နှင်းတွေကျနေပြီ ... ပျော်စရာကြီး

ဒီနေ့နှင်းတွေကျမယ်လို့ သတင်းမှာလည်းပါထားတယ်။ ထိုင်စောင့်နေတာ မနက် ၄ နာရီလောက်မှာကျတယ်။ လမ်းမပေါ်မှာ ဖွေးနေတာပဲ .. အရမ်းမိုက်တယ်။ ဓာတ်ပုံထွက်ရိုက်လိုက်သေးတယ်။ အခုပဲ ပြန်လာတယ်။ နေရာတိုင်းမှာ ဖွေးနေတာပဲ။ အိမ်ခေါင်မိုးလေးတွေဆို ဆေးအဖြူရောင်တွေ လွှမ်းထားသလားအောင်းမေ့ရတယ်။ အခုမှ စကြုံတော့လည်း အထူးအဆန်းပေါ့။ မော်စကိုက ကိုဝေဟင်တို့အတွက်ကတော့ ဒါမျိုးက ရိုးနေပြီ :P ဒီနိုင်ငံကလူတွေကတော့ နှင်းကို မကြိုက်ကြပါ။ ရာသီဥတု ဆိုးတာရယ်၊ Travel လုပ်ရတာ အဆင်မပြေတာရယ်ကြောင့် လူမုန်းခံနေရပါတယ်။ ကျွန်တော်ကတော့ ဘာပဲပြောပြော ပျော်တယ်။ တစ်ညလုံး ထိုင်ပြီးစောင့်နေတာပဲ ကြည့်တော့။ တစ်ညလုံးတော့ ထိုင်ပြီးစောင့်ရကျိုးနပ်ပါရဲ့ ... မနက်ကျတော့ တော်တော်နဲ့ မနိုးတော့ဘူး ဟီးဟီး :P ဒါလည်း မဆန်းတော့ပါဘူးလေ။ နေ့စဉ်လုပ်နေကျ အလေ့ကျင့်တစ်ခုလို ဖြစ်နေပါပြီ။ ဒီရောက်တဲ့သူတိုင်းနီးပါးလည်း ဖြစ်ကြတာပဲ။ နှင်းကလည်း လန်ဒန်မှာ တစ်နှစ်မှ တစ်ရက်နှစ်ရက်ပဲ ကျတယ်လို့ပြောတယ်။ ပထမဆုံးအကြိမ်တော့ ကြုံဖူးလိုက်ပြီပေါ့ :)

နောက်နှစ် ဘယ်လိုအချိန် ဘယ်လိုအခြေအနေမျိုးမှာ ထပ်ပြီးကျအုံးမလဲတော့ မသိဘူးပေါ့။ အဲဒီအချိန်ကျရင်တော့ ကျွန်တော်လည်း တစ်ခုခုပြောင်းလဲနေမှာ သေချာပါတယ်။ ကောင်းသောပြောင်းလဲခြင်း တိုးတက်ခြင်း ဖြစ်ဖို့အတွက်တော့ ကြိုးစားရအုံးမည်။ ကဲ ... နှင်းပွင့်တွေရေ ... ငါတို့ ပြန်ဆုံကြဦးမှာပါ :) အခုတော့ မျက်စိကို အနားပေး မှေးလျက် အိပ်ရာဝင်တော့မယ် ... ကောင်းသောညပါ။