Skip to main content

Torjan Vs CMS (သို့) ဗိုလ်မှူး ... လုပ်အုံး

အခုတလော ဒေါင်းလုပ်တွေ ထိုင်လုပ်နေတယ်။ လိုချင်တဲ့ Software လေးတွေ ebook လေးတွေရတာကတော့ ကြည်နူးစရာကောင်းပါတယ်။ ဒါပေမဲ့ နောက်ဆက်တွဲ ပြဿနာက မောင်မောင် Virus
အင်မတန် စိတ်ညစ်ဖို့ကောင်း။ အများဆုံး တွေ့နေရတာက Trojan Horse။ မသာ Virus တွေ အပြင်မှဆိုလို့ကတော့ လမ်းကြိတ်စက် ငှားပြီးကို သတ်ချင်တယ်။ ဒါမှ မဟုတ် လည်ပင်းကို ကြိုးချည်ပြီး စစ်ကိုင်းတံတားပေါ်မှာ ချိတ်ထားလိုက်မယ်။ တော်တော် ခီးစရာကောင်းတဲ့ Virus တွေ။ Norton ကလည်း ရှာတော့ ရှာပေးရှာပါတယ်။ ဒါပေမဲ့ တစ်ခါတလေ သူကလည်း မူနေတယ် .. မသတ်နိုင်ဘူး။ အခုတော့ အကောင်းဆုံးသတ်ရမဲ့ နည်းလမ်းတွေရှာကြည့်နေတာပဲ။ နည်းလမ်းကောင်းလေးများရှိရင်လည်း ကိုယ်ချင်းစာသောအားဖြင့် လမ်းညွှန်ပေးသွားစေချင်ပါတယ် .. ဟီးဟီး။ ဗိုလ်မှူးလုပ်အုံး လို့ပဲ ထပ်ပြောရတော့မှာပေါ့။
အဲဒီ ဗိုလ်မှူးလုပ်အုံးဆိုတဲ့ စကားလေးက ကျွန်တော်တို့ သူငယ်ချင်းတွေ အချင်းချင်း အကူအညီတောင်းတဲ့နေရာမှာ သုံးတဲ့ စကားဝှက်လေးပါ .. ဟဲဟဲ။ သမိုင်းကြောင်းကို ပြန်ကြည့်မယ်ဆိုရင်တော့ ပြီးခဲ့တဲ့ သင်္ကြန်မတိုင်ခင်တုန်းက ဖြစ်ခဲ့တာ ခင်ဗျ။ ဖြစ်ပုံက ဒီလိုပါ ...
သင်္ကြန်မတိုင်ခင် ကားငှားဖို့ရှာပုံတော်ဖွင့်နေတဲ့ အချိန်ပေါ့။ ကံကောင်းချင်တော့ သူငယ်ချင်းတစ်ယောက်ဆီက သတင်းတစ်ခုကြားတယ်။ ဂျစ်ကား တစ်စီးရှိတယ်တဲ့။ ငှားမည့်သူကလည်း ကျွန်တော့်ရဲ့ သိပ်မရင်းနှီးတဲ့ သူငယ်ချင်း။ မေးထူးခေါ်ပြော လောက်ပဲ ရင်းနှီးတာ။ ဒါနဲ့ သူ့အိမ်ကို ကားငှားဖို့နဲ့ ကားကြည့်ဖို့ ချီတက်သွားကြတယ်။ သူ့အိမ်က ဈေးချိုနားမှာ။ ကားရတာ မရတာတော့ မသိ။ သွားရတာနဲ့ ဆီက အရင်ကုန်နေပြီ။ ဟိုလည်းရောက်ရော ကားကိုကြည့်တော့ မဆိုးပါဘူး။ ဒါပေမဲ့ Auto Gear လေး .. ဟီးဟီး။ ကျွန်တော်လည်း ဂျစ်ကို အော်တိုဂီယာတပ်တာ အဲဒါ ပထမဆုံး မြင်ဘူးတာပဲ။ ထားပါတော့လေ။ အဲဒါနဲ့ သူငယ်ချင်းတွေနဲ့ တိုင်ပင်တယ်။ ကြိုက်လား ဘယ်လိုလဲပေါ့။ အားလုံးက တညီတညွတ်တည်း ပြောကြတယ်။ မိုက်တယ် .. မဆိုးဘူးတဲ့။ ဒါနဲ့ပဲ အဲဒီကားကို ငှားမယ်ဆိုပြီး သူငယ်ချင်းရဲ့ မယ်တော်ကို သွားတွေ့ကြတယ်။ ဈေးလေးဘာလေး စစ်ရင်းပေါ့။ ပြောမဲ့သာပြောတာပါ ဈေးက စစ်လို့လည်း မရဘူး :( ။ ဒါနဲ့ပဲ ငှားလိုက်ကြတယ်ပေါ့ဗျာ။ နောက်ပြီး စရံငွေပေးလိုက်တယ်။ စရံငွေလည်း ရပြီးရော သူကားကိုငှားရင် ဘယ်လို အကျိုးရှိပုံတွေက စပြီး ပြောပါလေရော။ အဲဒီပြောတဲ့ စကားတွေထဲမှာ ဗိုလ်မှူးဆိုတာကြီးက ပါလာပါလေရော။ ဘယ်လိုလဲ ဆိုတော့ ... " မင်းတို့ . ငါ့ကားကို ငှားရင် အေးဆေးပဲ . ကားနဲ့ပက်သက်လို့ ပြဿနာတစ်ခုခု ဖြစ်လာရင် ဘာမှ မပူနဲ့ ငါ့ဆီကိုသာ ဖုန်းဆက်လိုက် . ငါ့ယောက်ျားက ဗိုလ်မှူး " ဟီးဟီး ... ကျွန်တော်လည်း အဲဒီစကားကိုကြားပြီး တော်တော်ရီချင်သည်။ ဒါပေမဲ့ မရီခဲ့ပါ .. ပေါ်တင်ကြီး ရီတော့ မကောင်းဘူးလေ။ သူကားရဲ့သမိုင်းကြောင်းများကို နားထောင်ပြီး နောက် ၃ ရက်ခန့်ကြာသော် ..
သင်္ကြန်လည်ကျပြီ။
တူးပို့သံတွေနှင့်အတူတူလည်ကြရင်း ကားကိုချီးကျူးနေမိသည်။ မဆိုးပါဘူးပေါ့ ဘာပြဿနာမှလည်း မပေးဘူပေါ့။ ချီးမွမ်းတာ စောသွားသည်။ လည်ရင်းနဲ့ ကျုံးအရှေ့ရောက်တော့မှ ပြဿနာကစသည်။ အော်တိုဂီယာ .. အလုပ် မလုပ်တော့။ အဲဒါနဲ့ စိတ်ထဲကတော့ ဖုန်းတွေဆက်ပြီး ကြိမ်ဆဲနေမိသည်။
"ဗိုလ်မှူး ... လုပ်အုံး .. ဒီမှာ ပြဿနာတက်နေပြီ"
အဲဒီနောက်ပိုင်းကစပြီး ပြဿနာတစ်ခုဖြစ်တိုင်း ကျွန်တော်တို့ရဲ့ ဂျစ်ကားလေးပေါ်မှာ "ဗိုလ်မှူး ... လုပ်အုံး" ဆိုတဲ့ စကားက အရင် ထွက်လာပါတော့သည်။

