၆ ကျောင်းက သူငယ်ချင်းတစ်ယောက်နဲ့လည်း အွန်လိုင်...

မေမေကမွေးပြီး ဖေဖေကကျွေးလို့ ကြီးပြင်းခဲ့ရတဲ့ကျွန်တော် ဒီနေ့ဆိုရင် အသက် ၂၄ နှစ်ပြည့်ပြီ။ မေမေမွေးခဲ့တဲ့ကျွန်တော် အသက်တစ်နှစ်ထပ်ပြီးကြီးသွားပြန်ပြီ။ ဒီနှစ် မွေးနေ့ (အောက်တိုဘာ ၂၉ရက်နေ့) မှာ ကျွန်တော်ကုသိုလ်ကောင်းမှု ကိုယ်တိုင်မလုပ်နိုင်ဘူး။ ဒါပေမဲ့ ဘုန်းဘုန်းတို့ကို လစဉ်ဆွမ်းအတွက် ပိုက်ဆံထည့်ပြီးတော့ အသိတစ်ယောက်ကို လှူခိုင်းလိုက်တယ်။ နိုဝင်ဘာ ၂ ရက်နေ့ရောက်မှပဲ Colindale ကျောင်းက ပြုလုပ်တဲ့ ကထိန်ပွဲမှာ ဖေဖေ့မွေးနေ့၊ မမမွေးနေ့နဲ့ပေါင်းပြီး ထပ်လှူမယ်လို့ စိတ်ကူးထားတယ်။ အခုတလော ကျောင်းကို ပြန်သွားနေရတာရယ် အလုပ်တစ်ဘက်ရယ်ဆိုတော့ ပင်ပန်းတယ်ဗျာ။ သူငယ်ချင်းတွေကိုလည်း ဘာမှ မကျွေးနိုင်ဘူး။ ဒီလိုမွေးနေ့မျိုး ဒါဟာ ပထမဆုံးပဲ။ နေးတစ်မြန်မာဖိုရမ် မှာ မွေးနေ့ဆုတောင်း လုပ်ပေးကြတဲ့ သူငယ်ချင်းမိတ်ဆွေတွေကိုလည်း ဒီနေရာကနေပဲ ကျေးဇူးတင်ကြောင်း ပြောပါရစေ။ အသက်တစ်နှစ်ကြီးသွားပေမယ့် ကျွန်တော် မလိမ္မာသေးဘူး။ မရင့်ကျက်သေးဘူး။ ဒါပေမဲ့ လောကကြီးအကြောင်း အထူးသဖြင့် လူတွေအကြောင်းကို ပိုပြီး သိလာတယ်။ ကိုယ့်ခြေထောက်ပေါ်ကိုယ် ရပ်တည်နေသင့်တဲ့ အရွယ်ရောက်နေပေမဲ့ ခြေထောက်တစ်ဖက်လောက်နဲ့ပဲ ရပ်တည်နိုင်တဲ့ အနေအထားပဲရှိနေသေးတယ်။ ကြို...

မေမေဆုံးတာ တစ်နှစ်ပြည့်အထိမ်းအမှတ်အနေနဲ့ မေမေ့အတွက် ရည်စူးပြီး ဘုန်းကြီးကျောင်းမှာ လွန်ခဲ့တဲ့အပတ် တနင်္ဂနွေနေ့ (၁၄.၀၉.၀၈) မှာ ကျွန်တော့်နှင့် ကျွန်တော့်အစ်မ ဘုန်းဘုန်းဦးဥတ္တရကို အမှူးထားပြီး ဆွမ်းကပ်ခဲ့ကြပါတယ်။ မေမေ ... ၀မ်းမြောက်ဝမ်းသာ သာဓုခေါ်ပါ။ သာသနာ့ရံသီဝိဟာရ (Colindale, London) ဘုန်းကြီးကျောင်းမှာ သီတင်းသုံးနေတဲ့ မဟာဇယသုခ အောင်မြင်ချမ်းသာ ဘုရားကြီးပါ။ ဒီဘုရားဆင်းတုတော်ကြီးကို လန်ဒန်ထိရောက်အောင် သယ်ယူဖို့အတွက် ဆရာတော် ဦးဥတ္တရ တော်တော်လေး ကြိုးစားအားထုတ်ခဲ့ရပါတယ်။ မိတ်ဆွေသူငယ်ချင်းများ ဖူးမြော်နိုင်ဖို့ရာ တင်ပြပေးလိုက်ရပါတယ်။ လန်ဒန်ရောက်မြန်မာများ ကိုယ်တိုင်ကိုယ်ကျ သွားရောက်ဖူးမျှော်ချင်တယ်ဆိုရင် အောက်ပါလိပ်စာအတိုင်း သွားရောက်ပြီး ဖူးမျှော်နိုင်ပါတယ်။ Sasana Ramsi Vihara 83, Booth Road, Colindale, London, NW9 5JU www.burmesemonastery.org.uk

