၂၂ နှစ်မြောက် ရှစ်လေးလုံး နှစ်ပတ်လည်နေ့ အခမ်းအနားကို ယူကေရောက် မြန်မာ့ဒီမိုကရေစီအင်အားစုများ ဦးဆောင်ပြီး အခမ်းအနားနှစ်ရပ်ကို အောင်မြင်စွာ ကျင်းပနိုင်ခဲ့ပါတယ်။ ပထမအခမ်းအနားအနေဖြင့် ရှစ်လေးလုံး နှစ်ပတ်လည်နေ့ အထိမ်းအမှတ်ဆန္ဒပြပွဲကို လန်ဒန်မြန်မာသံရုံးရှေ့တွင် ၆.၀၈.၂၀၁၀ နေ့က ကျင်းပခဲ့ပါတယ်။ အဆိုပါပွဲသို့ လန်ဒန်သို့ ခေတ္တရောက်ရှိနေတဲ့ NCGUB မှ ဝန်ကြီးချုပ်ဒေါက်တာ စိန်ဝင်းကိုယ်တိုင် ပါဝင်တက်ရောက်အားပေးခဲ့တာကို တွေ့ခဲ့ရပါတယ်။ အခမ်းအနားကို နေ့လည် ၁၂ နာရီမှ ၁ နာရီထိ ကျင်းပခဲ့ပါတယ်။
Photo : Chan Mya Soe
ဒုတိယအခမ်းအနားအနေဖြင့် SOAS University တွင် ရှစ်လေးလုံးနေ့ အောက်မေ့ဖွယ်အခမ်းအနားကို ၈.၀၈.၂၀၁၀ နေ့က ကျင်းပခဲ့ပါတယ်။ အဆိုပါအခမ်းအနားကို နံနက် ၉ နာရီခွဲခန့်တွင် စတင်ပြီး ကျင်းပခဲ့ပါတယ်။ တက်ရောက်လာသည့် အဖွဲ့အစည်းအသီးသီးမှ ရှစ်လေးလုံးနေ့ အမှတ်တရစကားများကိုပြောကြားခြင်း၊ ရှစ်လေးလုံး မှတ်တမ်းဓာတ်ပုံပြခန်း၊ ရှစ်လေးလုံး အောက်မေ့ဖွယ် ပြကွက်အတိုလေးများဖြင့် ဖျော်ဖြေတင်ဆက်ခြင်း စသည်ဖြင့် ရှစ်လေးလုံးတွင် ကျဆုံးသွားသော ရဲဘော်များကို အောက်မေ့ဖွယ် တင်ဆက်ကျင်းပခဲ့ကြပြီး ညနေ ၅ နာရီတွင် အခမ်းအနားကို အောင်မြင်စွာ ရုပ်သိမ်းခဲ့ပါတယ်။
Photo: Chan Mya Soe
0 comments:
Post a Comment