Skip to main content

Sharing: ဘုန်းဘုန်းတာ့တာ - လူထုဒေါ်အမာ

ယခုဆောင်းပါးလေးကို လွန်ခဲ့တဲ့ လများစွာက ဘလော့တစ်ခုမှာ ဖတ်ဖူးလိုက်ပါတယ်။ မေ့မေ့ပျောက်ပျောက်ဖြစ်နေတာ ကြာပါပြီ။ အခု နေခြည်သွေးသစ် - ယဉ်ကျေးမှု စာစောင်မှာ ပြန်တွေ့တာနဲ့ ကိုယ့်ဘလော့မှာပါတင်ပြီး မှတ်ထားလိုက်ခြင်းဖြစ်ပါတယ်။

ဒီခေါင်းစဉ်ကို ဖတ်လိုက်တော့ ဆရာတော်၊ သံဃာတော်များက ဒေါ်အမာလည်း ခင်ပွန်းအနိစ္စရောက်တာနဲ့ စိတ်များ ကတောက်ကတက် ဖြစ်နေရှာထင်ပါရဲ့လို့ ကျွန်မကို သနားနေကြမလား မသိပါ။

"ဘုန်းဘုန်း တာ့-တာ" ဆိုတဲ့အသံမျိုး မကြာမကြာ ကြားရလွန်းလို့ နားကလောတာနဲ့ ဒီခေါင်းစဉ်ကို တပ်လိုက်မိတာပါ။ ကျွန်မတို့ဆီမှာ ကလေးငယ်တွေကို လူကြီးမိဘတွေက ဘယ်သူပြန်ခါနီးမှာပဲဖြစ်ဖြစ် "တာ့-တာ" လို့ နှုတ်ဆက်လိုက်ဆိုပြီး လက်ပြခိုင်းနေကြပါတယ်။
မြို့ပေါ်တင်လားဆိုတော့လည်း မဟုတ်သေးဘူး။ ဒီ တာ့-တာက တောကြိုအုံကြားအထိ ပျံ့နှံ့ဆင်းသက်လို့ နေပါတယ်။

ဒါကို ထောက်ခြင်းအားဖြင့် ကျွန်မတို့မှာ ပြန်ခါနီးနှုတ်ဆက်စကား တခု မရှိမဖြစ်၊ အပူတပြင်း လိုအပ်နေတဲ့ပုံပါပဲ။ လိုသမှ မဟားဒယားမို့ ကိုယ့်မှာလည်း မရှိလေတော့ သူများဟာကို အတင်းဆွဲယူသုံးထားရတဲ့ သဘောမျိုး ဖြစ်နေပါပြီ။

