Skip to main content

နှင်းတွေကျနေပြီ ... ပျော်စရာကြီး

ဒီနေ့နှင်းတွေကျမယ်လို့ သတင်းမှာလည်းပါထားတယ်။ ထိုင်စောင့်နေတာ မနက် ၄ နာရီလောက်မှာကျတယ်။ လမ်းမပေါ်မှာ ဖွေးနေတာပဲ .. အရမ်းမိုက်တယ်။ ဓာတ်ပုံထွက်ရိုက်လိုက်သေးတယ်။ အခုပဲ ပြန်လာတယ်။ နေရာတိုင်းမှာ ဖွေးနေတာပဲ။ အိမ်ခေါင်မိုးလေးတွေဆို ဆေးအဖြူရောင်တွေ လွှမ်းထားသလားအောင်းမေ့ရတယ်။ အခုမှ စကြုံတော့လည်း အထူးအဆန်းပေါ့။ မော်စကိုက ကိုဝေဟင်တို့အတွက်ကတော့ ဒါမျိုးက ရိုးနေပြီ :P ဒီနိုင်ငံကလူတွေကတော့ နှင်းကို မကြိုက်ကြပါ။ ရာသီဥတု ဆိုးတာရယ်၊ Travel လုပ်ရတာ အဆင်မပြေတာရယ်ကြောင့် လူမုန်းခံနေရပါတယ်။ ကျွန်တော်ကတော့ ဘာပဲပြောပြော ပျော်တယ်။ တစ်ညလုံး ထိုင်ပြီးစောင့်နေတာပဲ ကြည့်တော့။ တစ်ညလုံးတော့ ထိုင်ပြီးစောင့်ရကျိုးနပ်ပါရဲ့ ... မနက်ကျတော့ တော်တော်နဲ့ မနိုးတော့ဘူး ဟီးဟီး :P ဒါလည်း မဆန်းတော့ပါဘူးလေ။ နေ့စဉ်လုပ်နေကျ အလေ့ကျင့်တစ်ခုလို ဖြစ်နေပါပြီ။ ဒီရောက်တဲ့သူတိုင်းနီးပါးလည်း ဖြစ်ကြတာပဲ။ နှင်းကလည်း လန်ဒန်မှာ တစ်နှစ်မှ တစ်ရက်နှစ်ရက်ပဲ ကျတယ်လို့ပြောတယ်။ ပထမဆုံးအကြိမ်တော့ ကြုံဖူးလိုက်ပြီပေါ့ :)

နောက်နှစ် ဘယ်လိုအချိန် ဘယ်လိုအခြေအနေမျိုးမှာ ထပ်ပြီးကျအုံးမလဲတော့ မသိဘူးပေါ့။ အဲဒီအချိန်ကျရင်တော့ ကျွန်တော်လည်း တစ်ခုခုပြောင်းလဲနေမှာ သေချာပါတယ်။ ကောင်းသောပြောင်းလဲခြင်း တိုးတက်ခြင်း ဖြစ်ဖို့အတွက်တော့ ကြိုးစားရအုံးမည်။ ကဲ ... နှင်းပွင့်တွေရေ ... ငါတို့ ပြန်ဆုံကြဦးမှာပါ :) အခုတော့ မျက်စိကို အနားပေး မှေးလျက် အိပ်ရာဝင်တော့မယ် ... ကောင်းသောညပါ။

Comments

  1. Anonymous10:16 pm

    ပထမနှစ်မို့လို့နှင်းကျတာအဲလောက်ပျော်နေတာ..အဟိ..နောက်နှစ်ဆိုရင်တော့...မြင်ချင်မှာဟုတ်တော့ဘူး..:D

    ReplyDelete
  2. ဒီမှာက တစ်နှစ်တစ်ခါလောက်ပဲမြင်ရတာဆိုတော့ ဟိဟိ ပျော်တယ်ပေါ့ဗျာ .. အခုမှ ပထမနှစ်ကျောင်းသားကိုး :P

    ReplyDelete
  3. နှင်းကျတာတော့ မိုက်တယ်။ ဒါပေမယ့် သွားရလာရခက်တယ်။ ဒီမှာတော့ တော်တော် အေးနေပြီ။ ဒီနေ့ အပူချိန်က -10 C ရှိတယ်။

    ReplyDelete
  4. Anonymous5:50 pm

    that was so annoying. I had to wait more than one hour for a train at the station that morning.

    ReplyDelete
  5. haha ... it's London. ya . isn't it. :P

    ReplyDelete
  6. နှင်းတွေနဲ့ ဓာတ်ပုံ ထွက်ရိုက်ထားပါလား ... :D

    ReplyDelete
  7. နှင်းတွေနဲ့တော့ရိုက်ချင်ပါတယ် အဲဒီအချိန်ကြီးက မနက်လေးနာရီဖြစ်နေလို့ လူကိုမရှိဘူး :P

    ReplyDelete
  8. Anonymous7:06 pm

    ၄ နာရီထိစောင့်တယ်လား...စနေက မသိဘူး..
    ကျမယ်ဆိုတာတော့ သိတယ်...မနက်ထလာတော့
    ဖွေးဖွေးဖြူလို့ ညီမလေးခေါ်ပြီး ဓာတ်ပုံလိုက်ရိုက်ကြသေးတယ်။
    ဒီနှစ်ကျတာ မနှစ်ကထက်များတယ်...စကောတလန်မှာတော့ ဒီဇင်ဘာ
    ဆိုရင်ကျပြီး ခါတိုင်းနှစ်က ..ဒီနှစ်က နှင်းလာတာနောက်ကျတယ်..
    ကလိုဘာ ၀မ်းမင်း ကြောင့်ထင်တယ်။ ဘာပဲဖြစ်ဖြစ် နှင်းကျရင် ပျော်စရာ
    ကောင်းပါတယ်...ဒူးလောက် မကျဖို့ဘဲလို့တယ်..ဟား

