28 Jan 2009

London Chinese New Year 2009 : Year of Ox

၂၆ ရက်နေ့ (တနင်္ဂလာနေ့) ညက China Town ကို သူငယ်ချင်း သုံးယေက်နဲ့အတူ ပထမဆုံးအနေနဲ့ ရောက်ဖြစ်ခဲ့တယ်။ တရုတ်တန်းရောက်တော့ သိပ်လည်း မစည်လှပါလားပေါ့၊ ဘယ်လိုဖြစ်တာလည်း စဉ်းစားမိသေးတယ်။ ဒီနေ့ အင်တာနက်ထဲမှ သတင်းတွေဖတ်မိလိုက်တော့မှ ... တယ်'အ'တဲ့ ငါပါလား ဆိုတာသိလိုက်ရတယ်။

ကျွန်တော်တို့ သွားတဲ့နေ့က Chinese New Year တော့ မှန်ပါတယ်။ ဒါပေမဲ့ တကယ်တမ်း စည်စည်ကားကား ကျင်းပမယ့်နေ့တွေက လကုန်ရက်ဖြစ်တဲ့ ၃၁ ရက်နေ့ နှင့် ဖေဖော်ဝါရီ ၁ ရက်နေ့ဆိုတာ သိလိုက်ရတယ်။ ပြည်ပတိုင်းပြည်တွေမှာ ရိုးရာပွဲတွေ ကျင်းပရင် ဘယ်တော့မှ ကျတဲ့ရက် အတိအကျမှ မကျင်းပနိုင်ကြဘူး။ အမြဲတမ်း Weekend တွေမှာပဲ ပျင်းပကြတယ်။ ဘာလို့လည်းဆိုတော့ Weekend လိုရက်တွေမှာက နားတဲ့လူများတော့ လူစုံတက်စုံ လာနိုင်ကြတာကိုး။ နောင်အတွက် သင်ခန်းစာ တစ်ခုပေါ့။

ဓာတ်ပုံတွေလည်း ရိုက်ခဲ့ပါတယ်။ ဒီတစ်ခါ ဘယ်လိုဖြစ်မှန်းမသိ ပုံတွေက တော်တော်များများ ၀ါးနေတော့ အများကြီးမတင်ပေးနိုင်တာ ခွေးလွှတ်ပါဗျာ။ အထူးသဖြင့် ကွန့်မန့်ပေးထားတဲ့ လန်ဒန်က ဟင်းချက်ကောင်းတဲ့ အန်တီကြီးကို အားနာမိပါတယ်။

မီးပုံးတွေက လူတွေထက် ပိုများတယ်

ကမ္ဘာကျော် ပုဂ္ဂိုလ်နှစ်ဦးကို တွေ့ရစဉ် :P

ဗိုက်ဆာစေရန် :P

ဒီနှစ် Chinese New Year ကတော့ ဒီလောက်ပါပဲဗျာ။ လကုန်တော့ ရောက်ဖြစ်ဖို့ မသေချာဘူး။ ဒီနှစ်က နွားနှစ်ဆိုတော့ နွားလိုရုန်းရဦးမယ်လေ။ တတ်နိုင်ဘူး ... တစ်ကမ္ဘာလုံး သူသူငါငါ ငုတ်တုတ်မေ့နေကြတာဆိုတော့ နွားနှစ်မှာလည်း နွားလို ဆက်ရုန်းကြဦးပေါ့။ ဖြစ်သမျှအကြောင်း အကြောင်းချည်းပါပဲ။ ဒီအကြောင်းဆက်ရေးရင် ငြီးတွားမှုသံစဉ်တွေ ပါလာတော့မယ်။

မြန်မာပြည်မှာလည်း တစ်နှစ်ကို အနည်းဆုံး သုံးခါလောက် New Year ဆိုပြီး နှုတ်ဆက်ရတယ်။ မြန်မာလိုတစ်ခါ၊ အင်္ဂလိပ်လိုတစ်ခါ၊ အခု တရုတ်လိုတစ်ခါ။ ဒါတောင် ကရင် နှစ်သစ်ကူး၊ မွန် နှစ်သစ်ကူးတွေ ကျန်သေးတယ် :) ဒီမှာလည်း အဲလို နှစ်သစ်ကူးပွဲတွေ ကျင်းပကြတယ်။ အဲဒီပွဲတွေကိုတော့ မရောက်ဖြစ်တာ များပါတယ်။ ရှိစေတော့။

အားလုံးပဲ ... Happy Chinese New Year !!!

စကားမစပ် ... မြန်မာပြည် (ရန်ကုန်) က Chinese New Year ကျင်းပတဲ့ ပုံတွေကြည့်ချင်ရင်တော့ ကျွန်တော့်ဘော်ဒါကြီး ကိုရဲလွင်ဦး ဆီမှာ သွားကြည့်နိုင်ပါတယ်။ ကျေးဇူးပဲ ကိုရဲလွင်ဦး :)

No comments:

Post a Comment

Thanks for your comment.