Skip to main content

ထွန်းလှဟိုတယ် - မန္တလေး

မန္တလေးမှာ ထွန်းလှဟိုတယ် ဆိုရင် တစ်ချို့လူတွေသိကြမှာ မဟုတ်ဘူး။ အနေကြာတဲ့ (မြို့ခံ)လူတွေပဲသိကြတယ်။ ဘာကြောင့်လဲဆိုတော့ ထွန်းလှ ဆိုတဲ့နာမည်က အရင်ခေါ်တဲ့ နာမည်အဟောင်းမို့လို့ပါပဲ။ ဘယ်ကနေဘယ်လို ဒီဟိုတယ်အကြောင်းရေးတာလဲမေးရင် ... မောင်တို့ချယ်ရီမြေ (၀င်းဦး, ခင်သန်းနု) ဇာတ်ကားထဲမှာ ပြောသွားတာလေးကို သတိရသွားလို့ပါ။ အခု အဲဒီဇာတ်ကား Burmeseclassic မှာတင်နေတယ်။ "မင်းသမီးက ထွန်းလှဟိုတယ်မှာ တည်းနေတယ်"ဆိုတဲ့ စကားပြောလေးခန်းလေး ပါတယ်။ တကယ်တမ်း အခုနာမည် အသစ်က မြမန္တလာဟိုတယ် (Corner of 27th & 68th)ဖြစ်နေပါပြီ။ ၃ တန်း ၄တန်း အရွယ်လောက် အဲဒီ ဟိုတယ်ထဲကို ခဏခဏရောက်တယ်။ သူငယ်ချင်း(အာကာအောင်)ရဲ့အမေက အဲဒီဟိုတယ်မှာ မန်နေဂျာလုပ်တော့ ထမင်းစားကျောင်းဆင်းတိုင်း အဲဒီကို ရောက်ရောက်သွားတယ်။ ကျွန်တော်တို့ ၁၆ အထက ကျောင်းနဲ့ဆိုရင် ၂မိနစ်လောက် လမ်းလျောက်လိုက်တာနဲ့တင် ရောက်ပြီ။ နောက်ပိုင်းကျတော့ ရေကူးကန်မှာ ရေသွားကူးရင်း ခဏခဏရောက်ဖြစ်တယ်။ အမြဲတမ်းကူးတာတော့ မဟုတ်။ သူငယ်ချင်း(အောင်သူရ) နဲ့လိုက်သွားရင်း ကူးဖြစ်နေတာ။ သူကတော့ အမြဲပုံမှန်လိုလိုကူးတယ်။ ကျွန်တော်ကတော့ အမြဲမကူးချင်ဘူး။ ဘာလို့လည်း ဆိုတော့ ရေကူးရင် အရပ်ထွက်တယ်လေ။ နဂိုကမှ အရပ်ရှည်ရတဲ့ကြားထဲ ရေခဏခဏ ထပ်ကူးလို့လည်း မကောင်းဘူး။ ရေမကူးရင်လည်း လိုက်သွားပြီး သူငယ်ချင်းနှင့် တစ်ခုခုစားသောက်ရင်း ရေကူးကန်ဘေးမှာ စကားထိုင်ပြောနေတတ်တယ်။ အခုလို ပူတဲ့အချိန်မျိုး ညနေခင်း ၅ နာရီလောက်ဆိုရင် အဲဒီမှာ လူစည်နေပြီ။ တစ်ခါတစ်လေ မေမြို့က တယ်ဝိုင် ပုလင်းလေး ဒါမှမဟုတ် စပျစ်ဝိုင် ပုလင်းလေးတွေယူ ရေကူးကန်ဘေးမှာ စကားပြောရင်း သောက်ကြတယ်။ ဟား ... ပြောရင်း ပိုလို့တောင် သတိရတယ်။ ဒီနေ့ ဧပြီ ၁၀ ရက်နေ့ ... မန္တလေးက သူငယ်ချင်းတွေ လှုပ်လှုပ်ရွရွ ဖြစ်နေလောက်ပြီ။ ညပိုင်းတွေမှာ "ကဲကြသည် ဆိုရာဝယ်" ဆိုတဲ့ ဇာတ်လမ်းတွေ ရိုက်နေလောက်ရောပေါ့။

Comments

  1. .. "ကဲကြသည် ဆိုရာဝယ်" ... ရိုက်နေလောက်ရောပေါ့။

    :D

    ReplyDelete
  2. ဟုတ်တယ် ... တကယ်ပဲကွာ .. လွမ်းတယ်

    ReplyDelete

Post a Comment

Thanks for your comment.