စာမေးပွဲ နှင့် Project အတွက် ဘလော့ရေးခြင်းမှ ခေတ္တ နားပါဦးမည်။ နောက်လရောက်မှ ပို့စ်အသစ် ဒီဇိုင်းအသစ်တွေနဲ့ ပြန်လည်ဆုံတွေ့ကြတာပေါ့ :) ဘလော့လာမိတ်ဆွေများအားလုံး ကျန်းမာပျော်ရွှင်ပါစေ ခင်မင်လေးစားလျက် CMS

စိတ်၏စေရာကြောင့် လူတွေ ဖြစ်တည်နေကြတယ်လို့ ပြောမယ်ဆိုရင် မှားမယ်မထင်ပါဘူး။ အကောင်းအဆိုး အကြောင်းအကျိုးတွေဟာလည်း စိတ်၏စေညွှန်ရာပေါ်မှာပဲ အခြေခံပြီး ဖြစ်တည်နေကြပါတယ်။ ပျင်းရိခြင်းခြောက်ပါးနောက်ကို စိတ်၏စေရာလိုက်ပြီး ပျက်စီးသွားရသလို ကြိုးစားဆောင်ရွက်မှု တက်ကြွမှုနောက်ကို စိတ်၏စေရာလိုက်ပြီး လူတွေ တိုးတက်သွားကြပါတယ်။ လူ့စိတ် သဘောသဘာဝကလည်း အတော်ကို ထူးဆန်းဖို့ကောင်းတယ်။ အရေးကြီးတဲ့ ကိစ္စတစ်ခုအတွက် မနက်စောစောစီးစီး လေးနာရီ ငါးနာရီလောက် အိပ်ရာထဖို့ဆိုရင် သေမလောက် အပျင်းကြီးနေပေမယ့် ရည်းစားဆီက အဖြေရဖို့အတွက် စောစောသွားရမယ်ဆိုရင်တော့ ထင်တာထက်ကို ပိုစောပြီး နိုးနေပါလိမ့်မယ်။ လူက စိတ်ကိုနိုင်နေတာကောင်းပေမယ့် စိတ်က လူကိုနိုင်သွားပြီဆိုရင်တော့ သတိထားဖို့လိုပြီ။ အဲဒီထက် ဆိုးတာက မကောင်းစိတ်က လူကို နိုင်သွားပြီဆိုရင်တော့ ဘ၀ပျက်ဖို့ (သို့) ခွေးဖြစ်ဖို့ အလားအလာပိုများသွားပြီ။ စိတ်၏စေရာ ... စိတ်၏စေရာ