Comments

Popular posts from this blog

သီတင်းကျွတ်လပြည့်

ဝါလကင်းလွတ် သီတင်ကျွတ် ဆိုသည်နှင့်အညီ ရဟန်းတော်များ ၀ါဆိုသည့် ၀ါတွင်းသုံးလ ဟူသောကာလသည် သီတင်းကျွတ် လပြည့်နေ့ကျော်သည်နှင့် ကုန်ဆုံးပေတော့သည်။ "၀ါဆို"နှင့် အဖွင့်အပိတ်ညီစွာ "၀ါကျွတ်" ဟု ရည်ညွှန်းလေ့ ရှိပါသည်။ "သီတင်းကျွတ်" ဟူသော အသုံးအနှုန်းကို 'လ'အမည်အဖြစ် အင်းဝခေတ်မှ စတင်အသုံးပြပြီး "သတင်း" ဟု ရေးလေ့ရှိကြောင်းလည်း မှတ်သားရပါတယ်။ ရဟန်းသံဃာတော်များ သီတင်းသီလ ဆောက်တည်ကျင့်သုံးသည့်ကာလ ကျွတ်လွတ်ပြီးမြောက်သည့်လဖြစ်၍ သီတင်းကျွတ်လ ဟုခေါ်ခြင်းဖြစ်သည်။ အောင်မြင်ချမ်းသာ မြတ်စွာဘုရားကြီး ဒီနှစ်သတင်းကျွတ်လပြည့်ကတော့ ထွေထွေထူးထူး ဘာမှမလုပ်ဖြစ်ဘူး။ လပြည့်နေ့မတိုင်ခင်တစ်ရက်ကတော့ ဘုန်းဘုန်းတွေနဲ့ ဘုရားကို ရေသပ္ပာယ်ကြတယ်။ သန့်ရှင်းရေး ကုသိုလ်ပေါ့။ သန့်ရှင်းရေးဆိုလို့ ... ဘုန်းဘုန်းဦးဥတ္တရ ပြောပြဆုံးမတဲ့ စကားလေးတစ်ခုကို မျှဝေလိုက်ချင်ပါတယ်။ 'မိမိရဲ့ အိမ်မှာပဲဖြစ်ဖြစ် ကျောင်းမှာပဲဖြစ်ဖြစ် မသန့်ရှင်း မသပ်ရပ်နေတာတွေ တွေ့နေခဲ့ရင် ကိုယ်နဲ့မဆိုင်သလို သဘောမထားဘဲ "ယူတတ်ရင် မြတ်တယ်" ဆိုတဲ့သဘောနဲ့ သန့်ရှင်းရေး လုပ်ပေးပါ။ အိမ်သာသန့်ရှင်းရေး အဆုံးပေါ့။ သန့်ရ

ဆရာကြီး မင်းသုဝဏ်ရဲ့ ယခုခေတ်နှင့်ကိုက်ညီသော ကဗျာတစ်ပုဒ်

မြန်မာတို့အတွက် ငါသာလျှင်တော် သူမတော်ရ လူတော်ထင်မှာ တို့မြန်မာကို ဘယ်ခါဆယ်၍ရမည်လည်း ကြွားရင်းနှင့်နစ် ဝါးရင်းနစ်သည့် နစ်လျှက်နေပါတို့မြန်မာကို ဘယ်ခါဆယ်၍ရမည်လည်း အကောင်းဆိုးထင် ဆိုးကောင်းထင်နှင့် အထင်လွဲပါ တို့မြန်မာကို ဘယ်ခါဆယ်၍ ရမည်လည်း သူ့ကိုငါညှိုး ငါ့သူညှိုးနှင့် အညှိုးကြီးပါ တို့မြန်မာကို ဘယ်ခါဆယ်၍ ရမည်လည်း ငြီး၍မပြီး ညူမပြီးဘူး အပြီးတကာ လုပ်နိုင်ပါမှ တော်ရာရောက်လိမ့် နောင်အဖို့ နိုးကြထကြမြန်မာတို့ သားမြေးတို့အတွက် ကြိုးပမ်းစို့ ဆရာကြီး မင်းသုဝဏ်

မရောက်တာကြာပြီ

ဘလော့လာပြီး မရေးဖြစ်တာ ၂ နှစ်နီးပါးရှိသွားပြီပဲ။ ဖေ့ဘုတ်တွေပေါ်လာပြီးကတည်းက ဒီဘက်ကိုလှည့်မလာဖြစ်ဘူး။ ပြန်ရေးဖြစ်အောင် လုပ်ရမယ်။ အဓိကကတော့ ကိုယ်စိတ်ဝင်စားတဲ့အကြောင်းအရာတွေကို ပြန်ပြီးရေးချင်တယ်။ အဓိကကတော့ ဓာတ်ပုံနှင့် နည်းပညာသတင်းတွေကိုပေါ့။