60th Anniversary Union Day ဖေဖော်ဝါရီလ ၁၂ ရက်

ဒီနေ့ နှစ် (၆၀)ပြည့် ပြည်ထောင်စုနေ့ကို မေ့နေတယ်။ ကောင်းရော ဖိုးချမ်းရာ။ ဘလော့တွေလိုက်ဖတ်လိုက်မှပဲ ဒီနေ့ဆိုတာ သတိရတယ်။ မြန်မာ Calendar မရှိတာလည်း ပါတယ်။ ဟိုနေ့ကတော့ ဘုန်းဘုန်းဆီက ယူလာခဲ့ပါတယ်။ အသိတစ်ယောက်ကို ပေးလိုက်တာနဲ့ မရှိတော့ဘူး။ ဒီနေ့လိုနေမျိုး ရန်ကုန်မှာပဲဖြစ်ဖြစ် မန်းလေးမှာပဲဖြစ်ဖြစ် အိမ်တွေရဲ့ရှေ့မှာ အလံလေးတွေ ရှိနေဦးမယ်လို့ထင်ပါတယ်။ အထူးသဖြင့် ဒီနေ့လိုနေ့မျိုးမှာ မန်လေးကျုံးကို သွားလိုက်မယ်ဆိုရင် အိမ်တွေရှေ့မှာ လွင့်ထူထားတဲ့ အလံတွေကို တွေ့မြင်နိုင်ပါတယ်။ မြန်မာနိုင်ငံ လွတ်လပ်ရေးတာတော့ နှစ်ခြောက်ဆယ် ပြည့်ပြီဖြစ်သော်လည်း ... မလွတ်လပ်သေးတဲ့ လူတွေလည်း ရှိနေပါသေးတယ်။ သြော် ... ထောင်ကျနေတဲ့လူတွေကို ပြောပါတယ်။ မလွတ်လပ်သေးတဲ့ သူ့ကျွန်ဘ၀ကနေ လွတ်လပ်ပြီး အချုပ်အခြာအာဏာပိုင် တိုင်းပြည်ဖြစ်အောင် စွမ်းဆောင်ပေးခဲ့တဲ့ ဗိုလ်ချုပ်(သခင်)အောင်ဆန်းရဲ့ ကျေးဇူးတွေကလည်း ကြီးမားလှပါတယ်။ အခုတော့ ဗိုလ်ချုပ်ဓာတ်ပုံကို ဘယ်မှာရှာရမလဲ မသိအောင်ဖြစ်နေသလိုပါပဲ။ သိပ်မတွေ့တော့ပါဘူး။ မန်းလေးမှာဆိုရင်တော့ ဘုရားကြီးက ဆိုင်တွေမှာ အရင်တုန်းက ဗိုလ်ချုပ်တို့ရဲ့ မိသားစုပုံတွေကို ၀ယ်ပြီး အမှတ်တရ သိမ်းထားနိုင်ပါတယ်။ အခုတော့ ရှိသေးလား မသိပါဘူး။ ပြည်ထောင်စုနေ့အကြောင်းပြောမယ်ဆိုရင် ပင်လုံစာချုပ်ကိုလည်း မေ့လို့မရပါဘူး။ ပင်လုံစာချုပ်ကို ဖော်ဝါရီလ ၁၂ ရက်နေ့ နံနက် ၁၀နာရီမှာ လက်မှတ်ရေးထိုးခံတာဖြစ်ပါတယ်။ အဲဒီအကြောင်း အိမ်မက် ကနေဖတ်ခဲ့ရပါတယ်။ အဲဒီပို့စ်ကိုတင်ပေးတဲ့ သူကိုလည်းအရမ်းလေးစား ချီးကျူးမိပါတယ်။ ပင်လုံစာချုပ်မှာ ပါဝင်လက်မှတ်ရေးထိုးခဲ့တဲ့ ခေါင်းဆောင်ကြီးများကတော့

၁။ ဗိုလ်ချုပ်အောင်ဆန်း ( ဗမာပြည် ခေါင်းဆောင် )
၂။ စောခွန်ပန်းဆိုင် ( တောင်ပိုင် စော်ဘွား )
၃။ စောရွှေသိုက် ( ညောင်ရွှေ စော်ဘွား )
၎။ စောဟုံဖ ( မြောက်ပိုင်းသိန်းနီ စော်ဘွား )
၅။ စောနန်း ( လဲချား စော်ဘွား )
၆။ စောထွန်းအေး ( သာခမန်း စော်ဘွား )
၇။ ခွန်ပန်း ( လူထုကိုယ်စားလှယ်၊ မြောက်ပိုင်းသိန်းနီ )
၈။ ဦးတင်အေး ( လူထုကိုယ်စားလှယ်၊ တောင်ကြီး )
၉။ ဦးကြာပု ( လူထုကိုယ်စားလှယ်၊ သီပေါ )
၁၀။ စောယစ်ဖ ( လူထုကိုယ်စားလှယ်၊ သီပေါ )
၁၁။ ဆမားဒူးဝါးနောင် ( ကချင်ကိုယ်စားလှယ်၊ မြစ်ကြီးနား )
၁၂။ ဇော်ရစ် ( ကချင်ကိုယ်စားလှယ်၊ မြစ်ကြီးနား )
၁၃။ ခွန်ထီး ( လူထုကိုယ်စားလှယ်၊ ပင်လုံ )
၁၄။ ဦးထွန်းမြင့် ( လူထုကိုယ်စားလှယ်၊ မောက်မယ် )
၁၅။ ခွန်စော ( လူထုကိုယ်စားလှယ်၊ ပင်းတယ )
၁၆။ ဦးဖြူ ( စော်ဘွားကိုယ်စား၊ ကျိုင်းတုံ )
၁၇။ တန်ရဒေါင် ( ကချင်ကိုယ်စားလှယ်၊ မြစ်ကြီးနား )
၁၈။ ဒူးဝါးဇော်လွန်း ( ကချင်ကိုယ်စားလှယ်၊ ဗန်းမော် )
၁၉။ လဘန်းဂရောင်း ( ကချင်ကိုယ်စားလှယ်၊ ဗန်းမော် )
၂၀။ ဦးလှာမောင် ( ချင်းကိုယ်စားလှယ်၊ ဖလမ်း )
၂၁။ ဦးသောင်ဇာခုတ် ( ချင်းကိုယ်စားလှယ်၊ တစ်ဒင်း )
၂၂။ ဦးဝမ်ကိုဟော ( ချင်းကိုယ်စားလှယ်၊ ဟတ်ကား )

ဒါနဲ့ စကားမစပ် မနက်ဖြန်ရော ဘာနေ့လဲဆိုတာ သိကြလားမသိဘူး။ ကျွန်တော်တော့ ဒီကဗျာလေးကိုပြန်ပြီး ကြားယောင်နေမိတယ်။

ဖေဖော်ဝါရီ ၁၃ ဟာ ဗိုလ်ချုပ်မွေးနေ့ပါ
၁၉၁၅ ရှေ့နေ ဦးဖာ သား
ဇာတိနတ်မောက် မကွေးခရိုင် သိကြများခုတိုင်
ကြံ့ကြံ့ခိုင်တဲ့ ဇာနည်ဖွား မိခင် ဒေါ်စု သား