စလုံး စလုံးနဲ့ ကျွန်တော်တို့ ရွှေမြန်မာတွေ ခေါ်ဝေါ်နေကြတဲ့ နာမည်ကို လူတိုင်း ရင်းရင်းနှီးနှီး ကြားဖူးကြမှာပါ။ အဲဒီ စလုံးဆိုတဲ့ စင်္ကာပူကတော့ ကျွန်တော့အတွက် အိမ်မက်ထဲက ခြင်္သေ့မြို့တော်ပါပဲ။ စင်ကာပူကို အရမ်းကို သွားလည်ချင်တယ် ရောက်ဖူးချင်တယ်။ စလုံးမှာ သူငယ်ချင်းတွေ၊ မိတ်ဆွေတွေ အပြင် ဆွေမျိုးအချို့လည်း ရှိတယ်။ ဒါပေမဲ့ အကြောင်းအမျိုးမျိုးကြောင့် အခုထိ မရောက်နိုင်သေးဘူး။ အိမ်မက် မက်နေဆဲပဲ :) မန္တလေးက ရင်းနှီးတဲ့ သူငယ်ချင်း အတော်များများလည်း စလုံးကို ရောက်ကုန်ကြပြီ။ နောက်ဆို အကုန်လုံးနီးပါး ရောက်ကြမယ်ထင်တာပဲ။ အခုလည်း သွားဖို့လုပ်နေတဲ့ သူငယ်ချင်းအချို့ မန္တလေးမှာ ရှိနေတယ်။ စလုံးဟာ နောက်ပိုင်းမှာ မြန်မာတွေကြီးစိုးတဲ့ မြို့ကြီးတစ်မြို့ မလွဲမသေဖြစ်လာတော့မှာ ကျိန်းသေပါပဲ။ သူငယ်ချင်းတွေ စလုံးကို ရောက်သွားတာ ကျွန်တော်အရမ်းဝမ်းသာတယ်။ နောက်ပြီး ကျွန်တော့်အတွက် lonely လည်း မဖြစ်တော့ဘူး။ ၀မ်းသာတယ်ဆိုတာကတော့ ကိုယ့်ဘ၀ကိုယ် ပိုင်ပိုင်နိုင်နိုင် တည်ဆောက်နိုင်ဖို့ရာ လမ်းကြောင်းတစ်ခုပေါ် ရောက်သွားလို့ပါ။ နောက်တစ်ခုက သူငယ်ချင်းတွေနဲ့ အလွယ်တကူ ဖုန်းပြောဆက်သွယ်လို့ရတယ်လေ။ မြန်မာပြည်ထဲမှာဆိုရင်တော့ ဖုန်းကတ်ဈေးကြီးတာနဲ့ ...

ချီးမွမ်းခြင်း ကဲ့ရဲ့ခြင်း ကင်းလွတ်သောသူ မရှိသလောက်နည်းပါး ရှားပါတယ်။ ဟုတ်ပါတယ်။ ကျွန်တော်အပါအ၀င် လူအချို့ ကိုယ့်ထမင်းကိုယ်စားပြီး သူတစ်ပါးကို ကဲ့ရဲ့ကြတယ်၊ ချီးမွမ်းကြတယ်။ အဲဒီနှစ်မျိုးထဲကမှ သူတစ်ပါး ကျရှုံးသည်ဖြစ်စေ အောင်မြင်သည်ဖြစ်စေ လိုက်ပြီး ကဲ့ရဲ့နေသူတွေကတော့ အတော်ကို စိတ်ပျက်ဖို့ကောင်းလှပါတယ်။ မြှောက်ပြောသလိုနှင့် ကဲ့ရဲ့ခြင်း၊ အကြောင်းမရှိ အကြောင်းရှာပြီး ကဲ့ရဲ့ခြင်း စသည်ဖြင့် နည်းအမျိုးမျိုးနဲ့ပေါ့။ သူတစ်ပါးကို ချီးမွမ်းတဲ့စကား တစ်ခွန်းပြောဖို့ထက် ကဲ့ရဲ့တဲ့စကား ဆယ်ခွန်းပြောဖို့က အမြဲသာနေတတ်တယ်။ အခုတလော အခြေအနေ သိပ်မလှဘူး။ နားအေးပါးအေး နေနေလည်း ကဲ့ရဲ့ခံနေရတယ်။ မလွယ်ပါလား။ ကိုယ့်စိတ်ကိုသိလို့ ဘာမှမပြောဘူး နေပြန်ရင်လည်း ပိုပိုဆိုးလာတယ်။ ပြန်ပြောလိုက်မိရင်လည်း စိတ်ထိန်းနိုင်မှာမဟုတ်ဘူး။ အဲဒီတော့ အရိုးရှင်းဆုံး စဉ်းစားလိုက်ရင် ကိုယ့်ကို ကဲ့ရဲ့တာ မခံချင်ရင်၊ သူတစ်ပါးကိုလည်း မကဲ့ရဲ့ မိပါစေနှင့်လို့ပဲ စိတ်ဖြေလိုက်တော့တယ်။ သူတစ်ပါးကို လက်ညှိုးတစ်ချောင်းထိုးဖို့ချိန်လိုက်တိုင်း ကိုယ့်ဘက်ကို ကျန်တဲ့ လက်ချောင်းလေးချောင်းက အော်တိုချိန်ပြီးသားဖြစ်နေတယ်လေ။ ဒါလည်း လူဖြစ်ရတဲ့ ဒုက္ခတစ်မျိုးပါပဲလား...