    ReplyDelete
  9. ၂လက်မကျော်ကျော်လောက်ထိ ကျတယ်လို့တော့ သတင်းမှာ ဖတ်လိုက်ရတယ်။ ဓာတ်ပုံကတော့ ရိုက်ကို မရိုက်နိုင်တော့ဘူး မနက်ထမလို့ဘဲ ဒါပေမဲ့ ၅ နာရီလောက်မှ အိပ်တော့ .ဟိဟိ ဘယ်နှယ့်မှ မဘယ့်နှယ့်နိုင်တော့ဘူး ဖြစ်သွားတယ် :)

    ReplyDelete

Post a Comment

Thanks for your comment.

Popular posts from this blog

သီတင်းကျွတ်လပြည့်

ဝါလကင်းလွတ် သီတင်ကျွတ် ဆိုသည်နှင့်အညီ ရဟန်းတော်များ ၀ါဆိုသည့် ၀ါတွင်းသုံးလ ဟူသောကာလသည် သီတင်းကျွတ် လပြည့်နေ့ကျော်သည်နှင့် ကုန်ဆုံးပေတော့သည်။ "၀ါဆို"နှင့် အဖွင့်အပိတ်ညီစွာ "၀ါကျွတ်" ဟု ရည်ညွှန်းလေ့ ရှိပါသည်။ "သီတင်းကျွတ်" ဟူသော အသုံးအနှုန်းကို 'လ'အမည်အဖြစ် အင်းဝခေတ်မှ စတင်အသုံးပြပြီး "သတင်း" ဟု ရေးလေ့ရှိကြောင်းလည်း မှတ်သားရပါတယ်။ ရဟန်းသံဃာတော်များ သီတင်းသီလ ဆောက်တည်ကျင့်သုံးသည့်ကာလ ကျွတ်လွတ်ပြီးမြောက်သည့်လဖြစ်၍ သီတင်းကျွတ်လ ဟုခေါ်ခြင်းဖြစ်သည်။ အောင်မြင်ချမ်းသာ မြတ်စွာဘုရားကြီး ဒီနှစ်သတင်းကျွတ်လပြည့်ကတော့ ထွေထွေထူးထူး ဘာမှမလုပ်ဖြစ်ဘူး။ လပြည့်နေ့မတိုင်ခင်တစ်ရက်ကတော့ ဘုန်းဘုန်းတွေနဲ့ ဘုရားကို ရေသပ္ပာယ်ကြတယ်။ သန့်ရှင်းရေး ကုသိုလ်ပေါ့။ သန့်ရှင်းရေးဆိုလို့ ... ဘုန်းဘုန်းဦးဥတ္တရ ပြောပြဆုံးမတဲ့ စကားလေးတစ်ခုကို မျှဝေလိုက်ချင်ပါတယ်။ 'မိမိရဲ့ အိမ်မှာပဲဖြစ်ဖြစ် ကျောင်းမှာပဲဖြစ်ဖြစ် မသန့်ရှင်း မသပ်ရပ်နေတာတွေ တွေ့နေခဲ့ရင် ကိုယ်နဲ့မဆိုင်သလို သဘောမထားဘဲ "ယူတတ်ရင် မြတ်တယ်" ဆိုတဲ့သဘောနဲ့ သန့်ရှင်းရေး လုပ်ပေးပါ။ အိမ်သာသန့်ရှင်းရေး အဆုံးပေါ့။ သန့်ရ

ဆရာကြီး မင်းသုဝဏ်ရဲ့ ယခုခေတ်နှင့်ကိုက်ညီသော ကဗျာတစ်ပုဒ်

မြန်မာတို့အတွက် ငါသာလျှင်တော် သူမတော်ရ လူတော်ထင်မှာ တို့မြန်မာကို ဘယ်ခါဆယ်၍ရမည်လည်း ကြွားရင်းနှင့်နစ် ဝါးရင်းနစ်သည့် နစ်လျှက်နေပါတို့မြန်မာကို ဘယ်ခါဆယ်၍ရမည်လည်း အကောင်းဆိုးထင် ဆိုးကောင်းထင်နှင့် အထင်လွဲပါ တို့မြန်မာကို ဘယ်ခါဆယ်၍ ရမည်လည်း သူ့ကိုငါညှိုး ငါ့သူညှိုးနှင့် အညှိုးကြီးပါ တို့မြန်မာကို ဘယ်ခါဆယ်၍ ရမည်လည်း ငြီး၍မပြီး ညူမပြီးဘူး အပြီးတကာ လုပ်နိုင်ပါမှ တော်ရာရောက်လိမ့် နောင်အဖို့ နိုးကြထကြမြန်မာတို့ သားမြေးတို့အတွက် ကြိုးပမ်းစို့ ဆရာကြီး မင်းသုဝဏ်

မရောက်တာကြာပြီ

ဘလော့လာပြီး မရေးဖြစ်တာ ၂ နှစ်နီးပါးရှိသွားပြီပဲ။ ဖေ့ဘုတ်တွေပေါ်လာပြီးကတည်းက ဒီဘက်ကိုလှည့်မလာဖြစ်ဘူး။ ပြန်ရေးဖြစ်အောင် လုပ်ရမယ်။ အဓိကကတော့ ကိုယ်စိတ်ဝင်စားတဲ့အကြောင်းအရာတွေကို ပြန်ပြီးရေးချင်တယ်။ အဓိကကတော့ ဓာတ်ပုံနှင့် နည်းပညာသတင်းတွေကိုပေါ့။