"တာ့-တာ" ဆိုတာ ဘယ်လူမျိုးက သုံးစွဲတဲ့ စကား၊ ဘာအဓိပ္ပါယ်ရှိတယ်ဆိုတာကို ဇစ်ဇစ်မြစ်မြစ် သိကြတာလဲ မဟုတ်ပါဘူး။ နို့ပေမယ့် လက်ကလေးလှုပ်ပြပြီး တွေ့ကရာလူကို "တာ့-တာ" နေကြပါတယ်။ တချို့ကများ ကဲသထက်ကဲပြီး "ဘိုင့်ဘိုင်- တာ့တာ-ချဲရီးယို" အထိ လုပ်နေကြလေရဲ့။
ကျွန်မတို့ ငယ်ငယ်တုန်းကတော့ အိမ်တအိမ်က ပြန်တော့မယ်ဆိုရင် အမေကသင်တာ လူကြီးတွေကို "ဦးတင်ပါသေးရဲ့" လို့ ပြောပြီး နှုတ်ဆက်ခဲ့ရမယ်တဲ့။ နည်းနည်းကြီးလာတော့ "ကျွန်မကို ခွင့်ပြုပါဦး" လို့ နှုတ်ဆက်ခဲ့ရတယ်။ နောက်တော်တော်ကြီးလာပြန်တော့ "ပြန်ပါဦးမယ်နော်" လို့ ပြောရတယ်။ ဒါ မြန်မာ့ နှုတ်ဆက်နည်း ဖြစ်မှာပါပဲ။
ခုခေတ်လို လက်ကလေးပြပြီး "တာ့-တာ" လို့ ဆိုမိရင် အမေက လက်များပုတ်ချမလား မသိဘူး။ ပြီးတော့ "ဘာလဲ ညည်းတို့စကားက တာတယ်ဆိုတာ ကောင်းမှတ်လို့ လူထဲသုံးနေရတာလား" လို့ ငေါက်မှာ အမှန်ပါပဲ။
မြန်မာစကားက လူပေါ်စ အဆင့်မျိုး မဟုတ်ပါဘူး။ ကြွယ်ဝပါတယ်။ ဝေါဟာရ မဆင်းရဲပါဘူး။ လူကြည့်ပြီး အသက်နဲ့အလိုက် ဂုဏ်သိက္ခာနဲ့အလိုက် သုံးနှုန်းပြောဆိုရတဲ့ စကားမျိုးပါ။ ဒီလိုယဉ်ကျေးမှုဟာ လူမျိုးတိုင်းမှာတောင် မရှိပါဘူး။ လူ့ယဉ်ကျေးမှု သမနိ ရှည်လှတယ်ဆိုတဲ့ တရုတ်တို့လို လူမျိုး အချို့ မှာသာ ရှိတာပါ။
အဖေလုပ်တဲ့ လူအပေါ်ကို ကိုယ်ဘယ်လောက်ကြီး မကျေလည်ပေမယ့် "မင်းကလဲကွာ" လို့ မြန်မာစကားက ပြောလို့ မရပါဘူး။ "ခင်ဗျားကြီးကလဲဗျာ" လို့ ပြောမိရင်တောင် "အဖေကို ခင်ဗျားလုံးကြီး ရိုက်ပြောတာ ရိုင်းလိုက်တာ" လို့ ဆိုပါသေးတယ်။ "ယူကလဲ ဂွကျလိုက်တာ" လို့ ပြောချင်လို့လဲ မဖြစ်ပါဘူး။ "အဖေကလဲ အဖေရာ" ဆိုတာမျိုးကို အလွန်ဆုံးပြောရတာပါ။ မြန်မာမှာ ကိုယ်က ပြောချင်တဲ့လူနဲ့ တန်ရာဝေါဟာရကို ရွေးပြီး သုံးစွဲရပါတယ်။ ဒါဟာ မြန်မာ့ယဉ်ကျေးမှုပဲ။

ခုတော့ ရည်းစားလည်း "တာ့-တာ"၊ သူငယ်ချင်းလည်း "တာ့-တာ"၊ ဘုန်းကြီးရဟန်း လည်း "တာ့-တာ" တဲ့။ ဘယ်လိုများ ဖြစ်နေကြတယ် မသိပါဘူး။

ကျွန်မတို့ မိုးကုတ်သွားလည်ကြတော့ မိတ်ဆွေတွေကို ပြန်ပါ့မယ်လို့ နှုတ်ဆက်တဲ့အခါ အိမ်တိုင်းက ပြန်နှုတ်ဆက်တဲ့စကားက "ဖြည်းဖြည်း ပြန်ပါရှင်" တဲ့။ ဒါဟာ ပြန်ခါနီး လူကို မိုးကုတ်က နှုတ်ဆက်တဲ့ စကားပါ။ မိုးကုတ်မှာ လမ်းတွေက မြေပြင်လမ်း မဟုတ်ဘူး။ အတက်အဆင်း၊ အကွေ့အကောက်တွေ၊ ကားနဲ့ ခရီးသွားရတာ။ ကားအမြန်မောင်းရင် အသက်အန္တရာယ်နဲ့ တွေ့ရတာ၊ တွေ့ပေါင်းလည်း မရေမတွက်နိုင်ဘူး။ ဒါကြောင့် သူတို့ဆီမှာ ခွဲခါနီး နှုတ်ဆက်တဲ့ လူတိုင်းကို "ဖြည်းဖြည်းပဲပြန်ပါ" လို့ နှုတ်ဆက်မှာ မှာတာထင်ပါရဲ့။ မေတ္တာ စေတနာ ကရုဏာအပြည့်နဲ့ နှုတ်ဆက်လိုက်တဲ့ စကားမို့ ကြားရသူရဲ့နားထဲမှာ ချမ်းမြေ့ကြည်နူး လိုက်တာ။ "တာ့-တာ" နဲ့ မကွာလား။ မြန်မာမှာ နှုတ်ဆက်စကားတွေ ကြွယ်ကြွယ်၀၀ ရှိပြီးသားပါ။