Waterloo Bridge ရဲ့အောက်မှာ တည်ရှိပြီး စာအုပ်ကောင်းတွေရော အဟောင်းတွေရော ဈေးချိုချိုနဲ့ ၀ယ်လို့ရနိုင်တဲ့နေရာလေးတစ်ခုပါ။ စာအုပ်တွေအပြင် ပန်းချီကားတွေကိုလည်း ရောင်းချနေတာ တွေ့ရပါတယ်။ စာဖတ်ဝါသနာပါသူ၊ စာအုပ်စုဆောင်းသူတွေအတွက် အကြိုက်တွေ့စရာနေရာလေးတစ်ခုပါ။ ဒီစာအုပ်ဈေးလေးကို မြင်တော့ ကျွန်တော်တို့ ရွှေမန္တလေးရဲ့ ဈေးချိုညဈေးတန်းကိုလည်း သတိရမိတယ်။ ဈေးချိုညဈေးတန်းမှာလည်း စာအုပ်အဟောင်းတွေကို ဈေးပေါပေါနဲ့ ရှာဖွေဝယ်ယူလို့ရပါတယ်။ စာဖတ်ဝါသနာပါသူတွေအတွက် စာအုပ်တိုက်တွေ စာအုပ်ဆိုင်တွေမှာ စာအုပ်ရှာလို့မရတော့ရင် ဈေးချိုညဈေးတန်းကို ပြေးရပါတယ်။ အဲဒီမှာမှ မရရင်တော့ ရဖို့ရာ သိပ်ပြီး မသေချာလှတော့ပါ။ ကွန်ပျူတာသင်တန်းတက်တုန်းက သူငယ်ချင်းတွေနဲ့အတူ ညဘက် ဗိုက်ဆာရင် ဈေးချိုညဈေးတန်းဘက်ကို သွားပြီး မုန့်စားကြတယ်။ ညဈေးတန်းမှာ အကြိုက်ဆုံးကတော့ ၀က်သားဒုတ်ထိုး။ ဆိုင်နာမည်က ဦးလေးကြီး။ တစ်ခါတစ်ခါစားရင် အဆုံးမသတ်နိုင်ပဲ ဈာန်ဝင်သွားပြီး ရှစ်ရာ တစ်ထောင်ဖိုးလောက် ထိရောက်ရောက်သွားတယ်။ ရောက်လဲ ရောက်သင့်ပါတယ် ... အသီးမှာ သရက်၊ အသားမှာ ၀က် မဟုတ်လား။ နောက်တစ်ခုကျန်တာက အသားမှာ လက်ဖက်။ ဈေးချိုဘက်ရောက်လို့ လမ်းကြုံရင် သူ...

အချိန် - Time အချိန်ဆိုတာ လောကကြီးကနေ လူတိုင်းအတွက် ဘက်မလိုက်ဘဲ ညီတူညီမျှ ခံစားခွင့်ရကြတဲ့ လက်ဆောင်မွန် တစ်ခု ဒါပေမဲ့ ... အဲဒီအချိန်အတွင်းမှာပဲ တစ်ချို့တွေ အောင်မြင်သွားကြတယ် တစ်ချို့တွေ ကျရှုံးသွားကြတယ် အဲဒီအချိန်အတွင်းမှာပဲ တစ်ချို့တွေ ချမ်းသာသွားကြတယ် တစ်ချို့တွေ ဆင်းရဲသွားကြတယ် အဲဒီအချိန်အတွင်းမှာပဲ တစ်ချို့တွေ ကွယ်လွန်သွားကြတယ် တစ်ချို့တွေ မွေးဖွားလာကြတယ် မိတ်ဆွေ ... သင်ရော ... သင့်အချိန်တွေကို ဘယ်လိုနည်း/ဟန်နဲ့ အသုံးပြုနေသလဲဆိုတာ သင့်ကိုယ်သင် စာမေးပွဲ စစ်ပြီးပါပြီလား -- အေးချမ်းမဉ္ဖူ

