Skip to main content

ဟင်္သာတို့ရဲ့ နန်းတော်ရှေ့








မန္တလေးကိုလွမ်းရင် ဒီသီချင်းကိုလဲ နားထောင်ဖြစ်တယ်။ နားထောင်မိရင် ပိုပြီးလွမ်းတယ် :)

မန္တလေးမှာ နန်းရှေ့ (သို့) နန်းတော်ရှေ့ဆိုတဲ့ အေးချမ်းတဲ့ ရပ်ကွက်လေးတစ်ခုရှိပါတယ်။ နန်းမြို့ရိုးကြီးရဲ့ အရှေ့ဘက်မှာ တည်ရှိတာဖြစ်တဲ့အတွက် နန်းရှေ့လို့ခေါ်ဆိုကြတယ်လို့ မှတ်သားခဲ့ဖူးပါတယ်။ ဒီသီချင်းလေးဟာလည်း နန်းတော်ရှေ့မှာနေသွားတဲ့ "ဟင်္သာ"ဆိုတဲ့ မိန်းကလေးတစ်ယောက်အကြောင်း ရေးဖွဲ့ရင်း ဖြစ်ပေါ်လာတယ်လို့ ကြားသိရပါတယ်။

မေမေ ပင်စင်မယူခင်တုန်းကတော့ မန္တလေး သမ၀ါယမကောလိပ်ထဲမှာနေခဲ့ပါတယ်။ မေမေ ပင်စင်ယူပြီးနောက်ပိုင်းမှာတော့ အဲဒီ နန်းတော်ရှေ့ ရပ်ကွက်လေးထဲကို ပြောင်းရွှေ့နေထိုင်ခဲ့ပါတယ်။ တကယ့်ကို အေးချမ်းတဲ့ ရပ်ကွက်လေးပါ။ အရိပ်အာဝါသကောင်းတဲ့ သစ်ပင်ကြီးတွေနဲ့ ညှို့မှိုင်းနေတတ်ပြီး ဘုန်းကြီးကျောင်းတွေ၊ စာသင်တိုက်တွေနဲ့ ၀န်းရံထားတဲ့ နေချင်စဖွယ် ရပ်ကွက်လေးပါ။

နေ့တစ်နေ့ရဲ့ နိဒါန်းဖြစ်တဲ့ မနက်ပိုင်း နေ၀န်းနီနီလေးကိုလည်း ကျွန်တော်တို့ နန်းရှေ့ဘက်ကနေ အရင်ဦးဆုံး မြင်တွေ့ရပါတယ်။ မနက်ပိုင်းဆိုရင် နန်းရှေ့ဈေးကြီးထဲမှာ နံနက်ခင်းရဲ့ သင်္ကေတတစ်ခုဖြစ်တဲ့ ဈေးသည်တွေရဲ့ ဈေးခေါ်သံတွေကိုလည်း ကြားနေရတတ်ပါတယ်။ ရန်ကင်းတောင်၊ ပုသိမ်ကြီးဘက်ကနေ မန္တလေးမြို့ထဲသို့ အလုပ်သွား အလုပ်ပြန်ကြတဲ့ အလုပ်သမားစက်ဘီးတန်းကြီးလည်း နန်းရှေ့မှ တွေ့မြင်ခံစားနိုင်ပါသေးတယ်။ မန္တလေးမြို့ရဲ့ အထင်ကရနေရာတွေဖြစ်တဲ့ မန္တလေးတောင်၊ ရွှေကျောင်းကြီး၊ ရွှေနန်းတော်၊ ကုသိုလ်တော်၊ အမျိုးသားပြဇာတ်ရုံ စတဲ့နေရာတွေကိုလည်း ကျွန်တော်တို့ နန်းတော်ရှေ့ ငါးမိနစ်ခန့် ခရီးဖြင့် ရောက်ရှိနိုင်ပါတယ်။

နန်းရှေ့ကိုသွားရင်း မောလို့ အပန်းဖြေချင်တယ်ဆိုရင်လည်း မန္တလေးကျုံးရှေ့ အမျိုးသားကဇာတ်ရုံအနီးက Cafe City ဆိုတဲ့ဆိုင်လေးမှာ ကျုံးအလှအပကို ခံစားရင်း အပန်းဖြေနိုင်ပါသေးတယ်။ ကဲ ... လမ်းကြုံလို့ ကျွန်တော်တို့ ရွှေမန္တလေးကို ရောက်ရှိခဲ့ရင် နန်းတော်ရှေ့ရက်ကွက်လေးကိုလည်း သွားရောက်လည်ပတ်ကြည့်ဖို့ တိုက်တွန်းလိုက်ပါရစေ။

Comments

Popular posts from this blog

မရောက်တာကြာပြီ

ဘလော့လာပြီး မရေးဖြစ်တာ ၂ နှစ်နီးပါးရှိသွားပြီပဲ။ ဖေ့ဘုတ်တွေပေါ်လာပြီးကတည်းက ဒီဘက်ကိုလှည့်မလာဖြစ်ဘူး။ ပြန်ရေးဖြစ်အောင် လုပ်ရမယ်။ အဓိကကတော့ ကိုယ်စိတ်ဝင်စားတဲ့အကြောင်းအရာတွေကို ပြန်ပြီးရေးချင်တယ်။ အဓိကကတော့ ဓာတ်ပုံနှင့် နည်းပညာသတင်းတွေကိုပေါ့။

eBook : သီပေါမင်းပါတော်မူ အရေးတော်ပုံ - အမျိုးသားပညာဝန် ဦးဖိုးကျား

Download
သီပေါမင်းပါတော်မမူမီနှင့် ပါတော်မူပြီးခါစ နိုင်ငံအခြေအနေ ... ပါတော်မူရခြင်း အကြောင်းအရင်းတို့ကို နိုင်ငံခြားသားတို့က မဟုတ်မမှန် ဖော်ပြရေးသားထားမှုများအား အမျိုးသားပညာဝန် ဦးဖိုးကျားက တုံ့ပြန်ချေပထားသော စာအုပ်

ဆရာကြီး မင်းသုဝဏ်ရဲ့ ယခုခေတ်နှင့်ကိုက်ညီသော ကဗျာတစ်ပုဒ်

မြန်မာတို့အတွက်

ငါသာလျှင်တော် သူမတော်ရ
လူတော်ထင်မှာ တို့မြန်မာကို
ဘယ်ခါဆယ်၍ရမည်လည်း

ကြွားရင်းနှင့်နစ် ဝါးရင်းနစ်သည့်
နစ်လျှက်နေပါတို့မြန်မာကို
ဘယ်ခါဆယ်၍ရမည်လည်း

အကောင်းဆိုးထင် ဆိုးကောင်းထင်နှင့်
အထင်လွဲပါ တို့မြန်မာကို
ဘယ်ခါဆယ်၍ ရမည်လည်း

သူ့ကိုငါညှိုး ငါ့သူညှိုးနှင့်
အညှိုးကြီးပါ တို့မြန်မာကို
ဘယ်ခါဆယ်၍ ရမည်လည်း

ငြီး၍မပြီး ညူမပြီးဘူး
အပြီးတကာ လုပ်နိုင်ပါမှ
တော်ရာရောက်လိမ့် နောင်အဖို့
နိုးကြထကြမြန်မာတို့ သားမြေးတို့အတွက် ကြိုးပမ်းစို့

ဆရာကြီး မင်းသုဝဏ်