Skip to main content

မင်းတို့မှမဖျက်ရင် မပျက်တော့ဘူး

လျှပ်တစ်ပြက်ဂျာနယ်ရဲ့ မျက်နှာဖုံးမှာပါတဲ့ သတင်းတစ်ခုပါ။ မန္တလေးသတင်းဆိုတော့ စိတ်ပါဝင်စားနဲ့ ဖတ်လိုက်တယ်။ ဖတ်ပြီးတော့ စိတ်မကောင်းသလိုလို ဒေါသထွက်မိသလိုလို ဖြစ်မိတယ်။

ရှေးဟောင်း အမွေအနှစ်ဆိုတာ ဘာလဲ သိရဲ့လား ?

ရှေးဟောင်းအမွေအနှစ်တွေကို ဘယ်လို ပြုပြင်ထိန်းသိမ်းရတယ်ဆိုတာရော နားလည်ရဲ့လား ?

မြန်မာ့ကျွန်းသစ်တွေ ရှားကုန်ပြီလား ... ပထွေးတွေကိုကျတော့ ခုတ်ခုတ်ရောင်းနေပြီးတော့။

မြန်မာနိုင်ငံအထက်ပိုင်းလည်း ခုတ်လိုက်ရတဲ့သစ် ... အောက်ပိုင်းကျတော့လည်း ထုတ်ရောင်းလိုက်ရတဲ့ ရေနံနှင့် သဘာဝဓာတ်ငွေ့၊ မြန်မာပြည်လည်း အထက်ပိန် အောက်ပိန်ဖြစ်နေပြီ၊ အလယ်ပိုင်းကျတော့ ရေနံတွင်းတွေဖောက်လွန်းလို့ အပေါက်အပြဲနဲ့။

သစ်တောမရှိတော့ ရာသီဥတုတွေဖောက်ပြန်၊ မိုးရာသီဆို လွန်ခဲ့တဲ့နှစ်တွေထက် မိုးက တဖြည်းဖြည်း ပိုကြီးလာတယ်။ နွေဆိုလည်း ပူလာလိုက်တာ ၀ီခေါ်နေတယ်။

ဥပဒေတွေ၊ လက်နက်တွေ၊ အာဏာတွေ ပါဝါတွေနဲ့ နှိပ်စက်ခံနေရတဲ့ ပြည်သူတွေဟာ ဒီ မသာတွေလုပ်လို့ ဖောက်ပြန်တဲ့ရာသီဥတုဒဏ်ကိုပါ ထပ်ပြီး ခံနေရတယ်။

လုပ်ပါ ... လုပ်ပါ ... မင်းတို့မှ မဖျက်ရင် မပျက်တော့ဘူး။

မိုးကောင်းတုန်း ရွာထားဦးပေါ့လေ ... ငါ့အလှည့်ကျမှ မိုးကြိုးတွေပါ ပစ်ပစ်မယ်။

Comments

Popular posts from this blog

မရောက်တာကြာပြီ

ဘလော့လာပြီး မရေးဖြစ်တာ ၂ နှစ်နီးပါးရှိသွားပြီပဲ။ ဖေ့ဘုတ်တွေပေါ်လာပြီးကတည်းက ဒီဘက်ကိုလှည့်မလာဖြစ်ဘူး။ ပြန်ရေးဖြစ်အောင် လုပ်ရမယ်။ အဓိကကတော့ ကိုယ်စိတ်ဝင်စားတဲ့အကြောင်းအရာတွေကို ပြန်ပြီးရေးချင်တယ်။ အဓိကကတော့ ဓာတ်ပုံနှင့် နည်းပညာသတင်းတွေကိုပေါ့။

Buddhapadipa Temple

Camera: Nikon D7000 | 35mm, F8 @ 1/200s, ISO 200 Software : Adobe Lightroom, Photoshop © Chan Mya Soe

ဆရာကြီး မင်းသုဝဏ်ရဲ့ ယခုခေတ်နှင့်ကိုက်ညီသော ကဗျာတစ်ပုဒ်

မြန်မာတို့အတွက်

ငါသာလျှင်တော် သူမတော်ရ
လူတော်ထင်မှာ တို့မြန်မာကို
ဘယ်ခါဆယ်၍ရမည်လည်း

ကြွားရင်းနှင့်နစ် ဝါးရင်းနစ်သည့်
နစ်လျှက်နေပါတို့မြန်မာကို
ဘယ်ခါဆယ်၍ရမည်လည်း

အကောင်းဆိုးထင် ဆိုးကောင်းထင်နှင့်
အထင်လွဲပါ တို့မြန်မာကို
ဘယ်ခါဆယ်၍ ရမည်လည်း

သူ့ကိုငါညှိုး ငါ့သူညှိုးနှင့်
အညှိုးကြီးပါ တို့မြန်မာကို
ဘယ်ခါဆယ်၍ ရမည်လည်း

ငြီး၍မပြီး ညူမပြီးဘူး
အပြီးတကာ လုပ်နိုင်ပါမှ
တော်ရာရောက်လိမ့် နောင်အဖို့
နိုးကြထကြမြန်မာတို့ သားမြေးတို့အတွက် ကြိုးပမ်းစို့

ဆရာကြီး မင်းသုဝဏ်