ပူဇော်၍မကုန် ရွှေစည်းခုံ ဆည်းဆာနှင့်အတူ နေ၀င်ရှူ့ခင်း မြစ်မင်းဧရာ မျှော်၍ကြည့်သည် ပုဂံမျှော်စင်မှသည် ပုဂံကို သတိရနေတာနဲ့ ၂၀၀၇ ဒီဇင်ဘာလတုန်းက ပုဂံကိုရောက်ခဲ့တုန်း ရိုက်ထားတဲ့ ပုံတွေကို တင်လိုက်တာပါ။ မဟာဆန်တဲ့ ပုဂံဟာ ကျွန်တော့်အတွက်တော့ မြန်မာပြည်မှာရှိတဲ့ မြို့တွေထဲမှာ အသွားချင်ဆုံး၊ သွားလည်လို့ မရိုးနိုင်တဲ့ မြို့ထဲမှာ တစ်မြို့အပါအ၀င်ပါပဲ။ ထို့ကြောင့်လည်း ပုဂံကို စရောက်သည်နှင့် မနားဘဲ ကင်မရာတစ်လုံး ကိုင်ဆောင်ပြီး ဘုရားတွေ၊ ရှူ့ခင်းတွေဆီသို့ ခြေဦးလှည့်ခဲ့သည်က များသည် :)

ပြည်သူ ပြည်သားတွေ သဘာဝ ဘေးအန္တရာယ်ကြောင့် ဒုက္ခရောက်နေရတဲ့ကြားထဲမှာ ဒီ ဘာမဟုတ်တဲ့ ဆန္ဒခံယူပွဲကိုလည်း ရှေ့ဆက်ဦးမယ်။ ခင်ဗျားတို့ လူစိတ်ရော ရှိကြရဲ့လားဗျာ။ ခင်ဗျားတို့ သူများတွေရဲ့ မှိုင်းတိုက်ခံရတယ်ဆိုတာ အသာထားပါဦး။ ခင်ဗျားတို့မှာ နဂိုရှိပြီးသား လူအချင်းချင်း သနားညှာတာစိတ်၊ ဖေးမကူညီချင်စိတ်လေးတွေ ဘယ်ရောက်ကုန်တာတုန်း။ တကယ်အံ့သြတယ်ဗျာ။ မုန်တိုင်းဒဏ်သင့် ဒုက္ခသည်တွေကို လာကူညီတဲ့ ကုလသမဂ္ဂ အစားအစာလေယာဉ်တွေကိုတောင် ခင်ဗျားတို့ လုပ်ချင်သလို လုပ်ပစ်လိုက်တယ်။ တော်တော် တရားလွန်တယ်ဗျာ။ ဒီအချိန်မှာ ခင်ဗျားတို့ လုပ်ချင်တာထက် လုပ်သင့်တာကို အရင်ဦးစားပေးပါလို့ တောင်းဆိုပါရစေ။ မုန်တိုင်းဘေးသင့်တဲ့ ဓာတ်ပုံတွေကို ကြည့်လိုက်ရင် တကယ့်ကိုပဲ ရင်ကွဲ ဆို့နင်ဖွယ်တွေချည်းပဲဗျာ။ အဲလို သေနေတဲ့သူတွေ ဒုက္ခရောက်နေတဲ့သူတွေသာ ခင်ဗျားတို့ အမျိုးအရင်းတွေသာဆို ဘယ်လိုလုပ်မလဲ? လူသားချင်း ညှာတာ ထောက်ထားစိတ်ကလေးတော့ ထားကြဖို့ ကောင်းပါတယ်ဗျာ။ အခုလို ခင်ဗျားတို့ လုပ်နေတဲ့ လုပ်ရပ်တွေ၊ စာနာစိတ် ကင်းမဲ့မှုတွေကြောင့် နောင်တစ်ချိန်မှာ ကျွန်တော်တို့ရဲ့ မြန်မာ့သမိုင်းစာအုပ်ကို ပြန်လှန်ရမှာတောင် ရှက်တယ်ဗျာ။