--
လူထုဒေါ်အမာ
သောင်းပြောင်းထွေလာမဂ္ဂဇင်း၊ တွဲ ၁၈၊ အမှတ် ၈၊ ၁၉၈၃ ဧပြီ။

လူထုဒေါ်အမာဟာ မျက်မှောက်ခေတ်ကာလမှာ ဖြစ်ပျက်မြင်တွေနေတာတွေကို ဥပမာပေး ဆောင်းပါးတစ်ပုဒ်အနေနဲ့ ရေးသားထားတာ ဗဟုသုတရဖွယ်ဖြစ်သလို လိုက်နာကျင့်သုံးဖွယ်ရာ အချက်တွေကိုလည်း တွေ့ရပါတယ်။ စကားပြောဆို ဆက်ဆံတဲ့အလုပ်ဟာ နေ့တိုင်းကြုံတွေနေရတဲ့ အလုပ်တစ်ခုပါ။ လူတွေ့ကိုယ်တိုင်ကိုယ်ကျစကားပြောသည်ဖြစ်စေ၊ ဖုန်းနဲ့ဖြစ်စေ နေ့တိုင်းပြောဆို ဆက်ဆံနေကြတဲ့အခါမှာ လူတိုင်းနားဝင်ချိုသာအောင် သုံးနှုန်းပြောဆိုဖို့လိုပါတယ်။ ထို့အတူ သုံးစွဲတဲ့ စကားလုံးတွေကိုလည်း သူ့နေရာနှင့်သူ သူ့အသက်အရွယ်နှင့်သူ အထူးသတိပြုအသုံးပြုဖို့ လိုအပ်ပါတယ်။ အမေမာပြောသလိုပဲ မြန်မာစကားမှာ ဝေါဟာရမဆင်းရဲပါဘူး။ သို့ပေမယ့်လည်း ပြောဆိုဆက်ဆံကြတဲ့နေရာမှာ ... ဥပမာအားဖြင့် အိမ်တစ်အိမ်ကနေပြန်ခါနီး နှုတ်ဆက်တဲ့အခါမှာ "ဒိုးပြီ/လစ်ပြီ/ဂိုးပြီ/ရွေ့ပြီ" စသည်ဖြင့် ပေါင်းစုံ ပြောဆိုသုံးနှုန်းနေကြပါတယ်။ တကယ်တမ်း စဉ်းစားကြည့်တော့ ဒီစာလုံးတွေဟာလည်း မြန်မာစာလုံးတွေတော့ မဟုတ်ဘဲ ခေတ်ကာလအရ ပေါ်ပေါက်လာတဲ့ ဘန်းစကားတွေသာ ဖြစ်ပါတယ်။ သို့ပေမဲ့ ကိုယ့်ထက်အသက်ကြီးသူ၊ ဝါကြီးသူတွေကို သွားပြောရင်တော့ မသင့်တော်လှပါဘူး။