Popular posts from this blog

သီတင်းကျွတ်လပြည့်

ဝါလကင်းလွတ် သီတင်ကျွတ် ဆိုသည်နှင့်အညီ ရဟန်းတော်များ ၀ါဆိုသည့် ၀ါတွင်းသုံးလ ဟူသောကာလသည် သီတင်းကျွတ် လပြည့်နေ့ကျော်သည်နှင့် ကုန်ဆုံးပေတော့သည်။ "၀ါဆို"နှင့် အဖွင့်အပိတ်ညီစွာ "၀ါကျွတ်" ဟု ရည်ညွှန်းလေ့ ရှိပါသည်။ "သီတင်းကျွတ်" ဟူသော အသုံးအနှုန်းကို 'လ'အမည်အဖြစ် အင်းဝခေတ်မှ စတင်အသုံးပြပြီး "သတင်း" ဟု ရေးလေ့ရှိကြောင်းလည်း မှတ်သားရပါတယ်။ ရဟန်းသံဃာတော်များ သီတင်းသီလ ဆောက်တည်ကျင့်သုံးသည့်ကာလ ကျွတ်လွတ်ပြီးမြောက်သည့်လဖြစ်၍ သီတင်းကျွတ်လ ဟုခေါ်ခြင်းဖြစ်သည်။ အောင်မြင်ချမ်းသာ မြတ်စွာဘုရားကြီး ဒီနှစ်သတင်းကျွတ်လပြည့်ကတော့ ထွေထွေထူးထူး ဘာမှမလုပ်ဖြစ်ဘူး။ လပြည့်နေ့မတိုင်ခင်တစ်ရက်ကတော့ ဘုန်းဘုန်းတွေနဲ့ ဘုရားကို ရေသပ္ပာယ်ကြတယ်။ သန့်ရှင်းရေး ကုသိုလ်ပေါ့။ သန့်ရှင်းရေးဆိုလို့ ... ဘုန်းဘုန်းဦးဥတ္တရ ပြောပြဆုံးမတဲ့ စကားလေးတစ်ခုကို မျှဝေလိုက်ချင်ပါတယ်။ 'မိမိရဲ့ အိမ်မှာပဲဖြစ်ဖြစ် ကျောင်းမှာပဲဖြစ်ဖြစ် မသန့်ရှင်း မသပ်ရပ်နေတာတွေ တွေ့နေခဲ့ရင် ကိုယ်နဲ့မဆိုင်သလို သဘောမထားဘဲ "ယူတတ်ရင် မြတ်တယ်" ဆိုတဲ့သဘောနဲ့ သန့်ရှင်းရေး လုပ်ပေးပါ။ အိမ်သာသန့်ရှင်းရေး အဆုံးပေါ့။ သန့်ရ...