မင်္ဂလာရှိသော နှစ်သစ်ပါ ခင်ဗျာ ... နှစ်ဟောင်း တစ်နှစ်ကုန်လို့ နှစ်သစ်တစ်ခုကို ရောက်ပြန်ပါပြီ။ တစ်နှစ် တစ်နှစ်ကလည်း မြန်ပါ့။ အသက်တစ်နှစ် ပိုကြီးပြီး သေဖို့တစ်နှစ် ပိုနီးသွားပြီ စိတ်ထဲမှာ နှစ်သစ်ကူးအထိမ်းအမှတ် အနေနဲ့ ဘုရားမှာ ဆုတောင်းချင်တာလေးတွေရှိတယ်။ ဒီ အသက် ဒီ အရွယ်အထိ မတောင့်မတ မကြောင့်မကျဖြစ်အောင် ကျွေးမွေးပြုစုလာခဲ့တဲ့ ဖေဖေ နှင့် (မေမေ) ကျန်းမာ ချမ်းသာပါစေ။ မြန်မာပြည်ကြီး အမြန်ဆုံး ငြိမ်းချမ်းပြီး လူအချင်းချင်း နှိပ်စက်ခြင်း ဘေးမှ ကင်းဝေးနိုင်ပါစေ။ သူငယ်ချင်း မိတ်ဆွေများလည်း နှစ်သစ်မှာ အောင်မြင်မှုအပေါင်း သရဖူဆောင်းနိုင်ပြီး ကျန်းမာရွှင်လန်းကြပါစေ။ မြန်မာပြည်တစ်လွှား မီးဘေး၊ စစ်ဘေး၊ အငတ်ဘေး ဒုက္ခများမှလည်း ကင်းဝေးပါစေ။ ဒီလို နှစ်ဆန်းတစ်ရက်နေ့ရောက်တိုင်း မန္တလေး မဟာမြတ်မုနိဘုရားကြီးသို့ အမြဲသွားလေ့ရှိတယ်။ အခုတော့ စိတ်ထဲကပဲ ဘုရားကြီးကို အာရုံပြု ဆုတောင်းလိုက်ပါတယ်။ Tags: Myanmar New Year , New Year , New Year Wish , Happy New Year

If you like my design, please vote my design here Photoshop tutorial လေးတွေရှာရင်း Logo Design Contest တစ်ခုကို PhotoshopCandy ဆိုတဲ့ site မှာသွားတွေ့လို့ Design ဆွဲပြီး ၀င်ပြိုင်ထားပါတယ်။ ရိုးရိုးရှင်းရှင်း Design လေးပါပဲ။ မနေ့က submit လုပ်လိုက်တယ်။ အခု အဲဒီ site ရဲ့ Contest page ပေါ်မှာရောက်နေပါပြီ။ ပြိုင်ပွဲက 13 April မှာ ပိတ်မှာဖြစ်တဲ့အတွက် Design ၀ါသနာပါသူ မိတ်ဆွေများ ၀င်ရောက် ယှဉ်ပြိုင်နိုင်ရန်လည်း ကြော်ငြာမောင်း ထုလိုက်ရပါတယ်။

"ဟလို .... ဟလို ... ကြားလား ... ဟလို" မြန်မာ ပြည်ကို လန်ဒန်စံတော်ချိန် မနက် ၃ နာရီလောက်တွင် လူငယ်တစ်ယောက် ဖုန်းခေါ်ဆိုနေခြင်းဖြစ်သည်။ စပြီးခေါ်ကာစက မိနစ်တွေသာ စားသွားသည်၊ လုံးဝအဆင်မပြေ။ တစ်ဘက်မှအသံကို ခေါ်သူဘက်မှ ကြားရပြီး မိမိ၏ အသံကို တခြားဘက်မှ မကြားရဘဲဖြစ်နေသည်။ ဘယ်လိုများ ဖြစ်နေပါလိမ့်။ နောက်တော့ သီးခံခြင်းသည် အောင်မြင်ခြင်းဆိုရာ၏ ဆိုသလိုပဲ ကြိုးစားပမ်းစား သီးခံစိတ်ရှည်ပြီးခေါ်ဆိုမှ ရတော့သည်။ လွန်ခဲ့တဲ့ တစ်ပတ်လောက်က မီးသွေးတုံးကြီး မြန်မာပြည်ရောက်နေတော့ ဖုန်းလိုင်းတွေ တော်တော်ကြပ်သည်ဟု ပြောသံကြားပါသည်။ အခု မီးသွေးတုံးလည်း ပြန်သွားပါပြီ။ သို့သော် ဖုန်းလိုင်းတွေက အဆင်မပြေဖြစ်ဆဲပဲ။ မြန်မာပြည်ကလည်း အလွန်ပင် အဆင်အတန်းမြင့်မားသော နိုင်ငံဖြစ်သည့် အားလျော်စွာ နာရီဝက်သာသာ စကားပြောဆိုနိုင်ရုံ ဖုန်းကတ်တစ်ကတ်ကိုပင် ၂ ပေါင်ခွဲလောက်ပေးရသည်။ ပေးရသည့် ဖုန်းကတ်ဖိုးနှင့် ပြန်ရသည့် service က ဘာမှမဆိုင်။ တစ်ခါတစ်ခါ အကောင်းမြင်ကြည့်ပါသေးတယ်။ ဖုန်းကတ်ကြောင့်ပဲဖြစ်မှာပဲ ဒါမှမဟုတ် ဒီကပဲ လိုင်းတွေကြပ်နေလို့ ဖြစ်မှာပါဟု ပြောင်းလဲတွေးကြည့်သေးသည်။ သို့သော် တကယ်ဖြစ်နေတာက မဆိုင်ရေးချ မဆိုင်။ အိုဘယ့် ... ...