ပြည်ပရောက်မြန်မာအချို့တွင်လည်း ထိုကဲ့သို့ စကားလုံးအသုံးပြုပုံ အားနည်းချက်အချို့ကို တွေ့မြင်ရပါတယ်။ ဥပမာ သံဃာတော်များနှင့် ပြောဆိုဆက်ဆံတဲ့အခါမှာ ... "ဘုန်းဘုန်း ဆွမ်းဘုန်းပေးပြီးပါပြီလားဘုရား ပြောရမည့်အစား ဘုန်းဘုန်း စားပြီးပြီလား"၊ "တင်ပါ့ဘုရား ဟု ပြောရမည့်အစား ဟုတ်ကဲ့" စသည်ဖြင့် လူလူချင်းဆက်ဆံသကဲ့သို့ အလွယ်တကူ ပြောဆို သုံးနှုန်းနေတာကို တွေ့ရပါတယ်။

ဒါ့ကြောင့် ကျွန်တော်တို့ နေ့တိုင်းပြောဆိုဆက်ဆံကြတဲ့အခါမှာ စကားလုံးအသုံးအနှုန်းလေးတွေကို သတိထားပြီး ပြောဆိုကြည့်မယ်ဆိုရင် ကိုယ်တိုင်လည်း မိမိလူမျိုး၏ ဂုဏ်သိက္ခာနှင့် ယဉ်ကျေးမှုကို ထိန်းသိမ်းရာရောက်သလို လူမှု့ပေါင်းသင်းဆက်ဆံရေးနယ်ပယ်မှာလည်း လူချစ်လူခင်ပေါများသည့် ဂုဏ်ယူဖွယ်ရာ အမျိုးသား/သမီး တစ်ဦးအဖြစ် ထင်ရှားတောက်ပလာနိုင်ပါကြောင်း အမေလူထုဒေါ်အမာ၏ ဆောင်းပါးနှင့်အတူ ထပ်လောင်း တင်ပြလိုက်ရပါတယ်ခင်ဗျာ။

Comments

Popular posts from this blog

မိုး သီချင်းများ

မိုးနဲ့ပက်သက်တဲ့ သီချင်းများကို ရနိုင်သမျှ စုစည်းပေးလိုက်ပါတယ်။ မိုးနဲ့ပက်သက်၍ ကျန်ရှိနေသေးသော (သို့) မျှဝေပေးလိုသော သီချင်းများရှိခဲ့ရင်လည်း comment ပေးခဲ့နိုင်ပါတယ်။ သီချင်းများ နားဆင်ရင်း အပန်းဖြေ ပျော်ရွှင်နိုင်ပါစေ မိုးရာသီထဲ - Lဆိုင်းဇီမိုးလေးဖွဲတုန်း - မျိုးကျော့မြိုင်၊ ထွန်းအိန္ဒြာဗိုဝမ်းနည်းမှတ်တမ်း - စိုင်းစိုင်းခမ်းလှိုင်အချစ်မိုး - ဂျေညီညီမေမြို့မိုး - စိုင်းထီးဆိုင်
မေဦးမိုး - ရင်ဂိုဒီမိုး - ဂျေညီညီအခါလွန်မိုး - ထူးအိမ်သင်
အလွမ်းမိုးစက်များ - အဲလက်စ်ထစ်ချုန်းမိုး - ဇော်ဝင်းထွဋ်ဇူလိုင်မိုး - ဆောင်းဦးလှိုင်မိမိုးကို - အဲလက်စ်မိုး - ထွန်းအိန္ဒြာဗိုမိုးမျှော်သူ - စံလင်းမိုးနဲ့အတူငိုနေမယ် - မေစံပယ်ညိုမိုးည - ခရီးသွားငါးယောက်မိုးသည်းထဲမှာ - ၀ိုင်ဝိုင်းမိုးသည်းထဲမှာ ပုန်းရှောင်သူ - NGIIKမိုးရာသီအလွမ်း - XBananaတစ်ခါတုန်းက - ရသမိုး - ကျော်သူစိုး၊ Rဇာနည်မိုးနဲ့မျက်ရည် - ရဲလေးမိုးပြေးလေး - YoYoမိုးပြေး - ခင်ဘုန်းရွာသာရွာပါမိုး - ဖြိုးကြီး၊ ငယ်ငယ်မိုးသက်တင်လေ - လွှမ်းမိုးရွာမယ်ဆိုရင်လေ - မီမီဝင်းဖေ (ဒဏ္ဍာရီသီချင်းများမှ)မိုးသီချင်း - NO