စမူ = ဇယ် = ရည်းစား = စော် = ချစ်သူ

မြန်မာစကားရဲ့ အရှုပ်တော်ပုံလေးတွေကို နည်းနည်းစဉ်းစားမိပြီး ရေးမိတာပါ။ ပြီးတော့ ၈တန်းတုန်းက အင်္ဂလိပ်စာသင်ခဲ့တဲ့ဆရာကြီး ပြောခဲ့တဲ့ဟာလေးကိုလည်း သွားပြီးသတိရမိလို့ပါ။ အဲဒီဆရာကြီးက မန်းလေးရေစစ်ကန်နားလေးမှာနေတယ်။ သူပြောတာက ဘာလဲဆိုတော့ ယောက်ျားလေးတွေက သူ့ချစ်သူမိန်းကလေးတွေကို ခေါ်ဝေါ်သုံးစွဲပုံလေးပါ။ ဒီခေတ်မှာတော့ ကိုယ့်ရည်းစားကို ချစ်စနိုးနဲ့ ခေါ်တဲ့ အသုံးအနှုန်းလေးကတော့ "စော်" တဲ့ ... အင်း ... ခေါ်ရတာတော့ တော်တော် ကသီးကအောက်နိုင်ပါတယ်။ [ ဟေ့ကောင် .. ငါ့စော်ကို တွေ့မိလား ... ကျွန်တော်တို့ ယောက်ျားလေးတွေ အချင်းချင်း မေးလေ့မေးထရှိကြတဲ့ စကားတွေပါ] အင်း ... သေချာစဉ်းစားကြည့်မယ်ဆိုရင်တော့ ကြားရတဲ့သူအတွက်လည်း ကသီးကအောက်နိုင်လွန်းလှပါတယ်။ ကျွန်တော့်ဆရာကြီးပြောတာကတော့ ဆန်းတယ်ဗျ ကျွန်တော်လည်းမကြားဘူးဖူး ... ဟီးဟီး။ သူတို့လူပျိုတုန်းက "စော်" အစား "စမူ" လို့ခေါ်တာတဲ့ အဲဒီကမှတဆင့် "ဇယ်" ဆိုတာဖြစ်လာတယ်တဲ့ ပြီးတော့ မင်းတို့ ခေတ်ရောက်မှ ရည်းစား ... အဲဒီကမှ "စော်" ဆိုတာကြီး ဖြစ်သွားတာတဲ့။ တော်တော်တော့ စဉ်းစားကြည့်သေးတယ်ဗျ ဘာလို့ "စမူ" လို့ခေါ်သလဲပေါ့ ဟီးဟ...

၁၀ တန်းအောင်စာရင်းများ ထွက်

မနေ့က ၁၀ တန်း အောင်စာရင်းများ ထွက်တယ်လို့သိရပါတယ်။ ရန်ကုန်မှာတော့ အောင်ချက် တော်တော် ကောင်းပြီး ဂုဏ်ထူးထွက်သူတွေလည်း များတယ်လို့သိရပါတယ်။ အဲဒီလို အောင်စာရင်းထွက်တဲ့နေ့ဆိုရင် မန္တလေးကို သတိရမိတယ်၊ ပြီးတော့ (၁၆) အ.ထ.က။ ကျွန်တော်တို့ ၁၀ တန်းအောင်စာရင်းထွက်တဲ့နှစ် (၂၀၀၀)တုန်းက ဆိုရင် မိုးတွေရွာလိုက်တာ အမုန်းပဲ။ မိုးရွာထဲမှာပေါ့ ပျော်တဲ့သူကပျော်၊ ၀မ်းနည်းသူက ၀မ်းနည်း။ ဂုဏ်ထူးမပါလို့ စိတ်ညစ်တဲ့သူက ညစ်နဲ့၊ စုံနေတာပဲ။ အောင်စာရင်းကြည့်ကြည့် ပြီးချင်း အဖေနဲ့ အမေကို သွားပြောတယ်။ တစ်မိသားစုလုံးပျော်လို့ပေါ့။ ပြီးတော့ ၁၆ ကျောင်းက ဆရာမတွေဆီကိုသွားတယ်။ ကျောင်းကိုရောက်တော့လည်း ပျော်စရာကြီး၊ ဆရာ/ဆရာမတွေက သူတို့တပည့်တွေအတွက် အရမ်းကို ပျော် နေကြတယ်လေ။ အဲဒီလိုနေ့မျိုးကတော့ ဘယ်အချိန်၊ ဘယ်နေရာကိုရောက်ရောက်၊ ဘယ်တော့မှ မေ့လို့ရမှာ မဟုတ်ပါဘူး။ ပြီးတော့ ကျွန်တော်နဲ့ Online မှာမိတ်ဆွေဖြစ်နေသူ တစ်ယောက်ဟာ ၁၆ ကျောင်းက ကျောင်းသူဟောင်း ဆိုတာဒီနေ့သိလိုက်ရတယ်။ သူကကျွန်တော့်ကို စိတ်အဟာရဆေးတွေလည်းတိုက်သွားသေးတယ်။ အရမ်းကျေးဇူးတင်ပါတယ်ဗျာ။