Holland Park ထဲက Kyoto Garden ကိုရောက်တုန်း ရိုက်ခဲ့တဲ့ ပုံလေးပါ။ ရေကန်လေးထဲမှာ ငါးတွေအများကြီးပဲ။ ဒါပေမဲ့ ထူးထူးခြားခြား ကမ်းစပ်နားမှာ တစ်ကောင်တည်း လာကပ်နေတယ်။ ငိုင်နေတာလား၊ အသည်းကွဲနေတာလား ဒါမှမဟုတ် သူ့ချစ်သူနဲ့ တွေ့ခွင့်မရလိုက်လို့လား ပန်းခြံထဲက Daffodale ပန်းခင်းကြီးတွေလည်း အရမ်းလှတယ်။ နောက်နေ့မှ ပန်းပုံတွေ ထပ်တင်ပါဦးမယ်။ ပန်းခြံထဲရောက်တုန်းမှာ မိုးနတ်မင်းကလည်း ကောင်းချီးပေးတယ်။ နောက်တော့ မိုးရေစိုပြီး ချမ်းစိစိနဲ့ အိမ်ပြန်ရောက်ခဲ့တယ်။ Tags: daffodale , holland park , holland , park , kyoto garden , kyoto , garden

ဒီပို့စ်ကိုတင်ရခြင်းရဲ့ ရည်ရွယ်ချက်ကတော့ ကျွန်တော်လက်ရှိအသုံးပြုနေတဲ့ OS နဲ့ software တွေအကြောင်းကို ပြောပြပြီး အမြင်ချင်း ဖလှယ်ချင်တာရယ်၊ နောက်ပြီး အသုံးပြုနေတဲ့ software တွေအစား ပိုမိုသင့်တော်မည့် software များအကြောင်းကိုလည်း အကြံဥာဏ်ပေးလိုတာကြောင့်ပါ။ လက်ရှိသုံးနေတဲ့ software တွေကို အသုံးပြုချင်တဲ့သူတွေအတွက်လည်း Link တွေလုပ်ပေးထားလို့ Download လုပ်ပြီး သုံးနိုင်ပါတယ်။ ကျွန်တော့်အမြင်မှာတော့ OS ဆိုတာ ထမင်းဝိုင်းတစ်ဝိုင်းမှာ ထမင်းအိုးကြီးနဲ့တူပြီး software ဆိုတာ ဟင်းခွက်တွေ၊ ဟင်းချိုရည်ခွက်လေးတွေနဲ့တူတယ်။ ထမင်းမကောင်းရင်လည်း စားရတာမမြိန်သလို၊ ဟင်းမကောင်းတဲ့အခါမှာလည်း စားရတာမမြိန်တော့ပါဘူး။ တစ်ခါတလေမှာ ဈေးကြီးပေးရတဲ့ ထမင်းတွေ ဟင်းတွေက စားလို့မကောင်းသလို သာမန်ဈေးပေါပေါနဲ့ လူတန်းစေ့စားနိုင်တဲ့ ထမင်း၊ ဟင်းတွေကပိုပြီး ကောင်းနေတတ်တယ်လေ။ OS Window Visa 32 bit home premium ကို အသုံးပြုနေပါတယ်။ Laptop ၀ယ်ကတည်းက ပါတာဆိုတော့ ပြောင်းသုံးဖို့ စိတ်ကူးမရှိသေးပါဘူး။ အဆင်ပြေတဲ့အချိန်ကျရင်တော့ ပန်းသီးလေးကို သုံးချင်ပါသေးတယ်။ MS Office 2007 ဒါလည်း ၀ယ်ကတည်းက ပါတာပါပဲ။ သို့ပေမဲ့ user friendly ဖြစ်အောင်...