Add Digg vote button in Blogger post

Template ကို Backup လုပ်ပါ။Expand Widget Template ကိုရွေးပါ။ဒီ Code ကို ရှာပါ။<p><data:post.body/></p>
Replace with<p>
<!-- DIGG -->
<div style='float:right; margin-left:10px;'>
<script type='text/javascript'>
digg_url = '<data:post.url/>';
</script>
<script src='http://digg.com/tools/diggthis.js' type='text/javascript'/>
</div>
<data:post.body/>
</p>Source : Ajaxcold

ငါအိုသွားတဲ့အခါ

ငါအိုသွားတဲ့အခါ ငါဟာ အရင်ကငါ မဟုတ်တော့ဘူး။ ငါ့ကို နားလည်ပေးပါ။ စိတ်ရှည်ရှည်ထား ဆက်ဆံပေးပါ။

ချိနဲ့နဲ့လက်တွေနဲ့ ထမင်းဟင်းတွေ အင်္ကျီပေါ် လောင်းမိတဲ့အခါ၊ ဖိနပ်ကြိုးတွေ ချည်ဖို့မေ့သွားတဲ့အခါ၊ ငါ့ကို မရွံပါနဲ့၊ ငယ်ငယ်တုန်းက ငါသင်ပေးခဲ့တာတွေကို ကျေးဇူးပြုပြီး သတိရပေးပါ။

အပ်ကြောင်းထပ်မက ပြောဖူးတဲ့ စကားတွေကို ငါပြန်ပြောမိတဲ့အခါ စကားမဖြတ်ပဲ ကျေးဇူးပြုပြီး နားထောင်ပေးပါ။ ငယ်ငယ်တုန်းက အိပ်ရာဝင်တိုင်း တစ်ထောင့်တည ပုံပြင်တွေ မရိုးအောင် ပြောရင်း ငါချော့သိပ်ခဲ့ဖူးတာတွေကို သတိရပေးပါ။

မလှုပ်မရှားနိုင်လို့ ရေချိုးဖို့ အကူအညီလိုတဲ့အခါ ငါ့ကို မညိုညင်ပါနဲ့၊ ငယ်ငယ်တုန်းက ချော့တစ်လှည့် ခြောက်တစ်ခါ ရေချိုးပေးခဲ့ဖူးတဲ့ ပုံရိပ်လေးကို မြင်ယောင်ပေးပါ။

ခေတ်သစ် နည်းပညာသစ်တွေကို မသိနားမလည်ခဲ့ရင် ငါ့ကိုမလှောင်ပါနဲ့၊ ငယ်ငယ်တုန်းက “ဘာကြောင့်” ဆိုတဲ့ မေးခွန်းတိုင်းကို စိတ်ရှည်စွာ ငါပြန်ဖြေခဲ့တာကို သတိရပေးပါ။

စိတ်သွားတိုင်း ကိုယ်မပါ နွမ်းလျပြီး၊ လမ်းမလျှောက်နိုင်တဲ့အခါ ခွန်အားပါတဲ့ လက်တစ်စုံနဲ့ ငါ့ကိုကူတွဲပေးပါ။ လမ်းလျှောက်သင်စ အရွယ်တုန်းက တစ်လှမ်းချင်း လှမ်းလျောက် ကျင့်ပေးခဲ့ဖူးတာတွေကို ကျေးဇူးပြုပြီး သတိရပေးပါ။

အသက်ကြီးလာလို့ စ…